堅石燒 (已結業)

旺角原居民見到係銀城neway附近開左間新野，晚市時段長期都排長龍，有日訓晏左，3點半去，見又冇咩人，當然要試一試！睇一睇個餐牌，價錢又真係好抵！加埋自助餐任食沙律、飯、湯、意粉都係12蚊！仲有任飯同雪糕！首先當然係去試試前菜，佢個蒜蓉牛油意粉相當有誠意，唔太油又唔太乾，味道又夠，大醫湯冇咩特別，但12蚊任食價，算好唔錯！主角出場，係熱石上面自己決定牛排幾成熟，相當有趣，油脂同牛味都足夠，不過個人鐘意大理石多過牛板翼，而且大理石價錢仲抵食！台上仲有pepper同pink salt比你調味，令牛排更滋味！最後當然食甜品，雪糕係本土出品，味道都唔錯。總結而言呢個價錢，呢個品質絕對係物超所值。如果唔想排隊，記得book位先！

第一次食以堅石燒烤肉的餐廳..一入到去就有陣陣香味撲鼻，不過有預感食完會好大陣燒肉味lol 我同朋友叫左個壽司飯，價錢平，味道都一般個芝士栗米蛋卷都ok!蛋味重，朋友覺得芝芝不夠多鰻魚飯味道ok最後叫左大理石(牛)，都幾抵食，只係7x不過比d油彈親好痛，要小心！同埋豬，價錢都平,味道都吾錯，我地叫左300g,食到有d滯，不過d石吾放得耐，如果燒太耐要換過塊石另外新店開張有得免費升級，飲品、沙律任飲泡泡湯味道普通，但沙律新鮮乾淨，我同朋友都食左3-4罐！野飲種類都算多，有汽水同埋熱朱果d~有機會會再食，試下其他款牛