影片
更多
2023-04-23
3954 瀏覽
📌 大丈夫食堂 - 長沙灣元州街350號家壹1樓11號舖🗓(23/4) 星期日 ⏰ 中午12點左右 💈特式：今日約左朋友係長沙灣食lunch，見好耐無食過大丈夫食堂，上次經過又咁啱佢落場時間無得食，今日見個時間啱啱好，所以食返次先。🥩🍔🌭🌮🥗🥯🥘🍲🍝🍣🥟🍤🍱食物：我地今日3個人，總共叫左3個午市定食套餐，而家等我同大家講下🐮👅味道先。特上塩燒牛舌定食$118 - 呢個餐包括左前菜/茶碗蒸/麵豉湯/椰菜絲沙律/一碗飯同一碟大約有9片嘅牛舌。先唔講主角牛舌，佢其他跟餐食物嘅質素都已經做得唔錯，牛舌切得都算有返咁上下厚身，每片都係燒大約15~20秒已經食得，口感都幾爽口有質感，肉味就普通，不過性格比係合格以上嘅。南蠻炸雞定食$75 - 佢個南蠻炸雞我每次去都會叫，就算唔叫定食都會散叫嚟食，因為佢真係做得好出色，價錢又抵，佢炸得外脆內軟，又唔油膩，入面仲有肉汁好juicy，加埋佢地個醬汁味道唔係太重，唔會掩蓋炸雞嘅味道，相當出色。天婦羅軟殼蟹丼$98 - 呢個上枱都嚇一跳，佢成隻蟹咁炸，size都幾大，仲有配埋炸金菇天婦羅，雖然炸得唔油，亦無好油膩，但食完都好滯，因為份量真係有點
🗓(23/4) 星期日 ⏰ 中午12點左右
💈特式：今日約左朋友係長沙灣食lunch，見好耐無食過大丈夫食堂，上次經過又咁啱佢落場時間無得食，今日見個時間啱啱好，所以食返次先。
🥩🍔🌭🌮🥗🥯🥘🍲🍝🍣🥟🍤🍱
食物：我地今日3個人，總共叫左3個午市定食套餐，而家等我同大家講下🐮👅味道先。
特上塩燒牛舌定食$118 - 呢個餐包括左前菜/茶碗蒸/麵豉湯/椰菜絲沙律/一碗飯同一碟大約有9片嘅牛舌。
先唔講主角牛舌，佢其他跟餐食物嘅質素都已經做得唔錯，牛舌切得都算有返咁上下厚身，每片都係燒大約15~20秒已經食得，口感都幾爽口有質感，肉味就普通，不過性格比係合格以上嘅。
南蠻炸雞定食$75 - 佢個南蠻炸雞我每次去都會叫，就算唔叫定食都會散叫嚟食，因為佢真係做得好出色，價錢又抵，佢炸得外脆內軟，又唔油膩，入面仲有肉汁好juicy，加埋佢地個醬汁味道唔係太重，唔會掩蓋炸雞嘅味道，相當出色。
天婦羅軟殼蟹丼$98 - 呢個上枱都嚇一跳，佢成隻蟹咁炸，size都幾大，仲有配埋炸金菇天婦羅，雖然炸得唔油，亦無好油膩，但食完都好滯，因為份量真係有點大。
☕️🍵🥤🧋🍺🍷🥃🍹🧉🍾🍶🥛
飲品 : 餐廳有清酒/燒酒/啤酒可選擇，當然仲有普通汽水同幾款梳打，但我地就無特別叫，淨係飲佢地提供嘅茶水，佢地有壼熱茶放係枱面比客人自己refill。
🍽環境：餐廳之前係位於近荔枝角，係上年年頭先搬過嚟元州邨附近，新舖大過舊舖好多好多，餐廳佈局及座位都好闊落寬敞，整體都光猛整潔，裝修亦仍然keep得好新淨。
🤵🏻🤵🏻♀️🤵🏻♂️服務：店員服務都幾好，又有禮貌，餐廳係用QR Code落單，因為我地叫左3個餐，但我個餐好耐都未到，店員都主動留意到同幫我催單。
💰💸價錢：叫左3個定食，仲要我地3個都食唔晒，而且仲可以免費添飯同沙律菜，埋單連埋加一先只係$320，我覺得價錢都好合理。
🐲💬總結：呢間餐廳以前最出名係炸豬扒，不過對上個次食好似已經有退步少少，而且我最鐘意食日式炸豬扒個朋友今次又無去，所以我反而覺得佢地而家個南蠻炸雞同牛舌相對更加出色。
推薦指數：❤️❤️❤️❤️🤍
特上塩燒牛舌定食
$118
97 瀏覽
0 讚好
0 留言
特上塩燒牛舌定食
$118
93 瀏覽
0 讚好
0 留言
南蠻炸雞定食
$75
73 瀏覽
0 讚好
0 留言
天婦羅軟殼蟹丼
$98
57 瀏覽
0 讚好
0 留言
天婦羅軟殼蟹丼
$98
55 瀏覽
0 讚好
0 留言
張貼
