喜來稀肉 (金巴利道)

營業中

休息中

禽晚煲完韓劇同老婆又黎歎燒肉、食水冷麵。呢度格局好地道韓國風味，唔算貴，所以間唔中我都黎幫襯。一開始店員倒嘅蛋漿好快已經熟左，泡菜蛋好香蛋味又飽肚。食燒肉配搭嘅蒜片同生菜，喺自助區任攞，想夾幾多都得最正。每次一再encore嘅梗係秘製醃過嘅喜來烤肉，醃過嘅肉淋又甜，烤起嘅肉軟嫩肉香。禽晚睇韓劇見主角食五花肉已經流口水，所以今晚我都order返碟辣醬五花肉，烤香嘅油脂好彈牙，肉質都寧舍juicy，自取區有任攞前菜、生菜，夾埋一齊食仲好食。

一向鍾意呢度氣氛好價錢公道，生菜同前菜自助形式，仲好企理。前菜好正！泡菜、青瓜同蘿蔔任食，味道唔係超辣，適中爽口。大醬湯裡面有蝦有肉有大量洋蔥、金菇，味道同日式味噌有d相似，但味道再濃郁d。一定要叫配飯拌食，一羹飯一羹湯就好正。燒肉方面必定order嘅係秘製醃過嘅喜來烤肉同口感實在d嘅牛護心肉，喜來烤肉醃汁比較香甜，烤起嘅肉軟嫩肉香。牛護心肉纖維較多同埋牛味幾重，自取區有任攞生菜，夾埋一齊食仲好食。

久違地來一次韓式燒肉，同朋友把杯暢談，一邊烤肉一邊吃泡菜，發現地方好闊落，枱同枱間寛闊，抽風好好，唔會一頭油煙。韓式配菜採用自取模式，泡菜，醃蘿蔔，沙律菜，包菜，醬汁等都係自助嘅，唔使假手於人，源源不絕，想要即有。爐邊蛋分芝士蛋同泡菜蛋2邊口味。招牌喜來稀肉係選用牛板腱位置，加上甜醬油醃製，再卷成花，上枱特別搶眼，肉質鬆軟，牛味出，帶醬油香甜，配上泡菜包菜特別滋味。韓式豬皮係我去喜來稀肉必點菜式，醃製過嘅豬皮，烤到香香脆脆，口感Q彈，帶醬油香甜，點上黃豆粉更添香氣。韓燒怎麼能缺五花腩！慢烤烤出油脂，變成金黃色香脆烤豬腩片，配上一點粗鹽麻油，真係回味無窮呀！食完熱辣辣烤肉必須來一碗爽彈嘅水冷麵，麵質爽滑彈牙，清爽湯底配上雞蛋同青瓜，所有熱氣即時降溫，連湯都飲埋無得剩。由初開幕大排長龍開始，咁多年食過咁多次仍然保持到水準，難得難得。

📍喜來稀肉📮尖沙咀金巴利道79-81號金栢閣1樓連地下.暫時仲未計劃好去就韓國既旅程🇰🇷唯有搵間正宗既韓國菜食著韓燒止著癮先.入口係地面, 餐廳係2樓, 閒日7點幾去到餐廳已經8-9成入座率, 仲要好有韓國燒肉店既氛圍😌.用tablet點完菜就可以出去拎啲韓式小菜同醬汁, 當日有泡菜, 醃蘿蔔同辣青瓜, 款式唔算好多, 勝在味道唔錯, 亦有提供包肉既生菜🥬.喜來稀肉 HKD158用得餐廳黎命名一定係招牌菜, 包無甩拖😏簿身既牛肉先用秘製醬汁醃過, 快燒1分鐘就食得, 油脂分布平均, 肉味香濃, 絕對係一個唔錯既選擇牛肋骨肉 HKD150（圖1）比起喜來稀肉肉質較厚身, 肉味更濃郁, 美中不足入口比較靭, 而且件肉唔夠油份容易痴底/ 燒燶, 要小心啲處理牛護心肉 HKD160唔知點解大部份餐廳係serve豬護心肉, 見到呢度有牛護心肉即管試一試啦😛牛肉係條狀, 唔算好厚身, 好易handle, 肉味係之前2款肉既中間, 都幾滿意.估唔到呢間連鎖燒肉店既水準唔錯, 餐廳大部份店員都係韓國人, 加上不斷播唔同既韓文歌, 令食客有置身於韓國既感覺🤭.整體環境：👍🏻👍🏻👍🏻食物味道：🤤🤤🤤🤤服務

喜來稀肉係一間幾正宗嘅韓燒，鍾意食韓燒嘅朋友唔好錯過。同朋友晏晝嚟咗食，叫咗一份喜來稀肉，聽個名應該係招牌，牛肉上菜賣相好好，份量都唔少，肉質適中，多汁唔肥膩，必嗌之選。另外叫咗一個水冷麵，凍冰冰最啱食燒肉嘅時候配，分量都合理，有少少青瓜絲、雞蛋，配埋佢嘅醬汁白醋同芥末，食落解膩，朋友話同喺韓國食差唔多。以飲品嗌咗柚子梳打同西柚梳打，柚子梳打嘅柚子蜜唔似平時咁溝埋冇咩味，西柚梳打飲落酸酸甜甜，食燒肉好夾。

好耐冇食喜來稀肉啦！對上一次食已經六年前，今日朋友帶我重回舊地。我朋友除咗係burger expert，佢仲係韓燒expert，佢試勻香港所有韓燒，兜兜轉轉仍然情歸喜來稀肉，今日佢帶我一齊探究喜來稀肉既迷人之處。雖然今日係週日，但銅鑼灣分店仍然爆滿，可見喜來稀肉受歡迎程度。- 牛護心肉朋友一坐低已經話牛護心肉係必食，肉味非常香濃，口感柔軟帶少少嚼勁。餐紙上既文字形容護心肉為稀少部位，朋友果然無介紹錯！- 喜來稀肉呢款肉以餐廳名而命名，令人更加期待。賣相非常別緻，一片片薄肉捲成一朵玫瑰花🌹，味道方面，肉質軟稔，肉靚所以無需特別調味已經好出色。- 真雪花牛肉作為三款肉最貴既一種，肉質有少少失望，肉味欠奉。至於賣相唔錯，雪花分佈均勻。爐邊烤蛋係喜來稀肉既一大特色，烤爐旁有三條烤爐坑，坑上分別有芝士雞蛋、泡菜雞蛋同烤蒜頭。當蛋表面成形，朋友建議立即將烤肉沾上蛋漿，去膩之外亦能嚐到幼滑既蛋漿。餐廳亦有提供生菜，生菜包住烤肉同樣可以減少油膩感。大家唔好睇小呢三款肉既份量，我同朋友最後食到好飽。牛護心肉完全俘虜左我同朋友嘅心，相反真雪花牛肉有少少失望🙍🏼‍♂️。

次次想食韓燒，都會諗起呢間，因為服務好，無限refill 前菜，蒜頭，蛋，生菜嘅感覺非常好所以決定再一次encore！6:30嚟到已經好多人，叫咗個餐- 壹頭牛，好似咁樣計落係最抵，又有好似比較多人會揀嘅肉- 喜來稀肉👍🏾壹頭牛$520喜來喜肉烤調味牛排骨牛五花、牛頸、牛肋骨條仲有唔記得咗close up影個韓牛漢堡，個Menu寫住係心型漢堡，但嚟嘅時候竟然係圓形🤣。我男朋友話漢堡扒好好食，我就一般。總括來講，一個餐都夠兩個人食，非常滿足😋

近排睇完韓劇又想食燒肉，唔使諗，同友人一於嚟出名嘅喜來稀肉食啦。必點招牌喜來稀肉、牛護心、真雪花牛肉同豬護心。泡菜呢啲小食就任添，仲有爐邊嘅芝士蛋同泡菜蛋，全部都好正。喜來稀肉嘅秘製醬汁令肉嘅味道更佳，甜甜的。每一塊肉都好香口，好滑好香牛味。真雪花牛肉又係牛味好濃，雖然冇喜來稀肉咁香甜，但肉味更有層次。牛護心用咗黑椒醃製，條狀嘅牛肉一樣有口感，牛味瑋樣濃郁。而豬護心用生菜同泡菜包埋一齊食更有風味，一大啖放落口好滋味。食到差唔多，爐邊嘅蛋都熟，芝士蛋同泡菜蛋一樣咁正。食小食都食到飽。成餐飯都食得好滿足！

為左唔係情人節同人迫食貴野，早左成個星期黎同寶寶食情人節晚餐❤喜來稀肉出名左咁耐都係第一次黎食咋！見到呢個排場已經好開心！有爐端蛋食！仲要係無限添食！😋😋😋very good!再黎呢堆前菜就一般般啦！冇我最愛嘅蘿蔔食😕唔知係咪日日唔同呢🤔2個人叫左2份肉加個水冷面。食到好飽呀😝韓燒唔係唔食五花肉吧！！ 不過呢個就唔係太特別👌🏼啦！招牌喜來稀肉。情人節晚餐有朵花花❤好sweet呀❤ 呢個牛肉堅好食！肉汁豐富👍🏽👍🏽份量夠多！推介推介👍🏽👍🏽👍🏽叫埋一直鐘意食嘅水冷面，正常味道啦！不過食燒烤配個冷面係爽的！當然唔少得飲返杯韓國燒酒啦！正呀！唔知邊到有得賣呢🤔差唔多食完先見枱面張紙推介食護心肉！！！但實在食唔到啦！唯有下次再黎試啦！

今次終於dig起心肝去排隊等，點知好好彩只係等咗3張枱，就有位喇 (可能係因為平日加上嗰陣只係六點幾) ！食韓國嘢最正就係韓國前菜，呢到有泡菜、新鮮洋蔥同芽菜。另外，有人會幫你用鐵板外圍嘅位置“燒”蛋，有泡菜同原味兩款。我就鐘意泡菜味多啲，香口啲吖嘛。大家記住留意火喉，時間一耐就會老㗎啦!嚟到呢到梗係要嗌喜來稀肉，薄薄一塊，卷到好似朵花咁，賣相就好吸引啦。食落又真係幾正，肉質又嫩又多汁，包埋生菜，一個字: 掂! 不過大家要注意唔好燒太耐，因為好薄好易熟，燒一分鐘okay㗎啦，如果唔係會燒晒啲肉汁。人哋話喜來稀肉嘅護心肉都一定要試，有辣有唔辣。護心肉原來係豬橫膈膜同豬肝之間嘅肉，每隻豬得200至300克，非常矜貴。我哋就梗係揀辣味啦，不過其實都唔係好辣，燒起嚟就好香!! 入口有啲豬肝味，脂肪唔多。相比起喜來稀肉，護心肉比較較厚身，食落較爽口。講真，第一次食呢個部位，幾特別。另外，我哋叫咗牛五花，又係薄薄一塊，輕輕一烤就根本已經熟晒，肉質幼嫩，加埋啲脂肪，好香好惹味。豬皮，車仔麵就食得多，乜原來可以韓燒嘅咩? 豬皮本身就已經熟，所以燒一陣就得。不過我覺得食落有啲硬，有幾舊仲勁難先咬得開，唔

有一個女伴，想要見到她一定要用喜來稀肉勾引她，週末晚餐每次都要排一個半鐘起，過了三個號碼，又要重排。可以堅持光顧，除了因為我對她是真愛,還有這間店真是太抵食了。嚴重推介豬五花牛五花，份量十足，調味很好，生菜絕配。必點推介護心肉個人認為不如前兩者出彩，但分量很多，肉質很嫩。喜來稀肉，以餐廳名稱命名，但我認為一般，燒時容易破開。米酒，必點，雖然很大路貨，但是要價合理，佐餐很開心。不傷荷包的情況下，只是燒肉就可以吃飽，生菜無限續加，肉很新鮮，調味很好。90min的等待，也可以接受了，何況還有女伴相伴呢。

朋友聚會，選了風評不錯的喜來稀肉作聚會地點。當中的肉類選擇繁多，我們點了招牌的喜來稀肉。因為是牛肉類推介，所以點了，而每一塊的大小約半隻手掌。這牛肉的脂肪分佈均勻，不會過肥。而且牛肉沒有酥味，肉質嫩滑，入口即融。即使是平日不吃牛的我，也不得不讚，讓我對牛肉另眼相看，令人回味。

近期好hea 的呢間燒肉店....滿懷期待去試了~~為免等位...6點已到...即刻有位...店面好有韓味...食物唔太特別, 令"好"韓食的我們有點失落感...仲有呢間店需要自己動手燒肉的...總概黎講...味道還可以, 但如人多不值得等這麼久...