HeSheEat (綠楊坊) (已結業)

喺荃灣地鐵站附近搵嘢食，一出閘喺綠楊坊就見到間門面好靚好粉紅的西餐廳，價錢合理而且仲有好多甜品選擇。我哋坐到張好特色的卡位，三面有鏡，花花牆紙好適合打卡。牛油果蟹肉凱撒沙律沙律菜好新鮮，配上凱撒沙律，醬汁好開胃。主角牛油果同蟹肉，份量也唔少，一齊食好夾。燒鰻魚滑蛋蓋意式紅飯紅麴飯比一般米飯有口感，是健康之選。鋪上滑蛋，增添了色彩和層次，滑蛋煮得好滑。主角鰻魚好厚肉，份量足。白酒牛油汁蜆肉扁意粉好香牛油味，蜆肉份量多而且蜆肉大隻同新鮮。扁意粉同樣份量足，唔會太多醬汁黐住，感覺吾油膩，又唔會太乾，做得唔錯。單骨蜜糖芥末雞翼新鮮炸起，非常香脆，皮好香口，芥末醬唔會好辣。由於雞翼已切開一半，容易上口，唔會食得論盡。士多啤梨焦糖脆脆梳乎厘班戟賣相好靚，打卡之選，有士多啤梨同焦糖脆脆做伴碟。色彩豐富。疏乎厘班戟非常鬆化，彈吓彈吓，食落軟綿綿唔會太甜，配上蜜糖脆脆，增添了層次，口感豐富，值得推介。

相信HeSheEat是不少90後的集體回憶，以前中學放學後不時都會相約朋友到旺角店品嘗甜品，由最初一間特色甜品小店到後來兼備小食、意粉等，面面俱圓。最近得知旺角總店已經結業，雖然大感可惜但慶幸仍有荃灣及銅鑼灣兩間分店，而荃灣店裝潢更以粉紅色為主，充滿少女風。紅花海鮮燴意大利飯 ($110) 真材實料佈滿帆立貝、魷魚、蜆及蝦，每款海鮮均已煎香。意大利飯口感綿密稠厚且軟硬適中，充滿番茄甜香及芝士醇香。鮮魷魚火辣墨魚汁意粉 ($88) 雖然與紅花海鮮燴意大利飯同樣用上魷魚，但兩者明顯迥然不同，相比之下這份魷魚明顯更加鮮美軟嫩。醬汁蒜香濃郁且辛辣惹味，另外加上檸檬汁更是畫龍點睛令層次有所昇華。炸厚切黑毛豬滑蛋蓋意式紅飯 ($88) 豬扒炸得酥脆之餘保留肉汁毫不乾韌。炒蛋嫩滑恰到好處，飯底加入茄汁烹調味道偏甜但自然。士多啤梨焦糖脆脆梳乎厘班戟 ($98) 鬆軟綿密有如棉花一樣，空氣感十足同時亦保留彈性。淋上忌廉與班戟結合充滿蛋奶香，可惜伴碟之焦糖脆餅不夠乾爽鬆脆略為黏牙。檸檬柚子沙冰 ($48) 細緻幼滑並無粗大冰粒，檸檬與柚子平分秋色，酸甜清爽。宇治抹茶鮮奶 ($40) 味道甘香溫醇，配上鮮忌

整個荃灣都有行人天橋連貫一齊, 行到腳軟, 當然要搵個地方下午茶！HeSheEat 門口啲餐牌好鬼吸引, 見到佢有梳乎厘班戟, 立即入去試一試！可能唔係太多人, 個士多啤梨梳乎厘班戟唔使15分鐘就做好, 侍應一拎埋嚟已經見到佢非常跳彈, 賣相非常討好！一隻叉篤落去, 軟綿綿！ 班戟本身唔係好甜,蛋香味濃沃, 配合忌廉醬汁啱啱好。脆卜卜嘅焦糖脆粒, 同軟綿綿非常滑溜嘅班戟成強烈對比, 口感層次豐富！ 士多啤梨都好甜又新鮮！我仲叫咗杯柚子檸檬沙冰, 賣相好靚, 個杯都好靚,基本上唔甜（唔知關唔關我食咗個甜嘅士多啤梨班戟）, 一粒粒嘅柚子係啲沙冰裏面有啲怪怪哋, 如果啲味濃啲可能會好飲啲！值得一讚佢哋用蘆葦飲管, 環保得未有配合清新嘅飲品, 值得一讚！

HeSheEat之前見到有人推介呢間餐廳🍴終於都放假同朋友去朝聖一下🤩入座後店員安排咗最靚嘅打卡位俾我哋坐真係好開心呢💯而且服務方面店員好體貼又有禮貌呢樣野真係要值得一讚👍今次用餐好開心而且真係名副其實嘅人氣西餐廳🌹菜式賣相好吸睛又好味😋外賣自取有88折優惠⭐️不能錯過🤩少女心爆發😍真係好靚好適合打卡📍燒烤BB豬肋骨配日式薯仔沙律⭐️味道好驚艷豬肋骨好入味👍肉質好軟身,份量都幾多好抵食!而且同沙律一齊食可以減少油膩感!薯仔沙律入口順滑!黑松露雜菌春雞燴意大利飯⭐️黑松露味濃郁加埋芝士味道絕配😋燒春雞燒得岩岩好,皮香肉嫩肉汁豐富十分推介!炸珍寶蟹棒&芝士年糕配日式蛋黃醬⭐️芝士年糕炸得外脆內軟,口感煙煙韌韌不油膩!珍寶蟹棒口感實在,令人食不停口好滿足!Strawberry Milkshake🌟好濃郁既士多啤梨味道,賣相好吸引而且不會過甜好味!Lychee Soda🌟荔枝梳打味道好清爽消暑一流💫士多啤梨焦糖脆脆梳乎厘班戟⭐️食埋個甜品就真係好滿足🤩蛋香味濃郁梳乎厘好鬆軟,加埋焦糖脆脆一齊食口感更為豐富💯

餐廳位於荃灣港鐵站出口附近，前往十分方便，店內以粉紅色調，女友望見心花怒放，說不出的喜悅。美食的確幾好味，而且價錢經濟，來多幾次也無妨。蒜香辣椒蕃茄大蝦配蒜蓉多士 $58 濃厚的蕃茄醬和茄粒，味道酸酸甜甜少少辣，配以鬆脆蒜蓉包加四隻大蝦，作餐前小食都唔錯。紅花海鮮燴意大利飯 $110飯粒粒分明好掛汁好夠味，夾雜左芝士絲富濃郁口感，淨係食飯已好滿足，飯中有蕃茄碎帶微酸，食起上來令人開胃。有口感彈牙的蝦仁，軟身的魷魚片，原粒鮮嫩帶子和沙蜆，海鮮配料豐富，樣樣兩粒兩粒可以和朋友開心二人分抵讚，食完成個飯係唔覺膩，相當好食。士多啤梨焦糖脆脆梳乎厘班戟 $98 甜品準備需時，幸好店員提醒不用苦等。梳乎厘班戟蛋味好香非常鬆軟，士多啤梨味道酸酸甜甜，配以焦糖口感脆脆甜美，好味好味。士多啤梨奶昔 $38賣相吸引好睇又好飲，飲落好creamy有粒粒果碎充滿口感，啖啖濃郁的士多啤梨味，超正。

星期二，晚上七時三十分到達餐廳，不用等候。店內以粉紅色為主， 帶有日本西餐感覺，員工有活力、服務有禮，場內氣氛輕鬆。第一道菜： 香辣柚子大蝦沙律 $78沙律菜、蕃茄仔新鮮，柚子碎好鮮甜， 蝦有烤過， 好香口。香辣汁和醋配合得很好，好開胃。第二道菜：香草燒春雞配日式薯仔沙律$118燒春雞已去胸骨，以輕烤方式焗熟，外皮肉內仍然保存到肉汁，一點都不乾。有香濃的香草和牛油味，連皮帶肉放入口一流！值得一題的黑醬油， 甜甜鹹鹹的，份外滋味。日本薯仔沙律是凍食， 口感不溜， 微香薯仔味，配上沙律菜，整體配合很好。必叫菜式！第三道菜：芝士汁鮮蛋意大利粉 $85內有芝士、蘑菇、煙肉和溫泉蛋，味道像卡邦尼意粉。意粉汁有很多，所以每吃一口都有濃郁的芝士煙肉味道。他們的意粉有點像伊麵，並不是傳統的意大利粉麵條。第四道菜：士多啤梨梳乎厘班戟$98這款甜品準備時間較長，要預返30分鐘。疏乎厘好香蛋味，好鬆軟，配上焦糖脆脆同忌廉慕絲，口感好特別，味道好好！士多啤梨主要作點綴，酸酸甜甜。呢款甜品好值得點！總括而言，所有食物都很滿意，美觀又美味；而且亦飽腹。兩人結帳$417。

年初二, 午餐後想吃甜, 不少心水也沒有營業, 最後來到綠楊坊, HeSheEat照常提供服務, 那就不用多說, 來個午後小甜聚.朱古力三重奏 $72: 8.5分, 當然不是第一次來HeSheEat, 綠楊坊店就是第一次. 由朱古力三重奏開始, 一客甜品, 包括朱古力慕絲雪糕, 朱古力心太軟, 以及凍朱古力特飲. 朱古力心太軟始終是這裡的經典, 流心度合格, 未算是澎湃的感覺, 但以這個份量來說, 已經令人滿意. 朱古力味道很濃烈, 而質感亦合宜. 喜歡的話, 可以配上朱古力慕絲雪糕, 層次感不俗, 雪糕不會太有冰感. 另外, 凍朱古力特飲就給小晴晴清掉了, 她是相當喜歡呢.岩鹽焦糖厚焗鬆餅配雲尼拿雪糕 $58: 8分, 接下來的是岩鹽焦糖厚焗鬆餅配雲尼拿雪糕, 厚焗鬆餅加上牛油, 質感軟綿, 蛋香突出, 點上楓糖及焦糖醬, 味道甜美. 配上雲尼拿雪糕, 冷熱交融, 也不錯.士多啤梨焦糖脆脆梳乎厘班戟 $98: 8.5分, 最後來到的是士多啤梨焦糖脆脆梳乎厘班戟, 震騰騰度令人滿意, 空氣感對辦, 質感輕柔, 很有蛋香. 配上焦糖脆脆同吃, 加強了層次感, 至於士多啤梨就全部留給小晴晴

《 你我他都不能錯過的精緻打卡餐廳》HeSheEat一直都以精緻嘅賣相以及高質食物質素作招徠，適逢撞正佢地嘅「日式甜品祭」吸引左我去試試佢嘅新野～ 🍯 蜜糖芥末單骨雞翼 $55雞翼控嘅我對佢地嘅雞翼表示滿意。一共有9隻雞翼份量黎講十分大方。雞翼即叫即炸，新鮮炸起熱辣辣嘅外皮滲出雞油香，配合酸酸甜甜嘅蜜糖芥末醬，令人食指大動！🍤 蒜香辣椒蕃茄大蝦配蒜蓉多士 $58大蝦同蒜蓉包都令人無法抗拒。大蝦每隻都好大隻，再沾上蒜蓉香味配以蕃茄同辣椒酸辣味道本身就好吸引。蒜蓉多士亦烤得脆卜卜，夾埋大蝦變蝦多士真係蒜香噴鼻，令人一試難忘。🍝 溫泉蛋卡邦尼意粉 $85意粉份量非常慷慨，配以香滑芝士汁，溫泉蛋，煙肉同白菌香味十足，入口濃濃嘅蛋香同芝士味，味道不錯。🧁 士多啤梨焦糖脆脆梳乎厘班戟HK$98自家製焦糖脆脆味道香口濃郁，配上日本士多啤梨，一陣甜味之中配上微酸，增強味覺層次，可以為食完肉食嘅口腔解解膩，為必備嘅飯後甜品。🍷 士多啤梨紅茶 $40本以為只係普通紅茶，但內有乾坤。紅茶茶白濃郁的確好解膩，配以士多啤梨果肉冰沙可以配完全將紅茶同士多啤梨混合一齊，解膩又好飲。🍷 白桃白茶 $30有左前面士多啤