影片
更多
2021-05-13
3286 瀏覽
香港地少人多，要搵有大落地玻璃窗既餐廳同Cafe實在唔多，一來樓底唔高，二來窗景唔靚，而今次呢間係大樓入面既美式餐廳 R&B Research Bakery，除咗出名有綠樹景加落地玻璃之外，佢哋嘅黑松露薯條都好出名。R&B的R係指Research，B係指Bakery，店名意思係不斷鑽研同創新菜式。R&B 其實係隸屬香港飲食集團 GREEN APPLE RESTAURANT LIMITED GROUP既餐廳，同之前係香港掀起熱潮既平價田園風餐館 Applegreen 係同一集團。兩間都係主打美式料理，Applegreen 價格就平啲，環境悠閒啲，而 R&B 賣點係新鮮焗製麵包、自家手工製作薯條同茄汁。漢堡、炸薯條、意粉唔少得，當中最出名就係佢個黑松露薯條、煙肉忌廉蛋汁意粉、炭燒雙層黑安格斯牛肉芝士漢堡同埋佢哋餐廳獨一無二既芝士燒粟米 (Elote)。餐廳其實唔算難book，如果係星期五只要唔係即日book，早一兩日都應該book到，就算book唔到其實walkin都有可能，唔係完全reserved哂啲位比booking，試過兩次walkin都係等十分鐘就坐得，店員會叫你係附近行下，有位再
香港地少人多，要搵有大落地玻璃窗既餐廳同Cafe實在唔多，一來樓底唔高，二來窗景唔靚，而今次呢間係大樓入面既美式餐廳 R&B Research Bakery，除咗出名有綠樹景加落地玻璃之外，佢哋嘅黑松露薯條都好出名。
R&B的R係指Research，B係指Bakery，店名意思係不斷鑽研同創新菜式。R&B 其實係隸屬香港飲食集團 GREEN APPLE RESTAURANT LIMITED GROUP既餐廳，同之前係香港掀起熱潮既平價田園風餐館 Applegreen 係同一集團。兩間都係主打美式料理，Applegreen 價格就平啲，環境悠閒啲，而 R&B 賣點係新鮮焗製麵包、自家手工製作薯條同茄汁。漢堡、炸薯條、意粉唔少得，當中最出名就係佢個黑松露薯條、煙肉忌廉蛋汁意粉、炭燒雙層黑安格斯牛肉芝士漢堡同埋佢哋餐廳獨一無二既芝士燒粟米 (Elote)。
餐廳其實唔算難book，如果係星期五只要唔係即日book，早一兩日都應該book到，就算book唔到其實walkin都有可能，唔係完全reserved哂啲位比booking，試過兩次walkin都係等十分鐘就坐得，店員會叫你係附近行下，有位再打電話叫你返黎。
餐廳行工業風，加上以木為主嘅簡約設計，落地玻璃附近有四張圓枱嘅位置，陽光係樹葉隙同格仔窗滲入，如果想坐到影靚相，可以打電話預約嗰時特別要求，邊坐可以邊望窗邊街景。
-
1️⃣ 蒜香松露薯條(幼身) 💰98（👅: 9.5/10）
蒜香松露薯條(幼身)
$98
76 瀏覽
1 讚好
0 留言
雖然佢係$98，但份量非常大，一個人一定食唔晒，起碼要兩個人share。
薯條有分幼身同粗身，問店員推介邊種佢就推介幼身，食完之後覺得佢冇推介錯。薯條食落好香脆，但唔會炸得好乾身，蒜味同芝士味食到好香口，好食到食唔停口，但又唔會太多油太膩。
薯條上面有一個好似芝士醬，其實係田園沙律醬，不過食落唔算重平時食到既沙律醬味，有小小奶味帶小小酸味，似酸忌廉，我自己覺得唔點都得。
而薯條上面會灑左一啲黑松露碎，食落黑松露味都唔算濃郁，始終黑松露碎只會提供到一啲香味多過味道，蒜味，如果佢唔係提供黑松露醬，松露味就唔太足夠，話佢係黑松露薯條咁佢既黑松露一定唔係我食過最好食，但單論薯條佢可以話係食過最好食，一直回味，所以呢碟薯條改名做蒜香薯條就更加貼切。
另外薯條會提供茄汁同松露醬，如果食到膩加醬可以消一消濟感，松露醬同我食過最好食既LOST STAR有距離，LOST STAR會食到個醬入面既餡料，呢間就普通既松露醬。
-
2️⃣⃣ 墨西哥芝士燒粟米 💰68（👅: 8/10）
墨西哥芝士燒粟米
$68
54 瀏覽
1 讚好
0 留言
呢個係店舖熱門菜式之一，Elote係一種墨西哥知名街頭小食既燒粟米，普偏既燒粟米都係用醬油膏、蠔油同砂糖做底，之後就按個人喜好加沙茶醬、甜辣醬、芝麻醬等醬料。而Elote係先將成隻粟米直接放係烤網上烤熟，之後會塗上一層加了萊姆汁既墨西哥酸奶醬，可以令之後落既配料同調味料都可以依附住粟米上，加萊姆汁就令佢食起黎更清爽，最後就加上芝士碎。
墨西哥芝士燒粟米
$68
57 瀏覽
1 讚好
0 留言
呢度既Elote會原條粟米燒好咁上，店員教要垂直條粟米咁切，即係好似刨粟米粒咁，粟米食落好香牛油味，而且上面鋪咗好多芝士碎，粟米加上半溶嘅芝士，食落味道好濃郁香口，味道有少少清甜，可以隨心加青檸，略嫌粟米偏硬。
-
3️⃣ 煙肉忌廉蛋汁意粉 💰168（👅: 8.5/10）
煙肉忌廉蛋汁意粉
$168
56 瀏覽
1 讚好
0 留言
睇個英文叫做Carbonara Pie，未食過仲以為係一個pie，其實係Carbonara，不過煮完之後當佢係一個批咁焗，蛋同忌廉焗後有小小Pie既形狀，意粉食落好香口，軟硬適中，食落算煙韌，而且幾掛汁，蛋汁夠creamy，不過偏稠身同濃味啲，但焗完唔會覺得特別脆，不過份量就依然好大份，如果係女仔兩個人都有機會食唔晒。
配料都好足料，有好多煙肉，不過兩個人食會食到最後有啲膩口，如果再多啲人SHARE會更好。
-
4️⃣ 炭燒雙層黑安格斯牛肉芝士漢堡 💰168（👅: 7.5/10）
炭燒雙層黑安格斯牛肉芝士漢堡
$168
53 瀏覽
3 讚好
0 留言
漢堡太大要切開先食到，有見過人哋嗰啲係切咗，但我呢個就冇。
麵包有烘過所以食落有少少脆口，入面就係鬆軟。牛肉有兩塊，幾厚，食落都Juicy同食到牛肉味。芝士有一塊係普通芝士、一塊係芝士脆片，芝士脆片食落有口感，而且好重芝士味。
加上芝士同埋其他配料
另外除咗漢堡仲有薯角，薯角正常，係扭紋厚身，食落熱辣辣，夠脆而且份量好多，但因為黑松露個幼身薯條太好食，呢個粗身薯角就會比下去，同埋份量太多食落會好濟。
呢個餐無論漢堡大細定係薯角份量好多，一個人食如果唔係好大食會食唔晒。
-
🌟環境來講夜晚就正常，日頭就會有玻璃窗位可以影相，因為有日光滲入來所以好易影到靚相。
食物水平我覺得係中上，尤其係薯條係會令我再嚟嘅原因，如果係松露薯條咁佢松露味就唔算出色，但薯條絕對係我食過最好食嘅其中一個。整體嘢食個價錢都偏貴，但份量都係比較多，我覺得幾適合一大班人share，如果唔係大食主食叫人頭數已經好夠。
呢間會係我尖沙咀諗唔到食咩時會諗到嘅其中一個選擇，如果係日頭就更加適合，因為佢有提供all day breakfast ，坐喺窗口位、食個brunch，同朋友傾下偈都係唔錯嘅選擇。
-
👅味道: 9/10
🍴環境: 7.5/10
💰消費: $502 (服務費: 10%)
張貼
