BEAT Bakery (已結業)

尖沙咀地鐵上黎見到一間麵包店裡面好多人，原來係我之前網上見過一直想試既Beat，6點後仲做買二送一優惠😍店裡面唔算大，麵包種類一眼可以睇哂，既然難得遇上仲有優惠就買左6款試下6款包都試左之後的確係店內第一位既火紅龍捲風($24) 最好味，包裡面加左紅莓、軟芝士……微微既酸味，包既口感亦都好特別之後鐘意既就係蕃薯家族($19) ，麵包做型有d似紫薯，咬落裡面真係有蕃薯，而且蕃薯仲好香軟，其餘4個都沒什麼特別，而且價錢都有點偏貴原來麵包店係翠華旗下的，翠華麵包出名好味，而家再出這類型的創新包款，都叫人值得一試

身為超級包癡既我又要出動啦行過尖沙咀地鐵站有冇發現呢間日式包店，係人來人旺既尖沙咀港鐵站內，係要入左閘先去到架！！入去睇下好多款都好少女！一口氣買左好幾個試下，全部都唔錯！原來係翠華集團旗下既店，包裝下即刻唔同哂，同埋啲包全部係100%用日本麵粉整～大紅大紫　 $12少女粉色包，係用左紅肉火龍果天然色素上色。入面係大愛既紫薯，包身較薄，所以一咬滿口都係紫薯味，食得出冇點加太多糖，唔太甜薯薯家族　 $19外型爆分！入面又有紫薯又有黃番薯，勁重手！一咬落去成口都係番薯，甜度又係岩岩好，食一個真係夠飽火紅龍捲風　 $24即係紅莓軟芝士包，同樣用紅肉火龍果上色，個包有兩個手掌咁大，兩個人share都得，入面係我既最愛之一忌廉芝士，紅莓酸酸甜甜咁，成個包因為忌廉芝士同紅莓完全唔會乾藍色風暴　$20好靚用蝶豆花整成既少女藍～原來係藍莓軟芝士包，藍莓味好濃，芝士份量岩岩好，值得一試豹紋吐司(四片裝) 　$26連白麵包都整到咁靚，以為係朱古力？錯啦，係用墨魚汁整同可可粉。食落去少少咸咁，用佢黎整三文治再放上社交平台呃like一流黑色幽默　　$22最中意啲黑媽媽既野，咩竹炭呀、黑魚汁果啲，呢個包一見到就