掌壽司 (已結業)

原來觀塘工廈都有好多食肆選擇，今次覓食到工廈裡的一間日式餐廳，裝潢混合日系咖啡店的感覺。店員很有禮貌地介紹食物給我們😊，服務態度很好！🔹蟹籽沙律：超多的蟹籽❤️，非常正！🔹碎蔥吞拿魚茸海膽最中餅：吞拿魚茸和海膽都好新鮮，混合魚子，層次豐富了更加帶出鮮味👍🏻🔹刺身盛：好吸引，當中有日本生蠔，鮑魚，甜蝦刺身，油甘魚，帶子和螢光魷魚🦑👏🏻。生蠔好甜，在生蠔面上灑了少許柚子作點綴，味道好突出！鮑魚爽口彈牙，甜蝦好鮮，油甘魚不腥，帶子鮮甜，螢光魷魚我好少見到，細細隻好特別，有少少調味過，又幾爽口好味！🔹壽司盛：多款壽司如赤貝，帶子吞拿魚，三文魚等等…壽司都好新鮮，而且幾厚身大件！👍🏻🔹博多華味雞白湯鍋：吃完一些生冷刺身壽司後喝這個鍋真是暖胃舒服，這個鍋都相當飽肚，好多雞肉，雞肉預先煮熟，再放上白湯和菜一起煮滾便可吃，眼見以為沒什麼特別，但這隻雞是十分嫩，肉質鮮味嫩滑，一點也不乾不硬！湯很好喝！這個我覺得是有點驚喜的！

今日去觀塘Outlet 買野，所以就去咗駝漆大廈搵食，呢度好多食市，真係花多眼亂，結果因為我想食日本野，所以就去咗「掌壽司」食晚飯。我同朋友仔點咗「精選二人晚餐 」$898/2位《是日沙律》有三款可以選擇，雜錦魚生沙律/帆立貝沙律/赤蝦沙律，我同朋友選了，雜錦魚生沙律，沙律菜超級新鮮，雜錦魚生配上米通、乾蔥、木魚，粟米，混合柚子醋，非常好味，仲好醒胃《刺身盛》刺身盛包括6款刺身，包括了： 兵庫縣生蠔，油甘魚，鰹魚，帆立貝，赤蝦，鮑魚每件刺身都好鮮甜，兵庫縣生蠔好肥美，而且有海水味又鮮甜 。油甘魚 - 入口甘香，油份又充足鰹魚 - 我特別喜歡這鰹魚，因為燒過表面，所以有好香既魚味，大愛😍！帆立貝 - 肉身好厚 鮑魚- 好大隻，又爽口《壽司盛》壽司盛包括3款壽司，包括了：汁煮薩擎和牛，赤具、碎蔥吞拿魚茸《料理》鹽燒墨魚咀 -  香脆爽口，是很好的佐酒小食《鍋物》澳洲M9 和牛 100g，北海道豚肉 100g湯底有2款不同口味，分別係壽喜燒湯同鏗魚湯，我哋揀咗鏗魚湯底，清清地先可以食到肉既原味。澳洲M9 和牛 - M9級別為最高評級，品質亦最佳，油花較多，肉質軟滑多汁，有肉味北海道豚肉 -

今晚朋友陪我去觀塘駱駝漆大廈附近嘅運動Outlet 買波鞋，之後我哋就係附近食晚飯，我記得附近有間樓上嘅日式餐廳唔錯，之後就去了這間餐廳「掌壽司」食晚飯，我們叫了一個「精選二人晚餐 $898/2位」，套餐包括：《是日沙律》🥢 沙律菜 好新鮮，一個好健康嘅前菜《刺身盛》日本生蠔，油甘魚，鰹魚，帆立貝，赤蝦，鮑魚，幾款刺身嘅用料都好新鮮；🥢 生蠔 來自日本兵庫縣，好肥美，而且又沒有腥味🥢 油甘魚 油份充足，入口甘香🥢 鰹魚 魚味香濃🥢 帆立貝 肉厚味甜🥢 赤蝦 大大隻🥢 鮑魚 韌性富咬口《壽司盛》🥢 碎蔥吞拿魚茸壽司、汁煮薩擎和牛壽司、赤貝壽司，三款不同口味嘅壽司，味道都唔錯《料理》🥢 鹽燒墨魚咀 香脆爽口，又富有口感《鍋物》澳洲M9 和牛 100g、北海道豚肉 100g湯底有2款不同口味 (壽喜燒湯 或 鏗魚湯)，我哋揀咗 鏗魚湯🥢 澳洲M9 和牛 油花較多，肉質鮮嫩，味道濃郁🥢 北海道豚肉 100g 北海道豚肉 肉質細嫩、肉味香濃《甜品》🥢 甜品 有自家製嘅柚子果凍，味道清甜好味

今天約了好兄弟出來吃晚飯，就來到這間位於工廈的日式料理店，可能因為有訂座的關係，被安排到包廂，環境舒服，食物也很棒，店員也很有友善，上菜速度很快，值得再次光顧。因為個人比較懶的關係，直接點了他們的二人套餐，個人非常喜歡他們的壽喜燒。其實如果是散叫的話，價錢也不算貴，很適合三五知己一起來聊個天，吃個飯。這次真的是非常棒的體驗，很值得推薦給大家。因為本身很少到工廈區吃飯，這次算是第一次，真的給我很大的驚喜，想不到有這樣的世外桃園，希望下一次也找到其他的隱世小店。

以前觀塘返工，間唔中都有嚟食lunch~係有水準嘅日本餐廳！刺身壽司鍋物串燒，齊！太多嘢想食就揀咗個set😋精選二人晚餐$898/2位⭐️帆立貝沙律精美～除咗沙律菜，仲有米通，椒絲，配上柚子醋汁，清新開胃～⭐️刺身盛：鰹魚、油甘魚、帆立貝、赤蝦、鮑魚、海膽好sweet呀～好鮮甜～好厚嘅貝，好肥嘅蝦，好大嘅膽！⭐️壽司盛：火炙薩摩和牛、赤身、吞拿魚蓉不得了！好幸福！講完～⭐️炸蝦天婦羅即炸，請即食！脆！⭐️鍋：澳洲M9和牛、北海道豚肉揀咗鰹魚湯底～唔會搶走食材味道～蔬菜鍋底，食嘅時候沾上蛋液~Oh~Perfect!⭐️荔枝雪糕影緊相已經聞到荔枝香～唔會太甜，fresh!Gooooood~~~#觀塘#工廈美食#駱駝漆大廈 #foodie#igfood #掌壽司 #食完又食 #日式料理 #餐廳#朋友聚會 #拍拖餐廳#下次再來

偶爾去觀塘工廈覓食總有種尋寶的感覺，今日揀的掌壽司絕對係寶！同朋友叫左二人餐時令沙律-有干貝同蝦選擇，我哋揀左蝦，蝦有調味過，趁埋酸酸May May 的汁好開胃-沙律有魚干，口感馬上UP刺身盛-要highlight 拖羅同油甘魚，非常厚切肥美，一塊等於坊間的double-螢光魷魚爽口，亦係出面比較少食到壽司盛-碎吞拿魚好肥美香甜，下次黎單點都值得！-帆立貝大大塊好鮮壽喜燒鍋物-揀左清清地的鰹魚湯，想更品嚐清楚牛同豬的肉味-牛係澳洲M9和牛，牛味超濃，大塊並唔碎濕濕

完sem咁辛苦，梗係要食啲好嘢獎勵吓自己，所以就同女朋友去食呢間日本餐廳嘅二人餐。————————咁佢呢個時令沙律，有水果同沙律菜，仲有沙律醋，加埋側邊嘅車厘茄。唔單止味道好，賣相都好好。之後就到刺身盛，店員一嚟到就同我哋講食刺身嘅次序。首先就係食廣島蠔，本身隻蠔就好鮮甜，再加埋檸檬汁就更加突出。之後就到粒貝，好煙韌又鮮甜，好新鮮。再嚟就係油甘魚，三文魚。最後就係拖羅，勁肥美，油脂豐富，每啖都有強烈魚油味。之後就到壽司盛，咁佢有三款壽司。分別就係帆立貝、池魚同碎蔥吞拿魚。佢個勁鮮甜，味道都好特別。而碎蔥吞拿魚就係我最鍾意，因為吞拿魚嘅魚味超重，加上吞拿魚蓉勁creamy。最後一個主菜就係壽喜燒鍋物。佢個壽喜燒湯底唔會太味，而且好足料。真係好似去咗日本食咁。將牛肉同豬肉煮熟之後，再點日本雞蛋食，味道真係一流。仲有個鹽燒黃花魚，條魚嘅外皮燒得好趣，魚肉唔會太鹹，加埋檸檬汁配埋魚肉酸酸地都十分野味。仲有個甜品就係芝麻雪糕，個雪糕雪到夠硬唔會好快溶。本身芝麻味都好重，再加埋啲芝麻喺上面，超正。整體而言，呢間餐廳質素超高，可以帶俾我一個愉快晚上。

觀塘一向都多好野食成個小社區咁，今次就同朋友去咗駱駝漆大廈一間好出名嘅日本餐廳度食晚飯🥣餐廳裝修有有心思，真係好似去咗日本咁🇯🇵我地叫咗個精選二人晚餐，貪佢簡單唔洗諗而且啲菜式都好齊☺️如果唔想叫呢個餐嘅話都可以散叫嘅，一樣有好多選擇比大家揀🙆🏻‍♂️首先一嚟嘅係時令沙律，兩個人share一碟嚟食都好大碟😆入面主要有生菜絲，蘿蔔絲同埋薯仔絲，食落酸酸甜甜非常開胃😆之後就係刺身盛，入面有三文，油甘，拖羅，廣島蠔，赤蝦，粒貝😍賣相超靚，而且魚生都好厚切，食落去口感十足🥰店員建議我地首先食淡味嘅廣島蠔🦪廣島蠔真係好大隻又肥美，配埋醬汁一齊食好正，平時自助餐嗰啲都冇咁高質😋赤蝦都大得好誇張，鐘意蝦嘅朋友一定唔可以錯過😉然後就到壽司盛，嗰三件分別係帆立貝，池魚同埋碎蔥吞拿魚🐟個人就最鐘意賣相好精緻嘅碎蔥吞拿魚😛天氣開始凍又點可以少得個壽喜燒鍋物呢，入面嘅配料都好充足☺️肉類就分別有澳洲M9和牛100g，北海道產豚肉😍😍😍比較深色啲嘅就係M9和牛，食落好有牛味，不過個人就鐘意北海道產豚肉多啲🥰下樣就係鹽燒花魚，兩邊都燒到金黃色好靚🤤魚味好濃不過就比較多碎骨，大家食嗰陣要小心啲先得🤧最後是日甜品係果仁雪糕

同事升職,邀請我前來駱駝漆這家日店來用餐,以答謝一直以來的知遇之恩。進店的人數不多, 較寧靜，幽暗的環境,日式的擺設十分寫意。職員有禮地推介一款2人餐, 配搭都有齊全。沙律刺身壽司這些都是必食。前菜，當然少不了沙律, 時令沙律有土豆絲, 蘿蔔絲沙律菜等配搭, 配以金黃色的柚子醬,為我帶來清爽的口感之餘, 酸酸的口感很開胃。刺身,店員提醒客人秋刀魚因為味濃可以最後食,可先吃三文魚這些淡味的,十分貼心。厚切三文魚, 紋路清晰可見, 大約都有一小節手指厚; 帆立貝, 2隻手指公般大粒, 雪白的軟滑的,北寄貝刺身,金色的爽口彈牙,清甜的味感; 赤蝦, 晶瑩剔透的蝦肉, 入口清甜, 肉感極為爽口彈牙; 而拖羅, 手掌般大件,十分厚切,咬下去軟綿綿的,魚油豐富,帶點兒膩感,齒頰留香;最後是秋刀魚,秋刀魚刺身,魚肉帶點兒咸味, 質感軟滑;壽司盛, 分別有小肌,油甘魚及碎蔥吞拿魚;小肌肉質自帶咸味,不用沾醬油也能食出魚味, 油甘魚, 魚味鮮甜, 碎蔥吞拿魚, 賣相精緻,像一朵粉紅色盛放的花朵;天氣轉凍, 來一客鍋物剛好, 壽喜燒高湯, 配料有冬菇,  豆卜, 蛙蛙菜, 南瓜, 配以甜甜的湯底不停翻滾;

觀塘的食肆林立, 隱世的樓上食店尤其多, 今天與朋友前來慶生。我們點了一份2人套餐, 刺身,壽司, 沙律,鍋物, 燒物一應俱全。時令沙律, 簡單的生菜絲,蘿蔔絲, 薯仔絲等組成, 配以自家調的金黃色沙律醬,酸酸甜甜,十分醒胃。壽司盛,有油甘魚, 碎蔥吞拿魚及小肌,油甘魚, 潔白的肉色,配以點點的黑松露, 富有層次味感; 碎蔥吞拿魚, 賣相精緻,粉紅色十分吸引,小肌, 原本魚肉已自帶鹽份, 十分鮮味。刺身盛, 刺身最緊要新魚及肥美, 這裏給予我驚喜。三文魚刺身,鮮紅透白的魚肉; 赤蝦, 筷子般的長度,蝦肉鮮甜爽口; 北寄貝, 橙黃色的肉色,爽口的肉質,甜甜的味感;帆立貝, 潔白的肉色, 軟滑清甜, 拖羅十分肥美, 粉紅色的肉色,魚油甘香,秋刀魚, 第一次食秋刀魚刺身,軟滑的口感,配以薑蔥,感減輕其魚鯹味。燒花魚,金黃色的外皮,魚肉爽脆但味道略淡, 較多骨;壽喜燒鍋物, 湯底甜甜的, 配以大大片的M9和牛及北海道豚肉, 再有魚腐、冬菇、粉、蛙蛙菜作湯鍋伴菜,是冬天的必備之選。朋友對於這餐生日飯十分滿意。

今晚去下觀塘工廈食日本料理， 雖然在工廈，但係駱駝漆大廈keep住人流多，上𨋢常排滿人。餐廳裝修得好有心思， 門口有個金魚缸歡迎我哋， 我座位對面有很多日本酒樽做裝飾，氣氛好，坐得舒服。點了精選2人套餐時令沙律沙律醬汁調得好好味，雖然只係簡單的蘿蔔絲，生菜絲 青瓜絲，脆脆絲等，仲加了蘋果薄片，好爽脆清甜。刺身盛有油甘魚、拖羅、廣島蠔、赤蝦、活帆立貝， 塊塊都超巨大而且好新鮮， 不得不提廣島蠔超肥美，店員說廣島蠔比較清淡要配醬汁一齊食。 第一次試活帆立貝，口感比較黏口，好新鮮口感好好。壽司盛主要有小肌、間八、秋刀同太卷， 三款魚比較特別。秋刀魚唔會太腥，估唔到同壽司飯幾夾， 小肌本身比較鹹所以唔使點醬汁。鹽燒花魚片開了兩邊， 方便進食， 一啲都唔腥，煎得好香脆。壽喜燒鍋物餐廳十分貼心，我朋友唔食牛可轉豚肉，而我嗰兩塊照舊係M5和牛，配日本生蛋 一起吃，分外嫩滑，牛肉油脂分佈適中，其他配料在壽喜鍋都好入味，有豆卜、粗粉絲、冬菇同菜， 好豐富。日式松茸海參花膠燉湯日式料理好少食到呢款燉湯。有花膠、海參、松茸 ，好滋陰養顏，燉得好夠火候，好味!超正!甜品係蜜瓜， 解一解全餐的飽肚感，真係大大滿

星期六晚7點幾，打去book半個鐘後去都有位，記住點都打去訂位，訂位有9折架！雖然係工廈但內部裝修都唔錯，環境都算舒服兩個人最好就叫set dinner，又唔使諗，$648有沙律、壽司、刺身、熱煱，仲有梳乎厘pancake雪糕！都幾豐富。先來蟹子沙律，都幾大份，味道正常。壽司有啲失望，竟然係有三文魚卷，cheap左少少，爭鮮都買到... 海膽壽司就唔錯，幾新鮮。刺身拼盤都係一般，全部都係中低級刺身，雖然係幾新鮮，但咁的價錢應該可以俾啲好啲嘅刺身。個熱鍋就幾好，有好多蔬菜同菇，個牛同豬都好好食，牛真係幾靚，入口即溶，好有牛味。仲有溫泉蛋2隻，幾好！最後梳乎厘pancake配芝麻雪糕，個pancake薄身，唔係出面個啲勁厚的pancake但裡面的而且確係梳乎厘的口感，入口即溶，蛋味好香，而且係啱啱整，所以暖暖地，真係唔錯。個雪糕芝麻味濃但真係好硬，成夠雪咁，不過overall個甜品都唔錯。個set dinner兩個人食啱啱好，但略嫌貴左少少，壽司同刺身都係一般貨色，工廈食物黎講唔算好抵食。