粒粒果甜品 (已結業)

剛踏入端午，已經體驗到炎夏的厲害。在大街上遊走不消5分鐘便汗流浹背。這個時候需要一個地方消暑，於是入了這間「粒粒果甜品」。因為午餐吃的量不多，先來一客雞翼小食填填肚子。6隻的瑞士雞翼熬得非常入味，瑞士汁香甜。但雞翼肉質未夠嫩滑。這裡的招牌作之一，一顆顆水果星球非常吸睛，大概是大菜糕質感的外層包著水果粒，分別有奇異果、芒果等。碗內還有水果片：芒果鮮甜，西瓜消暑。選配了芒汁涼粉，略嫌芒汁有點淡，甜度可以再濃一點。同行的煙韌控友人多加了珍寶芋圓，3粒芋圓分開在另一個小碗上，然後再自行倒回芒汁涼粉中。筆者試了一粒，口感煙韌，帶有微微紫薯香。有著高打卡度的士多啤梨窩夫，配有士多啤梨果粒、2球士多啤梨口味雪糕。窩夫入口熱辣辣，有淡淡牛油香；蘸以雪糕和碟上的士多啤梨果醬，甜絲絲更美味。傾斜奶酪，賣相頗玩味。頂層先是一球士多啤梨雪糕，然後是士多啤梨粒和脆口的早餐穀物片。下層奶酪滑溜香口，成為了朋友的最愛，大半杯被她掃清。粉紅色的Smoothie，杯身還舖了片片士多啤梨薄塊，充滿少女心的飲品。唯味道比期望值低，士多啤梨味不明顯。消暑過後，又要回到街上與陽光玩遊戲了。

同妹子去百利達廣場做按摩，經過呢間甜品店，見貼在外面的甜品海報好可愛好吸引，望入店內又乾淨企理有啲文青風，一於做完按摩就去試一試。做完按摩已經係下午四點幾，正好來個開心嘅甜品下午茶。店內裝潢一派小清新的風格，雖然店子不算大但感覺舒服。看看餐牌， 哇！圖片好吸睛😍樣樣都想試，選擇困難症又發作😅兩人商議決定，叫咗4款甜品一齊些牙。好靚啊，靚到掛住影相，唔捨得食。連隔離枱個姐姐都影埋一份🤣🤣🤣魔法森林實在太靚拉花爆靚，顏色及構圖又吸引，則面貼咗兩片士多啤梨片，底部還有一些青蛙下蛋 (蘭香子)，整體構圖美美，真的不忍心破壞它，留到最後才捨得喝。飲落味道清新帶淡淡的牛油果味， 味道剛好不會過甜，口感幼滑，飲落舒服，唔止樣靚，仲好好飲，得！龍珠星球，一顆顆晶瑩剔透嘅龍珠好可愛睇個名就諗起悟飯，好有親切感，擺盤顏色都好靚。龍珠口感微爽有彈性似蒟蒻每粒龍珠內都有一種水果，有3粒紅肉火龍果+2粒提子，另伴有香甜芒果、清甜哈密瓜、西瓜，加上芒汁同涼粉，好好食，精緻、好味又健康古早芋圓仙草，芋圓食落香滑又煙韌，有吃到芋頭的味道，番薯圓亦有番薯味，妹子對芋圓味和質感都讚不絕口仙草凍味道有點回甘，而配料薏仁、西

同朋友食完飯去食甜品，朋友話有間推介我地去，就跟佢黎左呢度啦！睇餐牌啲相都已經好吸引！超靚！超特別，唔同一般食開既甜品榴槤星球椰汁西米唔係特別，特別在佢個榴槤啫哩球！！圓碌碌！好光滑！咬落去一陣陣既榴槤味漂出黎！口感同視覺都一流！士多啤梨窩夫有兩球雪糕，一球係底，墊起窩夫。雪糕好甜，好香士多啤梨味！窩夫鬆軟，外脆，夾埋雪糕同士多啤梨食，一流，好味！窩夫送earl grey茶芒果之戀好靚呀！未見過甘靚的飲品！廚師好有心機，個圖案好靚！打卡相一流！味道都好得！好濃既芒果味，又唔會太甜，個底有蘭香籽，有口感又健康！瑞士汁雞翼超超超入味！甜甜地，又香，熱辣辣，好多汁，超好食！牛奶小方細細粒好得意。小方有濃厚的牛奶味，而職員亦很貼心將椰絲另上。我地可以因應自己的口味去落椰絲。點上椰絲後，小方的味道會更佳。呢度既甜品都整得好靚，好有心思，又有特色！尤其是星球啫哩同”拉花”！價錢唔貴，一定會再黎！正！

廣華街有好多間甜品店我諗大家都知道，最有特色嘅甜品店，目前我只會揀「粒粒果甜品」因為佢哋嘅水果星球系列加上心形窩夫，真係冇幾多間甜品店有。水果星球意思係用透明啫喱做既波波球包住粒粒水果，而且生果新鮮，入邊仲有啖啖西米同椰果。水果星球（配芒汁西米），超多芒汁窩夫系列亦都係港人最愛，窩夫脆口夠熱，就算排滿晒隊，都唔會預先整定放喺度，要客人食到最美味嘅甜品，值得一讚老闆嘅心機！窩夫是心形，女仔最愛，加上士多啤梨味，超有少女心，仲有兩球士多啤梨雪糕，加上士多啤梨粒。呢度嘅窩夫仲有朱古力味，梗係要叫一個你試吓，朱古力窩夫同樣是心形，配兩球超濃味的雲呢拿雪糕，上面仲淋上朱古力醬，配以多片香蕉拌碟，男仔叫呢個岩哂！最後一定唔可以錯過既 瑞士雞翼（六隻）雞翼大大隻又滑，將瑞士汁鎖在雞翼裏面，真係食甜品都可以當正餐。

在香港總有一間甜品店在左近，尤其是在旺角呢啲旺區，一條街可能有三四間都不出奇。今日和朋友吃過晚飯後再來了這邊甜品舖林立的廣華街。見到呢度新開左間標榜以鮮果做甜品的鋪頭，餐牌比一般甜品店更色彩繽紛，而且種類都比較多。古草芋圓仙草配料很豐富有芋圓、地瓜圓、紫薯圓、西米、紅豆、珍珠以及仙草做底。芋圓軟糯有咬口，汁底用上古早黑糖，但不會太甜仲帶有少許藥材味。水果星球（芒汁西米）這個外型非常討好，啫喱球本身就沒有什麼味道，不過入面的生果就好鮮甜士多啤梨窩夫窩夫絕對係出類拔萃！烤得外脆內軟，就算放耐啲都仍然維持到哩個質地配上士多啤梨醬及雪糕。雖然有啲甜，但都冇影響呢個高質素嘅窩夫紫薯水晶湯圓 (茉莉花湯)水晶湯圓外皮煙靭有咬口，紫薯內餡唔會過甜，配合花香味十足的茉莉花湯就更顯得呢個甜品嘅不平凡整個甜點的重點不是在於甜，而是在於花香和紫薯香拼砌出來的獨特配搭。這個是今晚覺得最有驚喜嘅甜品

粒粒甜品店位於旺角廣華街，離波鞋街不遠，那天和朋友血拼完畢，就過來坐一下。貪其甜品以水果做主打，吃多了也不怕不健康店鋪面積不太大，但有一列落地玻璃，加上月1用色簡單舒適，也坐得舒服。今次和朋友來，叫了幾道甜品榴槤星球 配椰汁涼粉43榴槤星球以榴槤做成水晶（大菜糕）球，粒粒有新鮮榴槤果肉在內, 非常清新。配粒大量生果，如芒果，蜜瓜和西瓜，並可選椰汁涼粉或西米露做底，也不會過甜，是夏天吃甜品的首選。珍寶芋圓仙草 古早黑糖32仙草即是涼粉，非常滑溜，最喜歡是上頭那幾粒珍寶芋圓，芋圓煙煙韌韌，講明珍寶，入面當然仲有餡 ，入面分別釀有芋頭餡同地瓜餡，而且配料有西米，紅豆和珍珠。雖然是叫了古早黑糖味，但也不會過甜，非常滿足。士多啤梨窩夫46士多啤梨窩夫即叫即整，店員溫馨提示要等10分鐘左右，到送到來時，外層脆口而內裡軟熟。配上有兩大球的士多啤梨雪糕，令人垂涎。榴槤甘露 配綠茶雪糕53榴槤甘露除了有椰汁西米露做底外，最重要的是那一大球新鮮榴槤肉，充滿榴槤的香味，非常振發人心，令人欲擺不能。