大力棒棒摩登中菜 (已結業)

周日晚在The One看完電影後，正想著去那裡吃晚飯的時候，曾想起早前有朋友推介過尖沙咀的大力棒棒摩登中菜，說那裡的中菜很有水準，再在開飯網見她排名不俗，多添幾份信心 ，所以，二話不說一行三人就選了此店。來到見有很多客人在輪候入座，到我們入座的時候剛剛滿了，恰巧貴賓房的客人離開，可能已接近九時半，輪候入座的客人亦只剩下我們三人，似乎都沒有再下一桌客人，所以，「升格」了被安排坐在貴賓房呢 ！涼拌小菜很快送來，麻辣肚絲（$42）少麻重辣，辣得是重口味，而豬肚絲、木耳絲兩者都做得爽爽脆脆 。熱葷選了兩款，第一個是外婆紅燒肉（$88），單看外貌已知又再是一道重口味菜式，汁醬很濃郁，不過，吃起來肥而不膩，豬腩肉又出奇地鬆化 。另一道熱葷是士多啤梨酸甜骨（$108），味道令人覺得開胃酸香，而酸甜骨做得有點脆，外層不太厚，汁醬又有士多啤梨香味 。店員說有是日糖水供應，只是$10一碗，初時還以為是一些普通貨色，得知是無花果雪耳糖水 ，又怎可以錯過呢。嘩！不得了，糖水內有一整粒無花果，超讚，而糖水清潤少甜，超值抵飲 。算上兩個白飯，茶介，加一服務費，總共只不過是$370左右，都划算呢 ！

依家做中菜真喺越嚟越唔易，懷舊嘅未必好多人識欣賞，香港人又喜歡貪新鮮。最近，嚟到尖沙咀The ONE嘅「大力棒棒摩登中菜」一試新派中菜，據介紹菜式揉合上海菜、台灣菜、四川菜、粵菜等等，不拘一格，又套上一啲甚具玩味嘅菜名，希望將中菜變得「摩登」有型 。店面以泥水牆、紅灰對襯，古屋大宅模樣得嚟帶點酷。不過，室內環境則偏向西化，但又加入少少富中國色彩元素嘅裝飾，如竹簾、油紙遮形吊燈、幽默嘅畫作，多添一份藝術氣氛。而入門後右邊最遠處，有一間10-12人嘅廂房，以傳統中藥店嘅百子櫃為設計概念，最低消費都只喺$2,000，門檻唔高，勝在一班人坐埋唔使受人騷擾。餐廳除提供一般散叫菜式，亦有度身訂做嘅私房菜，所以，一班人晌廂房嘆私房菜，就最好不過。既然叫得摩登中菜，就唔可以得中國茶咁守舊，當然普洱、菊花、茉莉花（香片）唔少得，更有多款花茶、果汁紅茶 。 自家製薏米水 $18 / 杯，$32 / 壺 自家製洛神花茶 $18 / 杯，$32 / 壺 首推梗喺兩款自家製出品：薏米水及洛神花茶，兩款都有試過，個人覺得前者較淡味，後者酸酸甜甜，餐前飲更感開胃，後飯飲又有種更去油膩嘅感覺。 杏汁白肺