Cutting Onions

營業中

休息中

前身為太子嘅良心小店包販子💛係紅磡重開la !改咗名叫Cutting Onions 佢主打fusion burger 🍔 🇹🇭泰式冬蔭功酸辣沙葛炸軟殼蟹包🦀️🍔（$138）軟殼🦀️係成隻咁上😆加埋芒果沙葛，酸酸甜甜幾開胃，唔食得辣嘅朋友都食到！不過Size 大返少少就好啦！😆🐕陀地西多（$66）🥪當一舊硬嘅雪糕磗，擺係熱嘅西多士上，睇住d雪糕慢慢變軟，與濃稠嘅焦糖花生粒（少似拖肥）結合埋一齊，唔知點解覺得好治癒😛唯一美中不足：多士食起上嚟有啲乾！🦞大蝦濃蝦龍蝦汁扁意粉🍝（$138）呢個又係高質👍🏻龍蝦份量十足，蝦肉算幾鮮味，撈埋虎蝦膏汁炒埋啲意粉，香到核爆🤓泰式合桃柚子沙律🥗（$48）味道唔錯，但可能係跟餐加配，份量出奇地少，半碟都冇🤡下次要試佢個豬腩肉包😆是次消費：$403（2人）

之前喺太子嘅包販子執咗，一年幾後竟然喺土瓜灣啟岸改名重開🤩 新名叫Cutting Onions🧅，除咗之前包販子有嘅特色漢堡包，仲多咗啲意粉同特色小食，不過整體嚟講都係啲包比較好食🙈～ 嚟到呢到先發現原來呢個商場都幾特別，地下有條好有日本風嘅「啟岸巷子」，差唔多全部舖位都係啲特色餐廳，不過大部分都行中高檔路線🙈•🥢 泰式冬陰功酸辣沙葛炸軟殼蟹包 $108之前喺包販子已經食過軟殼蟹包，但嗰次就係配牛油果紫菜沙律醬，今次呢個就係泰式風味～ 軟殼蟹同樣好大隻，而且係熱辣辣脆卜卜嘅😍 中間黃色一條條嘅係芒果，唔係甜椒🤣芒果下面仲有啲冬蔭功沙律醬、泰式酸辣沙葛、生菜同埋花生糖，口感好豐富😋 開頭仲有啲擔心估冬蔭功會好辣，但唔太食得辣嘅我都覺得一啲都唔辣😂係酸多過辣，加埋啲九層塔，令我聯想起越式撈檬多過冬蔭功～但估唔到芒果加軟殼蟹同埋酸酸哋嘅醬會咁夾🤩 同埋個麵包沿用之前包販子嘅自製麵包，好鬆軟但又唔會畀餡料嘅醬汁整到腍晒，就咁食仲好有麥香🤤 keep到水準👍🏼•🥢 大蝦濃蝦龍蝦汁扁意粉 $138第一啖食落去反而會聯想起蘑菇汁🤣 食食下都食得返蝦嘅鮮味～ 但個濃蝦龍蝦汁有啲唔夠濃蝦/龍蝦味啦😗 扁

今次唔再自己黎食 約埋朋友試多幾樣野 🥰今次比起上次啱啱開張 明顯多人黎左本身諗住約朋友出返油尖旺食飯但諗到啲餐廳又細又迫又坐唔得耐所以都係揀相對鬆動既 cutting onions 黎食今次黎到最想食就係burger 個牛肉漢堡好juicy 加埋有芝士係個漢堡扒嘅面 好夾好好味 😋啲薯條都同上次一樣 外脆內軟（個洋蔥圈隔咗成10幾廿分鐘先食都仲係脆）個豬肉丸估唔到咁有豬味 加上我係蕃茄味既愛好者 覺得個茄汁扁意粉好好味 🤣🤣 雖然我覺得個個肉丸未必同個扁意粉最夾 但係的確個豬肉丸係令我有意外驚喜勁樂雞就不過不失我個人覺得樂味過麥_奴既_樂雞大蝦好鮮味 彈牙 啲意粉都索哂啲龍蝦汁杯野飲都好重綠茶味 而且飲落去唔似有額外加糖 味道都啱啱好 今次3個人食到勁飽 都好滿意而且暫時未見到佢有限時同朋友都坐左2個幾鐘先走 一次開心舒服既 gathering