呦呦鹿鳴布丁燒

營業中

休息中

每次經過都比佢嘅外觀吸引住，鹿仔🦌真係好ᴄᴜᴛᴇ☺️，店舖唔大，但有好多味道選擇😍，平時唔太好布丁🍮，但非常喜歡cheese cake😆，而今次係我第一次食布丁燒😆·焙茶布丁燒🍵 $38店家使用100%北海道忌廉芝士，布丁🍮口感好香滑😋，輕芝士蛋糕體較紥實，焦糖帶焦香，可惜只帶微微嘅茶味，未夠香濃🙁，呢回有少許失望，整體唔算好甜··推薦指數：★ ★ ★ ☆ ☆

“布丁燒”呢個咁有層次嘅甜品，我已經想食好耐喇！今日就去搵呢間人氣甜品店「呦呦鹿鳴布丁燒」食吓佢有幾好味先，遠遠已經見到呢間以白色簡潔為主裝嘅小店，令人覺得好整潔，再配上精心手繪嘅餐牌、同埋係黑板上面嘅畫，店主一定放咗好多心思落去，以上都咁用心做，佢哋嘅“布丁燒”一定無得輸啦…… 左揀右揀之下就有以下選擇：1.          “焙茶布丁燒”﹝熱食﹞；2.          “鐵觀音布丁燒”﹝凍食﹞；及3.          “回魂布丁燒”﹝凍食﹞。 店主好細心咁教我將“布丁燒”分先後次序食同講凍同熱嘅布丁分別，首先原杯食食熱嘅“培茶布丁燒”👍🏼👍🏼，滑滑嘅質感好似燉蛋，香香嘅焙茶味慢慢咁由奶香布丁滲出，再挖深d將焦糖浸滿芝士蛋糕同布丁上，又有另外一種味道喔！跟住就食凍嘅“鐵觀音布丁燒”👍🏼👍🏼👍🏼，凍嘅要倒出嚟上碟食，用匙放入時覺得凍嘅質感係實小小，但食落依然好滑溜，鐵觀音嘅茶味較焙茶特出，茶香、奶香、蛋香、焦糖香甜一次過放晒入口，好好味呀……. 最後到人氣第一位嘅“回魂布丁燒”⭐️👍🏼👍🏼👍🏼⭐️，一食滿口濃濃咖啡味，再加埋芝士蛋糕同焦糖，真係好食到停唔到口囉，怪不之係人氣榜首第一位

暖笠笠嫩滑布丁燒 @ 葵廣呦呦鹿鳴布丁燒布丁燒係一樣超級好味嘅甜品，但係要入到元朗真係覺得好遠，自從葵涌開咗呢間呦呦鹿鳴之後我已經將本身嗰間忘記咗。🙈今次我第二次嚟葵廣呢度食，呢道定期都會有新鮮出爐嘅布丁燒，更加暖入心坎。上次嗌原味，今次就嗌新鮮出爐嘅焙茶味。焙茶味布丁燒🍮🍵焙茶味係個芝士蛋糕蛋糕會滲出一陣陣嘅焙茶香味，焙茶就係少少苦苦地但又帶着香濃嘅茶味。不過如果擺落布丁燒，即係芝士蛋糕同埋布丁嘅話，我覺得原味成件事夾好多。面層係雞蛋布丁，布丁依然係超級嫩滑，入口即溶，無錯，係bb皮膚果種嫩滑啊！配上底層嘅日式輕芝士蛋糕食好正啊！題外話:影相嘅時候店員突然間指住一張圓形嘅雲石枱，上面放滿公仔原來係專門俾人打卡用嘅，影相時佢仲要幫我打埋燈，超級Professional😅😅😅下次我都係會買返原味，因為更加食得出嗰種布丁嘅蛋香，同埋正宗日式芝士蛋糕味啊😋