白宮咖啡室 (已結業)

（感謝 White House Cafe嘅邀請）0️⃣香蒜芫茜什菌炒意粉 $76主打用芫茜炒意粉真係幾有創意👍🏻炸蒜酥同芫茜配埋一齊炒真係幾香，食落唔會有油膩嘅感覺。意粉份量唔算特別多，夠兩個人開心share過下口癮。唯獨意粉嘅質地有啲偏硬，如果彈牙翻啲就更好啦！1️⃣白宮生日漢堡 $98用pancake做漢堡嘅概念，入面夾蕃茄、菜、煙肉同厚蛋，另外有跟埋沙律同塊薯餅。Pancake口感鬆軟，唔似平時食個啲咁乾爭爭，仲有陣蜂蜜味（個人幾鐘意蜂蜜嘅味道），夾埋啲餡食就啱啱好唔會膩。沙律薯餅就正正常常。2️⃣地獄辣子爆谷雞 $62 係cafe大家應該會諗到炸薯條呢啲小食，冇諗過會有辣子雞咁「違和」嘅中式小食！一見到勁多辣椒真係心都離一離，但好彩食落冇睇到咁辣。佢係炸雞塊嚟嘅，個醬嘅味道鹹鹹辣辣，似加辣嘅豆瓣醬味，但對我嚟講就真係鹹咗啲啦。🌟整體嚟講，食物勝在芫茜意粉夠創新同吸引，而生日漢堡用嚟打卡影相定食都幾滿足。(記住有加一服務費🧡感謝用心睇到呢度嘅你地🧡）

本身諗住呢間餐廳會係好grand好靚，但係去到都有少少失望😶又細又唔係好通風咁...但係野食嚟講選擇都幾多!我就同朋友叫咗一個小食:地獄辣子爆谷雞，而正餐就叫咗蒜香白酒蜆肉意粉同埋黑椒牛柳粒炒意粉，嘢飲就叫咗caramel latte~辣子雞都唔算辣，但係份量好少...兩個意粉味道唔錯😋尤其是蜆肉意粉嘅蒜味好足!!!嘢飲來講個caramel latte味道比較淡...整體嚟講嘢食都係普通啦🤔

又黎到荃灣覓食 cafe的的骰骰但係估唔到都有啲影相位🥞熱香餅配牛奶炒滑蛋及煙肉🍳炒蛋份量十足 都夠滑 牛奶味略嫌唔夠香濃 熱香餅鬆軟 🥓煙肉唔會太油膩 仲有啲菜好健康 但有啲苦 感覺上小食同意粉更有驚喜🍄香蒜芫茜什菌炒意粉意粉炒得好香夠乾身 硬度岩岩好 菇仲保留到水份芫茜控應該會好鍾意香蒜控就嫌香蒜味唔夠重🐥地獄辣子爆谷雞 睇落去好多辣椒🌶 好似好辣咁 食落就冇咁誇張 平時食到小小辣既人 應該都食到爆谷雞冇沾到醬汁既位好脆 真係成粒爆谷咁 配上濃郁醬汁辣辣地好惹味 🔥大熱天時好開胃

我又去荃灣喇! 有人生日, 普通生日蛋糕滿足唔到我哋, 繼上年我生日切燒雞後, 今次又一傑作….切 all daybreakfast!  餐廳位處轉角位, 好易搵! 設計簡約, 枱面有小擺設 (方便影相)!地獄辣子爆谷雞 $62 ~ 我食得辣又唔覺好地獄, 辣味有點似 Tabasco, 不過廚師話無用 Tabasco 而係自家創作調配的辣汁! 辣得嚟幾香, 唔嗆喉! 雞肉炸過肉質仍然嫩滑, 外層粉漿唔厚, 炸到脆脆的, 好開胃! 和風味噌蜆肉炒意粉 $87 ~ 讚! 意粉軟硬適中, 蜆肉雖然唔大隻不過好多粒仲好有鮮味, 菇及洋蒽同炒, 出乎意料成件事同味噌好夾, 意粉炒得好乾身, 口味獨特! 連坐我對面的 “百彈盟主” 都讚不絕口! 白宮生日漢堡 $89 ~ 呢個漢堡唔係一般漢堡包! 包包係熱香餅既朋友, 共三層, 甜甜哋好鬆軟! 中間既餡亦唔係免治肉, 而係香脆唔肥煙肉, 炒滑蛋, 蕃茄, 生菜同洋蔥! 再嚟香脆薯餅及新鮮沙律蕃茄伴碟! 上碟時仲點埋蠟燭, 呢個生日蛋糕係咪型先! 註: 唯一敗筆係…點解要問先比把刀我哋用…切 “蛋糕” 係一個好重要既儀式嚟架…

本身以為係普通漢堡包，但原來係用pancake做個包，入面夾住炒蛋、洋葱、沙律菜、煙肉、蕃茄。pancake偏甜，其他配料就鹹，甜鹹互相襯托，食落好夾。薯餅係一流，啱啱炸起，熱辣辣又脆，唔會太油膩。炒意粉黎講佢唔會太乾，泡菜、菇同鴨胸味道好配合，原來泡菜意粉都幾好食🤤但意粉有少少硬，同埋份量再多啲就好。 有少少似泰式辣醬雞粒，酸酸辣辣幾開胃，令人停唔到想繼續食。不過個脆皮有少少俾醬汁浸淋左，再脆啲就更好。