御品·千之味 (深水埗) (已結業)

用網上外賣平台訂左呢間日本餐廳A Set 25件$268不過係Uber eats apps 到叫真係貴過落街買，但懶得出去買既我都係叫外賣算，在家等食，係最爽既，落左單唔洗半個鐘就送到黎，同埋而家有$100優惠用下呀，都算抵既。拼盤入面有帶子、三文魚、吞拿魚、玉子仲有鰻魚壽司，質量唔錯都幾新鮮，不過d飯一夾就散，我都唔個夾散左幾多件，但最後都係選擇用傳統食法，用手食算。之前有堂食過一次，刺身都唔錯，算新鮮！

同朋友響深水埗行街，血拼完當然要搵個地方醫肚，經過依間日本野，就入去試試。一望餐牌琳琅滿目，有好多選擇，樣樣都好吸引，樣樣都想試，最後我地揀左日式魚生飯，同燒汁牛肉飯，另外再加多份壽司拼盤。魚生飯足料，共有6款魚生，材料新鮮，唔會有飯多過魚生既情況出現，實在抵食。牛肉飯份量十足，牛肉嫩滑，有牛味，再加上燒汁，完美組合。壽司拼盤，款式雖然普通，卻十分新鮮。晚飯食日本野，2個人夾埋都唔洗200蚊，實在抵食。