影片
更多
2016-11-15
4904 瀏覽
S由細到大都好鍾意食魚，唔知係咪因為咁所以一直以嚟S皮膚都唔錯(😎)，今日朋友就帶咗S去位於嘅順德公度食正宗順德菜！其實之前都去過佐敦店食過，不過上次人少試唔到好多菜，淨係記得佢哋個花錦鱔同埋雙皮奶好好味！今次人多啲終於可以試多啲唔同菜喇！坐低朋友就叫咗碟魚皮送啤酒，魚皮好香薑蔥味，食落好彈牙又唔腥，加埋芝蔴食好香口，送啤酒確係幾開心！之後叫左薑蔥煲仔焗魚腸，沙拉蝦球，烏糟雞同埋花錦鱔，魚腸其實幾考功夫，因為一係就好腥，一係就無哂鮮味，不過呢度嘅魚腸又整得唔錯喎！首先食唔到有沙，香口得黎又唔會食唔到魚味，亦都唔會腥，好味！👍🏻終於等到S成晚最期待嘅花錦鱔！上次喺佐敦店食完之後一直念念不忘！觀塘新店仍然keep到水準，魚肉香口得嚟又食到花錦鱔嘅鮮味！同埋魚肉好彈牙，啖啖肉，非常滿足！蘿蔔亦都好入味，唔食鱔嘅朋友都話啲蘿蔔好好味，送飯一流！因為當晚有朋友本身唔太鍾意食魚，所以除左魚之外都叫咗烏糟雞同埋千島蝦球，由於S喪食魚已經食飽，所以每樣都係試左一兩舊，烏糟雞幾有特色，係用銅盤裝住上菜，雞肉好滑，帶少少酒香。至於沙拉蝦球啲蝦好大隻，炸得好脆，再包住滿滿沙律醬(其實S覺得沙律醬點咩都好好味
坐低朋友就叫咗碟魚皮送啤酒，魚皮好香薑蔥味，食落好彈牙又唔腥，加埋芝蔴食好香口，送啤酒確係幾開心！
之後叫左薑蔥煲仔焗魚腸，沙拉蝦球，烏糟雞同埋花錦鱔，魚腸其實幾考功夫，因為一係就好腥，一係就無哂鮮味，不過呢度嘅魚腸又整得唔錯喎！首先食唔到有沙，香口得黎又唔會食唔到魚味，亦都唔會腥，好味！👍🏻
終於等到S成晚最期待嘅花錦鱔！上次喺佐敦店食完之後一直念念不忘！觀塘新店仍然keep到水準，魚肉香口得嚟又食到花錦鱔嘅鮮味！同埋魚肉好彈牙，啖啖肉，非常滿足！蘿蔔亦都好入味，唔食鱔嘅朋友都話啲蘿蔔好好味，送飯一流！
因為當晚有朋友本身唔太鍾意食魚，所以除左魚之外都叫咗烏糟雞同埋千島蝦球，由於S喪食魚已經食飽，所以每樣都係試左一兩舊，烏糟雞幾有特色，係用銅盤裝住上菜，雞肉好滑，帶少少酒香。至於沙拉蝦球啲蝦好大隻，炸得好脆，再包住滿滿沙律醬(其實S覺得沙律醬點咩都好好味😂)，食係食得開心，不過沙律醬卡路里好高，減肥中嘅S淨係敢食一舊過下口癮算啦！
最後甜品就係嚟順德公一定一定一定(好重要所以要講三次)要食嘅雙皮奶！呢度嘅雙皮奶同出面X順個啲完全唔同，好濃好香奶味，而且唔算十分甜。鍾意食奶味濃啲嘅話可以揀凍食，如果鍾意滑啲嘅可以食熱。S點揀？Why not both?(嗰刻嘅S完全忘記咗自己減肥進行中😑）
今餐飯真係食得勁滿足！雖然樣樣都好味，但S真心推介花錦鱔同雙皮奶，因為出面真係食唔到！價錢方面雖然唔算平，但S覺得都算係合理嘅！始終一分錢一分貨，S食嘢啲qouta好寶貴伽！當然要食好少少唔好嘥啦！我又要出去跑步喇！🙈
魚皮
136 瀏覽
0 讚好
0 留言
薑蔥煲仔焗魚腸
140 瀏覽
0 讚好
0 留言
花錦鱔
183 瀏覽
0 讚好
0 留言
沙拉蝦球
113 瀏覽
0 讚好
0 留言
烏糟雞
102 瀏覽
0 讚好
0 留言
大良雙皮奶
118 瀏覽
1 讚好
0 留言
張貼
