一豚豬手專門店 (永德大廈) (已結業)

食完飯冇咩做同同事去行吓街突然經過一間舖頭有好大浸嘅燒烤味原來一邊係賣緊豬手同埋其他燒烤嘅產品俾佢嘅香味吸引住忍唔住同同事夾份買啲夜晚返屋企加餸問咗店員佢話比較出名係大阪燒豬腩同埋佢嘅豬手店員好好俾我哋分開兩盒等我哋每人都可以一齊試吓大阪燒豬腩 $69 （半磅）睇住店員將個燒豬腩切成一嚿嚿脆卜卜嘅聲音 好吸引原來大阪燒豬腩就即係脆皮燒腩仔不過佢整到好似一個豬腩卷咁個樣都幾特別本身是食咗一啖已經好好味 佢嘅調味好入味返到屋企再搵焗爐翻熱熱辣辣更加好食豬手有兩個味道有一個係韓式滷水另外一個係黑椒幾得意喎原來滷水都有韓式 不過我哋都係鍾意食啲香口嘢所以揀咗黑椒招牌黑椒豬手 $109 （一隻）豬手係大大隻又啖啖肉店員都會將豬手切成一片片豬手上邊佈滿左黑椒粉一樣都係好入味有滿滿嘅骨膠原返到屋企我就用咗微波爐翻熱咗少少但係都仍然保持到原汁原味啲肉都係好鮮嫩多汁見到店入邊仲有好多其他嘅選擇下次都可以再試吓其他款式😋😋😋

今日去開鵝頸橋果邊買餸，見到呢間連鎖「一豚豬手專門店 」嘅豬手同脆腩好吸引，咁就買左黎加餸！每款豬手都係逐隻售賣，有order後，店員先會即時起骨、切件，仲會用火槍火炙豬手表面👍招牌黑椒豬手 $108/隻豬手以黑椒同醃，豬手肉質嫩滑多汁，食落有皮脂膠質口感，好煙韌🤤入口微辛及帶黑椒香，好惹味！大阪燒脆腩 $69/半磅大阪燒脆腩將原塊五花腩卷成長條型，再塗上日式秘製醬汁燒製，燒得皮鬆化又脆卜卜，肉肥瘦相間，肉質軟嫩又juicy，味道啱啱好！

公事繁忙，午飯只可買外賣回公司邊做邊吃想起每次經過鵝頸橋附近都聞到一豬手專門店傳來的陣陣香氣，決定一試名牌自2018年創立至今已有十多間分店，主售西式餐的豬手憑著獨門基本調味配方，再混合不同口味變化快速發展貨架上還有飲品、包裝麵食、湯包、品牌零食等售賣豬手以自家焗製，每隻經十四天醃製，本土口味保留皮脂膠質口感大阪燒脆腩將原塊五花腩卷成長條型燒焗，有爆皮的效果招牌黑椒豬手外層煙韌Q彈，充滿骨膠原，肉質嫩滑

餐廳：一豚豬手專門店地點：銅鑼灣堅拿道西菜式：豬手外賣店餐牌：除左豬手，仲有牛脷，雞，鴨胸等等肉類。招牌黑椒豬手 $35呢個價錢大概有6、7塊左右，豬手皮好多，非常重骨膠原，帶少少筋更有咬口，肉都唔錯，算嫩。原本仲怕黑椒會辣，點知個汁甜甜地，好入味又好食。呢個招牌黑椒豬手我成家人都鍾意。大阪燒脆腩 $65呢個價錢有好多肉食，皮係厚身，都仲有少少脆，肉偏乾身，肥膏唔算多，好似中式燒肉不過皮厚身少少。味道唔會過鹹。包裝都唔錯，翻到屋企仲係暖暖地。

曾經偶爾見到有foodie介紹過呢間店舖，話有個脆脆豬肉卷嘅產品好食，所以今日襯著屋企人生日，經過銅鑼灣嘅時候去睇下。一去到就見到門口既哩個卷，望落好靚仔，好吸引。門口阿姐好順勢咁sale我買，第一次試唔敢買太多，所以就要咗半條，最後喺$73。夜晚食嘅時候，個面頭嘅皮有d脆有d唔脆嚕，不過佢既肥瘦適中，調味冇過鹹（我唔鐘意有d燒味店整到d燒肉底個層好鹹，好難食），屋企人都讚話好好食，如果即刻食一定好好味。推介俾大家。