Stella's Bar & Restaurant (已結業)

朋友介紹話呢間新開西餐好抵食，甘我地兩條友就坐西鐵過黎食，由荃灣西行過黎都要十分鍾左右，行到附近全部都系車房，開頭都以為自己行錯路，原來系車房再入面，有D難搵！一黎到見到門口都幾歐陸feel,入到去坐地方唔系好大，佢系用左開放式廚房，見到好多年輕男士做賣頭苦幹整野食！開放式廚房比人感覺衛生好多，起碼唔敢加料 我地每人叫左個晚餐set 餐，佢set 餐抵好多，有前菜，主菜同一杯野飲，要湯要另+$38，唔要甜品可-$12，佢前菜個蕃茄芝士加黑醋汁，蕃茄新鮮，芝士用水牛芝士，開頭以為淨系食水牛芝士會好膩，但佢配個黑醋酸酸甜甜反而仲更加帶出芝士香味。澳洲蟹肉意粉，意粉份量唔多，但蟹肉比例多好多，蟹肉唔《梅》，鮮甜，意粉適中，配白汁佢有餐飲但我另+$24一杯特飲士多啤梨沙冰，炎熱夏天最好配合，又唔太甜，好岩女士飲！有時下午茶時間得閒都可以約朋友淨飲特飲，佢環境唔錯，好岩幾個朋友坐系度吹下水

難得阿媽約我食飯，作為孝子都要搵番間好少少既餐廳慰勞下佢😂 咁岩佢要去荃灣大會堂睇表演，咁我就卜左附近既餐廳。我卜左比較早既時間，所以一開始好似包場咁。其實間餐廳係荃灣廣場百老匯戲院一行出去轉左，地理位置幾好，附近都有好多食店。我阿媽係比較嘴刁既人，而且次次同親佢食飯，我去開果d餐廳果日都會失準，直頭好似魔咒咁，要對住佢邊食邊彈😂。今次我搵間未食過既，希望可以破解呢個魔咒。而結果係，呢間野真係好味，阿媽都係咁講侍應好年輕但好有禮貌，order左之後有問意粉同飯需唔需要煮番淋少少，因為佢地係會煮得偏硬身一d。我覺得呢d細緻位好貼心我點左溫泉蛋同埋蟹肉意粉。溫泉蛋好流心，唔小心篤穿左果刻，d蛋汁洶湧而出😂圍住蛋既菇有好濃郁既松露味，仲有熱熱地既麵包伴住食，好滋味蟹肉意粉有好濃好creamy既汁，有濃厚芝士味同檸汁，酸酸地冇咁漏。意粉又做到好有咬口，唔會過熟不過我最欣賞都係阿媽果碟牛肝菌risotto，香濃既松露香氣，好moist飯又夠淋，真係好好味至於野飲果度，我覺得我果杯士多啤梨沙冰既冰粒太大粒，一開始用飲管係啜唔到，要拔黎食😂 而阿媽杯檸檬野芒果味好似比較人造，特飲方面仍需努力😂 但其

姐姐基本上長留美國，難得返到黎香港。當然一家人要聚一聚，過返個family day 係荃灣廣場睇完戲後，就係附近揾晚餐的落腳點。呢間stella ，外面俾人感動好warm，好適合同知己好友食飯談天

今晚就同朋友去左荃灣呢間法式餐廳食野。環境方面唔錯感覺都好舒服待應服務好。而食物方面我就點左一個慢煮牛肉加薯蓉配紅酒汁，前菜我就點左野菌配温泉蛋，野菌味道好濃同香味夠蛋都處理恰當。主菜方面牛肉方面做得非常好，肉質鮮嫩，味道好香唔會煮得好老。而薯蓉味道好足夠。而餐飲方面我就點在個士多啤梨沙冰，味道好清香可以消暑解渴。

上周日，朋友邀請我到Stella 試菜。一試就愛上～每一道菜精緻但絕不馬虎！最inspired 係個青豆蟹肉湯～我本身係唔食青豆，一上菜，心想：都係唔食，但試一口，就發現它完全唔係用平時街市ge 急凍青豆，口感像新鮮豆做的～另，龍蝦意粉也大推介！它汁不多，但用龍蝦上湯濃縮製汁，叉上一小撮意粉連汁（還未吃龍蝦啊），一入口，已彷彿在吃整隻龍蝦！！！餐廳選料上乘，簡單如餐包，都唔係hea交貨，自問對面包都有d要求, 這裡的餐包外脆內軟，👍🏻👍🏻👍🏻難得在荃灣區有如此高水準ge 西餐，以後多個同朋友、家人ge聚會點！