影片
更多
2015-04-08
13331 瀏覽
都有一段日子無嚟食涮涮鍋喇，近日有朋友搵到間好嘢，位置便利，質素中上，覺得間餐廳做得有棄舊圖新之感，吹雞一聲，欣然赴會。地點，就晌旺角雅蘭嘅牛氣，初時仲以為晌雅蘭裡面，兜咗個圈，先知門口開晌山東街喎 。餐廳原來都幾大，鋪位好深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。90分鐘限時任食，價錢就以揀咩肉類 / 海鮮套餐計，由最平嘅嚴選美國牛肩肉$158，到最貴嘅極上澳洲和牛牛肩肉$378，一共5個級別，當然，質素就一分錢一分貨喇。每一款套餐唔會得一款肉嘅，只喺越貴嘅就提供嘅肉類任食更多。如想食得更抵，午市每位減$40（11:30am-6:00pm，最後入座4:30pm），一喺就宵夜時段，每位減$30（10:00pm-2:00am，最後入座0:30am） 。鍋底亦喺一間涮涮鍋好唔好嘅重點，牛氣嘅鍋底共有7款，北海道昆布、蕃茄龍蝦湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色 。我哋揀咗壽喜燒甜醬油湯，不過，原來個鍋嚟到仲要搞一輪，用啲油脂爆香，加大蔥炒，又棉花糖作為壽喜燒嘅甜味，最後倒入混咗醬油嘅壽喜燒
餐廳原來都幾大，鋪位好深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。
90分鐘限時任食，價錢就以揀咩肉類 / 海鮮套餐計，由最平嘅嚴選美國牛肩肉$158，到最貴嘅極上澳洲和牛牛肩肉$378，一共5個級別，當然，質素就一分錢一分貨喇。每一款套餐唔會得一款肉嘅，只喺越貴嘅就提供嘅肉類任食更多。如想食得更抵，午市每位減$40（11:30am-6:00pm，最後入座4:30pm），一喺就宵夜時段，每位減$30（10:00pm-2:00am，最後入座0:30am） 。
鍋底亦喺一間涮涮鍋好唔好嘅重點，牛氣嘅鍋底共有7款，北海道昆布、蕃茄龍蝦湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色 。我哋揀咗壽喜燒甜醬油湯，不過，原來個鍋嚟到仲要搞一輪，用啲油脂爆香，加大蔥炒，又棉花糖作為壽喜燒嘅甜味，最後倒入混咗醬油嘅壽喜燒湯底，個人略嫌「花臣」多多 。
如大多數涮涮鍋，點選好指定肉類或海鮮類套餐後，其他嘅配料就可以晌餐廳正中央嘅食物區任攞。有啲咩食?憑印象加相片輔助，盡量寫啦，大概有：油麥菜、生菜、墨汁墨魚丸、豆卜、大蔥、銀芽、金菇、蝦滑、台灣香腸、餃子、三文魚包心丸、翠玉瓜、炸芋頭、白蘿蔔、蟹柳、蕃茄、冬瓜、芋絲、豆腐、葛絲、粟米、鮮冬菇、韓式年糕、鱈魚豆腐、雲耳仔、龍蝦丸、蓮藕片、板燒魚蛋、南瓜、芝士腸、竹輪、娃娃菜、蟹柳、手打烏冬、通粉、薯粉、拉麵。
一櫃罐裝飲品，選擇唔算好多，都有多款汽水、啤酒，健康少少，又可以沖杯玄米茶或凍頂烏龍。
此外，較特別仲有三數款壽司「小食」，大可襯湯底未滾起時，頂一頂肚之選。
當有啲朋友食緊魚生、壽司，甚或乳酪雪糕，小弟就喜歡以沙律嚟開胃。一盤雜沙律菜，加幾款配料及3款醬汁，唔可以跟自助餐嘅規模比，但有點醒胃蔬菜落吓肚就夠喇 ！
湯底滾起，喺時候起動「涮涮鍋」。不過，都順帶一講佢個「混醬」架步，有日式醬油、酸汁、辣椒蘿蔔蓉、炸蒜、長蔥、辣椒、七味粉、胡麻醬，小弟就特吃愛炸蒜、長蔥配胡麻醬 ！
極上澳洲和牛牛肩肉 和牛牛肩肉油花分佈平均，如雪花段綿密細膩，放入湯中輕輕一灼，再放入口，滿口脂香，又不失肉味。因為片片透薄，唔覺唔覺都多食幾塊。
極上澳洲和牛牛肩肉
155 瀏覽
0 讚好
0 留言
嚴選美國牛肩肉 同樣都喺牛肩肉，不過就嚟自花旗國，油花無咁犀利，所以，入口脂香無咁重，但肉味絕不遜色。故此，想嘆油脂重嘅，就揀極上澳洲和牛牛肩肉，怕油脂太多，可以揀嚴選美國牛肩肉，正所謂各有所好。
嚴選美國牛肩肉
129 瀏覽
0 讚好
0 留言
特級美國豚腩肉 為免要灼得耐，豚腩肉切得薄到透光，脂肪唔太多，所以多食幾片豚腩肉都唔使擔心，而且，啲豚腩肉估唔到幾嫩滑，配壽喜燒甜醬油湯，效果唔錯喎。
特級美國豚腩肉
99 瀏覽
0 讚好
0 留言
精選嘅雞腿肉，雖然喺雪藏貨，但意外咁灼過後都滑而不嚡，啖啖肉，滑滑嫩嫩，沾炸蒜搭胡麻醬，非常惹味。
精選巴西雞腿肉
113 瀏覽
0 讚好
0 留言
海鮮拼盤 大海蝦、紐西蘭青口、日本帆立貝、廣島蠔及魷魚，海鮮質素不俗，尤其帆立貝鮮甜彈牙，廣島蠔碩大肥美，魷魚亦好爽口，大海蝦及青口不俗，所以，整體海鮮用料不賴，食完再添。
海鮮拼盤
166 瀏覽
0 讚好
0 留言
其他火鍋料，有好味嘅，亦有普普通通，口味嘅嘢各有不同，晌度唔多講，等大家當喺尋吓寶，但個人取向就多揀天然食物及蔬菜類 ，始終之前已涮咗唔少肉。
自助食物區旁，發現有盤日式咖喱，正猶豫試唔試之際，身旁嘅店員極力推介，所以，滔一小碗試試。咖喱味頗香，帶些甜，配珍珠米的確唔錯，不過，唔知喺咪好少客人食，個咖喱熱住變得有啲杰，口感就差咗少少 。
日式咖喱
55 瀏覽
0 讚好
0 留言
見佢啲拉麵細細個捲得幾靚，色澤又金黃，少試一個，不過，可能又喺放得耐而少人食，好似抽乾咗咁，煮好耐都唔散唔腍，之後入口口感差少少，所以，建議店家唔好擺太多出嚟，又或可以用啲透明膠蓋冚實，盡量保持番個質素。
拉麵
47 瀏覽
0 讚好
0 留言
甜品
83 瀏覽
0 讚好
0 留言
張貼
