Second Bite Bar & Grill (已結業)

朋友生日飯預早訂左檯所以唔洗等位平日晚市都唔算太多人餐廳座位都算多而且唔會好逼3個人點左3個主菜套餐有鐵板套餐同普通主菜朋友想試套餐入面嘅封門牛柳雖然我唔知有咩特別🤣6oz封門柳$178套餐配餐湯（粟米湯）同香脆牛角包另外再追加$28配黃金薯條（即係咸蛋黃薯條）咸蛋黃味好出 薯條即炸都好脆口朋友同我都食唔停口🤤然後主菜到啦6oz封門牛柳(朋友點左5成熟）賣相靚份量都好足不過最驚喜都係兩個意粉大蝦濃汁意粉$178（超推介鮮蜆忌廉意粉$148所有野食賣相唔單止靚仲好好味意粉口感有咬口唔會太淋意粉超入味完全掛到d意粉汁大蝦意粉有3隻大蝦配2隻蜆同青口蜆意粉就有7-8隻海鮮份量超足堆滿碟意粉呀蜆同青口唔會有沙而且炒到入味（因為我唔食得蝦所以評價唔到）題外話：本身想叫個甜品寫句happy birthday但朋友好飽只係想食雪糕於是套餐追加$38有個雪糕芭菲侍應好好咁將雪糕芭菲加隻碟寫左句happy birthday🥳 成餐飯好滿足

在長沙灣的住宅區，有一間頗有情調的小店，名字叫Second Bite。店內裝修走輕工業風，還注入了一點藝術元素，牆身和天花都掛滿不同的畫作。7-up & Asahi $15, $38咁嘅環境黎講，飲品定價唔算貴，幾好！秘製手打肉餅脆蛋漢堡  雙色薯條  沙律 $138價錢唔貴，但份量十足，漢堡疊得高高，底下是雙色薯條，旁邊有沙律菜。個漢堡一啲都唔講得笑！個包鬆軟香口，夾著蛋、蕃茄、醃青瓜、芝士等配料，而主角手打肉餅亦厚度十足！蛋煎至皮面香脆，但內部仍是流心的，濃郁的蛋液咇晒出黎，配搭可口的肉餅真是一絕！雙色薯條配雙色醬汁。大蝦濃汁意粉 $168除咗大蝦之外，仲有青口同埋蜆，全部都一樣新鮮好味！個汁真係唔講得笑，係特濃嘅龍蝦汁，每一條扁意粉都掛滿龍蝦汁，啖啖都咁香咁鮮味！

雖然位置唔係話十分方便，但都唔算難揾，係長沙灣C2出口行過去都係十分鐘左右。一入到去就會見到兩張bar枱，餐廳都有cocktail提供，俾你同朋友吹下水飲下野，都幾relax。再行入少少就有正常食飯枱，係雲石花紋，睇得出都有用心簡過，枱同枱之間唔會好逼，樓底又夠高，講野大聲少少都唔會驚嘈到人。今次同朋友黎，一人叫左個主菜share黎食，份量都多，一定夠食，味道仲有驚喜添。叫左個波士頓龍蝦牛角包配雙色薯條同沙律。個人偏好蕃薯條，好甜好脆，牛角包仲好酥脆，講到重點既龍蝦，咬落去每啖都食到龍蝦肉，絕對唔係hea你，一個包入面得一兩啖龍蝦肉果D。另外仲叫左個大蝦濃汁意粉，個醬汁有好香濃蝦味，仲有好多海鮮，又有蝦、蜆同青口，唔好睇佢份量好似好少，食落其實好飽肚。兩個主菜都唔錯，超出我預期。

上網睇到有海鮮食 所以過嚟試下 環境唔錯 牆上面嘅畫好特別 出面有得泊車都幾方便！睇得出佢哋好有心思🧐第一次係蕉葉上面食海鮮侍應好細心咁幫我地帶圍裙嘢食好精美 侍應都好健談。唔錯係一間幾特別嘅餐廳值得一試 會黎再食☺️個沙律好足料雞翼岀到黎熱辣辣🍺🍺真係要讚下個意粉 個意粉軟硬度啱啱好個汁好好味嗌左6款海鮮 4款蔬菜有幾款醬汁可以揀 蒜蓉牛油 胡椒奶油我地最後揀左佢地既招牌辣汁 小辣個招牌辣汁好特別 好適合送啤酒🍻完個海鮮已經好飽 食唔洛甜品🍮下次先再試