天穴

營業中

休息中

🌅Savour the enticing flavours with Japanese cusine in sunset.黃昏遊維港，食嘢確係爽！位於尖沙嘴海港城嘅天穴 ANA TEN，坐擁維港壯麗景色，環境高雅兼採用落地大玻璃，空間感十足，日落時夕陽映照下，格外有氣氛。今次膽粗粗5點幾嚟到，竟然仲有位揀，聽講平時要提早一個月預約的。一坐低先嚟三串串燒：，包括名古屋雞腿肉、德島阿波尾雞腎同牛脷，價錢由$40幾到$200幾不等。先講名古屋雞腿肉，肉質鮮嫩無雪藏味，火喉同調味剛好；德島阿波尾雞腎咬落爽口，作為佐酒小吃一流；牛脷脂肪分佈得得非常平均，加上口感唔靭，滋味到極，必點之一。嚟得日本餐廳，點少得食SUSHI! 特上壽司拼盤($488)12件，吞拿魚、三文魚、油甘魚、左口魚，應有盡有，最igable一定係黑松露拖羅壽司，黑松露多到瀉出嚟，盡顯奢華。而最後一款特上松葉蟹甲羅石鍋飯($288)亦都十分推薦，餐廳以松葉蟹殼裝滿三文魚子、海膽同松葉蟹肉，會唔會太吸晴呀😍，將3樣美食倒落石鍋飯後再撈撈撈，一啖食晒三種滋味，回味無窮呀！雖然餐廳價錢偏高，但有景有美食，值得一試！

尖沙咀天穴，坐擁中環九龍兩邊美境，環境優美，有露天位，仲有大型停車場，地理位置上已經評高一級。疫情關係，都有一段時間無黎，再次光顧，同以往一樣，唔訂位都好難有枱食lunch。今次，叫左3款不同食物，先有最受歡迎的9款魚生拼盤，再黎就係壽司拼盤，魚生非常新鮮，無根，入口溶化，水準保持係高層次，值得鼓掌👏👏👏👍👍👍。最後就試下唔同種類既飯，咖哩炸豬扒飯、銀雪魚飯同埋泡菜豬肉石鍋飯，炸豬扒同樣地出色，厚切多汁，入口極冧身，而銀雪魚就清甜，第一次試這菜式，老實講，有啲意外驚喜，反而，石鍋飯就無乜特別，相比起其他菜式就比較平凡。絕對會再幫襯！