花楽 (翩滙坊) (已結業)

第二次回訪 🤓 餐廳採納大部分自然光💡，下午時分黎就可以坐窗邊chill 一 chill。枱與枱之間既位好寬闊，空間感十足。——————————————————❤️ fav dish 🐣🏅燒雞皮 (8/10) $78驚喜之作🤩🤩 燒雞皮非常考功夫 製作需時但真係一個極邪惡既選擇 食到停唔到口 😛美味指數💯。 脂肪😈燒完後 非常香脆 無左油膩感，再配上清甜百合蓉一起品嚐，中和左燒焦既味道😋——————————————————🐟鱈魚乾 $48同雞泡魚干口感唔同 煮法唔同 唔係硬身個種 佢地將鱈魚乾弄得好薄好薄 係脆口既口感 感覺似食緊薯片咁 😝配上美乃滋同辣粉。 ——————————————————🥬胡麻菠菜油揚沙律 $88冰涼既沙律前菜 菠菜撈埋胡麻醬汁 再加埋油揚為伴菜 相當開胃——————————————————🦀軟殼蟹卷 $138呢份卷物既👀吸睛之處一定係卷物上面加左小小黑魚籽 金薄 非常豪氣 擺碟亦都有花心思 軟殼蟹質感香脆 小編鐘意沾上蛋黃醬食 甜甜地 ——————————————————🍶清酒煮蜆 $98 蜆肉正常發揮 不過略嫌清酒既味道唔夠 可以濃味一啲———————————

蟹籽沙律($128)，食主菜前點一份沙律有助醒一醒胃，青瓜絲好爽口，而且配埋蟹籽增加不少口感。雞泡魚干($128)，令我喜出望外，坊間食到既雞泡魚干都好硬好難咬開，今次廚師燒得唔錯，口感軟腍易咬，食到邊位有少少焦香，雞泡魚干帶有少少甜味，應該面層塗上左蜜糖，旁邊醬汁係蛋黃醬。四色雞肉串($138)，有四種不同醬汁就有四種不同味覺享受，個人最鐘意黑松露味，因為最為濃郁，而且比較少食到哩種配搭，其次係蜜糖味，原來醬汁混入左芥末，好食。壽司盛八貫($388)，8款魚生裏面各自有自己獨特既口感，最爽口係蜜柑鯛，最有口感層次豐富既係金鱔鯛和伊佐木因為連有魚皮，櫻鱒原來係三文魚類其中一種，帶子表面加上柚子碎，鮮甜既帶子配搭柚子既清新，兩者都幾夾。牛肉稻庭烏冬($98)，上菜後見到牛肉帶有少少粉紅色，即係未完全熟，牛肉採用薄切，就係為左讓牛肉可以在湯裏面既溫度去煮熟，咁牛肉食落既口感就唔會過韌，仲有另一點就係可以讓牛肉容易一d吸收湯汁既味道。

🇭🇰花楽·我嗰日去咗將軍澳海濱公園嗰邊玩wakesurf 發現原來呢邊有咁多餐廳 而且佢哋全部喺海邊 都超級有feel☺️☺️呢間啲嘢食都幾好食 不過佢份量都幾多 食到我地超飽🤤·軟殼蟹卷$138 l 味噌黑豚鍋$268 佢個卷物擺盤超靚 做得超出色 佢入面個軟殼蟹好大隻 超脆 而且完全唔會油 口感好好🦀佢個黑豚鍋湯底都ok既 不過我就覺得佢D豚肉本身無咩味 反而入面D菜同冬粉索曬汁 好正🤤🤤 ·鱈魚乾$48 l 蟹籽沙律$128 l 四色雞肉串$138 l 南瓜天婦羅$68之後因為我同我個朋友仔都做完運動 我地嚴重高估左自己既食量 嗌左超多野😂😂佢個鱈魚乾同蟹籽沙律都唔錯既 幾開胃 但係佢個沙律真係好多 係堆到好似一座山咁 食極都食唔完🤣之後佢個雞肉串肉質比較散少少 而且我自己覺得佢個4個醬有D太濃味咁 尤其係佢個蜜糖芥末係好似wasabi咁 之後佢個天婦羅熱辣辣 而且個南瓜好軟糯我自己幾中意🎃·#rbyeat#rby日本菜#rby將軍澳·📍將軍澳唐俊街21號翩滙坊地下G23號舖

今晚同家人去食日本菜，海邊餐廳選擇愈來愈多，不過日本料理始終係少數。餐廳裝修走踏實優雅路線，座位靈活，有廂房、卡座和多人座位，點綴金色裝飾，感覺高雅。晚市選擇很多，可以選擇壽司、刺身或串燒等。⭐️香蔥吞拿魚薄脆$128香蔥吞拿魚蓉夠清爽，入口軟綿綿，配上米通薄脆，口感豐富。⭐️壽司盛10貫$488有金目鯛、深海吃魚、帶子、拖羅、海膽、麥甘魚、卷物等。件件壽司都很新鮮，我們較喜歡金目鯛、拖羅等魚味濃郁的壽司。⭐️燒西京銀鱈魚$188燒西京銀鱈魚魚肉好嫩滑，拌飯一流。⭐️四色雞肉串$138有紫蘇葉、明太子、黑松露和芥末雞肉串，加上調味料感覺好新鮮。