天丼 (已搬遷) 新店位置

Yoho Mall呢間天丼成日都見到排哂長龍，所以今日早啲去，6點幾去到唔使等位實在太好了天丼 $49黑虎蝦、魷魚、鱚魚、茄子、四季豆呢個丼真係好抵食喎，只要$49，仲有咁多款餸！每件天婦羅都係新鮮炸起，咬落去脆卜卜，炸粉適中，唔算好厚！虎蝦幾大隻，好厚肉，肉質都可以，幾有咬口。鱚魚就同普通魚柳一樣，冇咩特別，而魷魚就相對韌少少，有口感！茄子有一片，四季豆有兩條，有d菜食感覺健康啲。比較驚喜嘅地方係佢嘅天婦羅食落唔會覺得好油膩，非常唔錯！另外仲配有麵豉湯，幾好飲天婦羅冷烏冬定食 $79天婦羅包括有黑虎蝦兩隻、蟹柳、茄子、蓮藕同四季豆，款式都幾多。烏冬份量都幾多下，好大兜，個人比較鍾意食冷烏冬，烏冬會較煙韌啲，呢款係扁身嘅烏冬，都幾有口感！加埋芥辣+葱花落醬汁度食，好開胃！整體嚟講，性價比都幾高，價錢非常經濟，兩個人食埋單百幾蚊就食到好飽，質素亦相當不錯！

位於元朗既天丼 價錢相比起 港島 九龍食天丼既日本料理餐廳 平得多外相講緊人 均 100既天丼 呢到只需一半既價錢 但食物質素同環境都唔會差好多我就叫左一個最多人嗌既 招牌天丼 上面既天婦羅🍤炸蝦 唔會太油 食落去都夠脆身 唯一唔好既係炸蝦本身爽度唔夠 咁當然一分錢 一分貨 但整體 成個套餐 都好抵食味道都唔錯 中意食天丼既朋友 都可以一試除左丼飯本身 佢既配菜都係有誠意 炸既蟹棒 都好好味 佢脆皮造得好 大蔥味增湯 亦都唔會好淡 整體黎講水準都ok

晚餐時段，排了差不多三十分鐘左右吧！就到我們了，我們點了天丼和海老穴子天丼，由於是即點即做的關係，我們又等了差不多十五分鐘左右。店員特別告知，部份蔬菜會因供貨而轉別的，明明貼了公布在當眼處，還再一次告知，真的跟日本當地餐廳的服務一致。海老穴子天丼跟普通的天丼差別最主要是穴子，但超可惜的穴子的天婦羅粉沾得太厚，或者穴子太幼細了！😂😂吃不太出穴子的肉質，可惜了！所以下次來，我應該只會點天丼吧！天丼的CP值很高，炸蝦很好吃。

周末2點行到黎yohomall 食一食天丼，都係要排隊，因為一個人獨食，5分鐘就入得～呢度好似冇午餐或者下午茶餐牌，全日都係食一樣的野，咁樣睇黎夜晚食都幾好喎。眼見附近啲人都係嗌飯，我就跟風叫左個餐牌上最平的「天丼」，$49蚊，有跟一碗麵豉湯。麵豉湯都幾好似，同dry dry 炸物相輔相成，食落冇咁熱氣咁，濕下喉嚨，冇咁上火。天丼就等我簡單簡介下啲配料：有茄子，魷魚，魚蛋，豆，蝦 最好食係蝦，又大又彈牙冇雪味！全部炸物都保持到剛炸起的鬆脆，油分唔會過多，感覺唔會太大罪惡感！估唔到$49(加一$53)就食到咁好食嘅天婦羅我下次一定會再食㗎！