譚仔三哥米線 (軒尼詩道)

營業中

休息中

因為箍牙妹主要都係食米線為主，但又唔鍾意食譚仔三哥，偏偏男友唔鍾意食米線，食嘅只去譚仔三哥，佢就我，我就佢，就焗住去啦！我地被安排左去坐角落位，叫左好耐先有姐姐過黎落單，其實我未試過食過橋米線套餐，咁就叫個過橋米線兩個人share，又叫左我覺得唯一好食嘅土匪雞翼，另外加左個西柚醋。落左單好耐先等到個米線，等等。。。好似有啲問題喎，唔係麻辣黎嘅，仲要係我唔喜嘅胡辣，再次地，又係叫左好耐先有姐姐黎。我地直接話可以比碗麻辣三小辣湯我就ok，唔洗浪費食物同時間，但姐姐都係決定成碗換比我地。結果第一次雞翼上得早過個米線，邊食邊等，呢間啲雞翼麻麻地，雞皮唔夠香脆可口，亦無食過翻尋味嘅感覺，真係間間質素好大分別。終於等到碗麻辣過橋米線黎喇，好多豬潤同牛肉。。。不過就好韌囉，但睇得出係重新做過碗，唔係之前果碗換左湯。其他配料不過不失啦！另外，杯西柚醋都一般，略嫌醋味不足，唔夠醒胃。

好耐都冇食辣野了。呢排辣癮起，就決定去銅鑼灣既譚仔三哥食麻辣米線。可能因為五點先當下午荼咁食，唔使等位就入得。叫了碗三小辣既豬潤麻辣米線，一貫水準，辣得來麻味絕對令人滿意，豬潤口感一流，米線份量足。不過之前聽人講食得多譚仔三哥會對辣開始麻木，三小的辣好似冇以前咁勁，睇來下次都要升級下。另外，食譚仔三哥當然唔可以唔食譚仔三哥既小食啦，尤其係土匪雞翼，簡直係必食推介。對於我這唔食得辣既女朋友，土匪雞翼都自然成為了佢既走辣首選。有別其他連鎖店，譚仔三哥的Quality Control做得好好，唔同分店的食品質素都keep到，去到香港十八區幾時辣癮起都可以走去其中一間醫肚。

今次黎食午餐，特意去到銅記既譚仔三哥皆因我同事話比起其他分店好食。想不到服務態度很好，一進門坐下已經可以直接下單，店面客人多，但安排入座的流程也很快速，而且上菜速度很快。值得一讚。可能是因為得兩人，這次我們不需搭台，可以自成一各。過橋米線：　我個人非常之喜愛豆卜同腩肉，夠入味好好味。仲有好多餸，例如豬潤，丸，火腿等等，所以我覺得過橋米線都幾抵食，如果想試晒啲餸嘅朋友，都可以試吓呢個。不過今次叫左清湯因同事食不到辛辣。米線係煮得好淋好好味皮蛋: 好入味，加埋蔥蒜係世界級食物，黎到一定要食，會再encore!土匪雞翼: 即叫即做嘅雞翼，上台熱辣辣，黑芝麻好香，配合辣椒粉孜然粉甚有燒烤嘅風味！