蟹仙海鮮蒸氣鍋 (龍崗道)

營業中

休息中

開放番晚市堂食，急不及待book番餐好野食下，同鍾意食蟹既朋友去左呢間蟹仙嚐鮮🤤呢度主打食唔同產地當造既靚海鮮，我地叫左「尊貴海鮮套餐」個款，上菜時我地都哇左聲，用左隻好得意既巨蟹造型盤放上海鮮拼盤，個蟹盤打卡一流😆店員會親自幫手蒸每樣海鮮，唔怕唔識蒸到過火。第一樣蒸越南虎蝦，蝦肉爽甜彈牙～跟著個隻台灣九孔鮑魚好有驚喜，唔好睇佢size唔似澳洲鮑咁大，佢肉質好嫩，而且好有鮮甜味，幾鍾意呢款～跟住就試d貝殼類海產，連續幾款分別有日本大元貝、紐西蘭刀貝蚌同野生青口都好新鮮，一打開個殼就爆晒汁😳終於輪到食三大主角，店員推介我地試下呢隻好少見既饅頭蟹。雖然佢蟹仔細細唔算多肉，但佢既海水味簡直係全餐之冠，個樣仲成個波咁幾可愛😆之後就到澳洲青年龍蝦，唔知係咪因為呢隻龍蝦仲young😂d肉又嫩又彈牙，一串成條起出黎啖啖肉好滋味！叫得蟹仙，主角～蟹最後登場！隻漲卜卜既大黃奄蟹一開二，中間已經見到爆晒膏🤤多膏之餘，蟹身都好有肉食，一梳梳鮮甜蟹肉，呢度食蟹真心新鮮同品質好👍最後蒸埋蔬菜仲有吸收晒精華既粥底食，之前蒸既每樣海鮮d汁都落晒去～yummy😋食到好飽仲有冰凍清爽既椰汁雪燕做飯後甜品～好滿足！

一直都好鍾意食蒸海鮮！因為「蒸」先可以食到海鮮嘅原汁原味，稍有少少唔新鮮都食得出！所以自己對於主打食蒸海鮮嘅食店都會好有要求！今日同朋友嚟九龍城「蟹仙」，估佢唔到、基本上令我哋成餐飯都好滿意！我哋揀咗《尊貴海鮮套餐》～呢個Package堅豐富呀！總共有10款菜式，等我逐一介紹下啦！首先上嘅係深海海星班我平時就最驚魚腥味，呢條星斑蒸魚蒸8分鐘新鮮果然係新鮮魚肉又滑又亂一啲都唔聲啊之後嘅海鮮分明就係俾我哋相機食先😂 用個又靚又大嘅大紅蟹盤上枱！即刻食慾大增啊！先蒸越南大虎蝦🦐～ 蝦肉結實彈牙，蝦頭膏鮮甜～ 負責我哋呢台嘅靚姐仲特登切咗個心形出嚟蒸添😆☺️之後係台灣九孔鮑魚、韓國慶南珍珠蠔～本身自己其實唔係特別愛好鮑魚啦，覺得無味、而且食親呢側邊通常都係好軟嫩、但咬到去中間個心呢就會韌啦！ 嘩！但呢度嘅鮑魚真係蒸得啱啱好，個心咬落一d韌都無！味道清甜，完全改善我一向對鮑魚嘅睇法～至於珍珠蠔🦪，其實都唔算細隻，蠔味濃郁鮮美，食完一隻唔夠😂忍唔住叫多半打～大西洋野生青口、紐西蘭刀貝蚌、月亮貝講到青口、出邊好多食肆都係急凍貨.... 食落完全冇味嘅！🙄一係就用極濃醬汁去cover雪味.... 呢隻野

吃過幾次蒸氣火鍋，但都沒老公的份兒這次為慶祝節日，他就偷偷的向這店預訂座位，食餐好的！因應最近疫情店方的防疫意識都算做得不錯！先用消毒液幫顧客消毒雙手，分發乾淨信封給顧客擺放口罩枱面上還放有一大包的濕紙巾可用！套餐的選擇有好多最後我們選的是$999/2位的「包羅萬有海鮮二人套餐」共18款食物！落單後，店員就先開高溫蒸氣來蒸餐具，作消毒之用！先來的是貝殼類海產，有日本大元貝﹑台灣九孔鮑魚﹑韓國慶南蠔及紐西蘭刀貝蚌鮑魚爽口彈牙﹑刀貝蚌夠爽脆﹑扇貝大粒又嫩，惟鮮甜味不算好突出以蠔的蠔味最為濃郁突出！蒸的時間恰好，蠔仍很嫩滑！大虎蝦的肉質爽口，蝦味鮮甜，蝦頭有好多蝦膏！！野生大瀨尿蝦，長度長過手掌！！店員幫我們剝殼切好，方便進食！瀨尿蝦是唯一沒有即蒸的食材，但鮮甜度同樣十足，好多汁，肉質實淨不會霉！！瀨尿蝦同樣有膏啊～～～澳洲青年龍蝦，蒸的時間剛剛好，肉質非常爽口彈牙又帶點嫩滑感！味道鮮甜，又帶點微微的膏香，很好吃！！越南頂角膏蟹及大黃奄蟹各一半據店員介紹，這兩款蟹，一款是軟膏，一款是硬膏因我們未試過就建議半半，看自己喜歡吃哪一款多些～～兩款蟹都是爆膏的狀態膏蟹的size略為大隻膏蟹是硬膏，大

太太是個海鮮控，聽朋友介紹在九龍城附近有一間很有人氣的海鮮蒸氣石鍋，就相約一家四口一起去食。餐廳位於食肆林立的九龍城，門口對住大街，很易就找到了。一坐下，有位叫堅姐的經理非常熱情地招呼我們，還向我們介紹餐牌，價錢分為每位：298、398、498或688。她還強調老闆是在香港做海鮮批發，每天的食材都是老闆親自挑選，品質和價錢都比其他餐有保證。由於是第一次幫襯，就試一試價錢最便宜的298 /位吧，再來一支冰凍的啤酒😋。下完單後，侍應很快放了一兜浸泡好的米、腌過豬排骨、南瓜粒等等的材料進去個蒸氣石鍋裹面，放上蒸隔，再在上面放海鮮，蓋上草蓋，調教好時間，蒸氣鍋就可以開動了。每種海鮮都是分開蒸，所以一定可以食到最合適的熟度和熱辣辣的食物。 💠泰國海中蝦：手掌般大的蝦，肉質結實鮮甜。💠日本大元貝：原隻清蒸，保留了海水鮮味，肉厚而且結實，非常新鮮，帶子裙邊爽口，非常不錯。💠紐西蘭青口：有別於一般雪藏貨，肉質鮮嫩，沒有渣，懂得食一定要肉連殻上的汁一起食。💠翡翠九孔鮑魚：蒸熟了的鮑魚有光澤而且飽滿，口感彈牙，一口食了半隻，令人十分滿足。💠越南貴妃蚌：肉質不會韌，味道鮮甜。食完一輪後，貼心的侍應再幫我地繼