粒粒果甜品 (已結業)

廣華街有好多間甜品店我諗大家都知道，最有特色嘅甜品店，目前我只會揀「粒粒果甜品」因為佢哋嘅水果星球系列加上心形窩夫，真係冇幾多間甜品店有。水果星球意思係用透明啫喱做既波波球包住粒粒水果，而且生果新鮮，入邊仲有啖啖西米同椰果。水果星球（配芒汁西米），超多芒汁窩夫系列亦都係港人最愛，窩夫脆口夠熱，就算排滿晒隊，都唔會預先整定放喺度，要客人食到最美味嘅甜品，值得一讚老闆嘅心機！窩夫是心形，女仔最愛，加上士多啤梨味，超有少女心，仲有兩球士多啤梨雪糕，加上士多啤梨粒。呢度嘅窩夫仲有朱古力味，梗係要叫一個你試吓，朱古力窩夫同樣是心形，配兩球超濃味的雲呢拿雪糕，上面仲淋上朱古力醬，配以多片香蕉拌碟，男仔叫呢個岩哂！最後一定唔可以錯過既 瑞士雞翼（六隻）雞翼大大隻又滑，將瑞士汁鎖在雞翼裏面，真係食甜品都可以當正餐。