Greyhound Café (又一城)

營業中

休息中

以前每前去Greyhound必點生蝦+炒蝦金邊粉，係轉新菜單之後都無用呢2款菜式，但新品依然好味😋新品有椒鹽蝦，椒鹽扇貝等等，以海鮮類別之主，不過因為當時椒鹽蝦賣哂，唯有等下次。新品既蟹肉炒飯，好正！如果食得辣既就一定要撈埋綠色辣椒🌶️非常滋味另外，仲有一向大熱既單骨雞翼，蟹肉粟米餅同埋三文魚，真係回味指數高👍🏻平日係Greyhound都係嗌飲泰式凍檬茶同埋泰式奶茶，今晚同左一個”酒鬼”食飯就嗌左Vodka + Wiskey，好抵飲，$78/杯。

九點半先食晚飯入餐廳前被通知last order 時間。甜咖哩印度薄餅👳🏾有兩款薄餅，我喜歡油薄餅咖哩入面有牛肉 薯仔 非常惹味半邊雞翼🍖竟然有臭豆腐味！！好驚喜😆夠香脆，有肉地👍🏼🍸Thai iced tea with Milk茶味較重，比較似港式奶茶軟殼蟹墨魚麵原隻軟殼蟹好豐富墨魚麵少辣，惹味仲有一杯野食冇影到埋單：4xx 偏貴

今晚早左放工 經過greyhound 見到竟然唔駛排隊 即刻唸起好想食個椰子千層蛋糕啊 所以就衝左入去開餐了！個burger 個汁辣辣地 , 西式的burger x 泰式的辣汁 幾惹味 再將的配菜夾埋入去食 洋蔥好清甜 ！再黎個單骨雞翼 ！ 又幾好味喎！ 炸得幾乾身！ 唔太油！味道剛好！ 不過$68得4隻 略嫌少左的！呢個鮮蝦帶子墨汁意粉又係辣辣地的 唔同一般的西式意粉 帶一點泰式的風味 不錯！終於到今晚的主角了！ 香滑的cream + 鮮嫩的椰子肉 不太甜 又少少鹹 ！ 😋 食完要捧住個肚離開了！

又一城最近有Tsum Tsum Festival, 終於有時間來走一轉，順便在又一城內找一家餐廳吃晚餐，最終選了這家。入坐時已說明須一個半小時交枱。在用餐的時間裡，侍應在附近經常快步走，本來想輕鬆的與至愛共進晚餐，結果令人進餐時很有壓力，有點兒破壞氣氛呢。

由於鄰居返學地點，Greyhound Café 已經幫襯左4、5次是日溫書前，同男友快食醫肚~是日晚餐：迷你三色漢堡 $138單骨雞翼 $68鮮蝦辣椒膏炒飯 $118迷你三色漢堡：三款迷你漢堡内配餡料分別是士多啤梨、芝士煙肉和醃青椒~切開就知漢堡扒好厚，而且好多肉汁~~最特別係配士多啤梨~ 估唔到會夾！好睇又好食的迷你漢堡~旁邊粗薯條亦討人歡心，新鮮炸起~裡面薯蓉粉粉的！單骨雞翼雞翼炸得香脆，但肉汁依然能夠保~而肉質亦唔會乾 & 鞋！所以單骨雞翼係我每次必點小食~~鮮蝦辣椒膏炒飯上台十分賣眼~~炒飯配以辣椒粒、青檸、蝦乾、炸豆乾、木瓜絲、咸鵪鶉蛋~旁邊亦有辣椒浸魚露首先將所有材料伴好~入口十分濃味~~炸豆乾、蝦乾都好脆口~一啖有多種口感！推介！辣得十分過癮~~唔小心咬到辣椒粒此時，肉碎湯大派用場！飲一啖即刻解辣~~離開時，8點半~門外排住大約20位客人~又一城晚飯，真係要好夠耐性~好多餐廳長期排隊…

今次係小妹第一次寫食評~多多指教上星期小妹生日，男朋友帶左我同屋企人去呢度慶祝。我地屋企都比較喜歡食泰菜，男朋友見呢間食評唔錯，又有特色，就話一於試下呢間放左工八點左右去到，人山人海，好彩屋企人放假..我地等左大約15分鐘就有得去食。一入到去，侍應服務都算唔錯，起碼唔會扔低個MENU就走左，仲會主動問下我地鐘意食咩，介紹D岩口咮既食物比我地。侍應介紹左單骨雞翼、生菜包、辣椒膏炒飯同椰子雞湯比我地，另外我地叫左三色漢堡、墨魚汁意粉、芒果鵝肝多士同埋蟹肉春卷。仲叫左兩杯特飲。其實蟹肉春卷都好好食，但係唔記得左影相XD由於我地叫左太多野食，擺到一枱都係擺唔晒，個侍應呢個時候又拎多碟過黎，我諗住將D小食擺埋一齊就一就佢，點知佢竟然同我講"你慢慢食喇~我幫你執一執就OK!"之後仲主動提出幫我地一家人影相(其實O個陣佢地都做到踢晒腳)，又話影得麻麻，幫我地影多兩張，令到我真係有D懷疑自己係咪真係O係香港食緊飯由於食到太飽，最後無叫到甜品食，男朋友就話下次再帶我黎食過~嘻嘻埋單，4位盛惠$1000，價錢尚算合理，如果計埋服務認真超值