太平館餐廳

營業中

休息中

行街街行到攰搵個地方下午茶，這間餐廳跟其他嘅好不一樣，一入去就充滿阿飛正傳年代嘅氣氛，侍應都係一啲老人家，但係好好脾氣又有禮貌。首先梗係食下呢度嘅名物「太平館瑞士汁炒牛河」連一杯飲品$72。碟河好細碟，而且有點鹹，唔似瑞士汁要甜甜地咁，不過銅鑼灣嚟講都唔叫合理，因為你可以舒舒服服咁坐。叔叔好貼心幫我哋換哂啲碟&餐具，因為跟住我哋食重頭戲⋯⋯「梳乎厘」！小朋友老遠見到就嘩嘩聲😂😂，係咁相機先食因為大過佢個頭，個皮烤得香香甜甜，她一大匙放進口就溶晒，開心到格格聲話好食😋。呢個下午茶二人餐連兩杯飲品只係$150，當氹小朋友都抵吖💪🏻

上星期去K11睇完王家衛電影展，心血來潮想去一間懷舊餐廳食下野。於是我今日就去咗銅鑼灣太平館，諗住感受一下懷舊嘅氣氛。午餐選擇都算多，最後我選擇太平館瑞士汁炒牛河 $89。餐包一般，因為凍咗，我覺得暖嘅餐包先至好味。蘑菇湯不過不失，都有少少蘑菇粒。可惜瑞士汁牛河就有啲失望，啲汁好杰，味道較鹹，牛肉肉質普普通通，完全冇驚喜。最後叫咗一杯走糖少冰嘅檸茶作為句號。埋單$97 ，環境係舒服，不過食物質素好似比以前下降咗少少。

平安晚前夕，大家都想嚐試下新的餐廳來慶祝聖誕。這間餐廳內部結構是英式風格。待應十分有耐性和態度很好，我們坐的桌子很細，放了2碟菜已經很逼。我們食完，不停地叫待應收碟。他們不但沒有表現煩躁，反而問我們要不要換新碟食，他們真的很好！！這間餐廳雖然較貴，但食材十足，份量很大，所以我覺得幾抵食！鮮牛尾湯濃湯，很重牛肉味，餡料也十足。焗洋蔥湯  清淡，很重洋蔥味，餡料也十足。大蝦沙律 很少餐廳還會有這傳統沙律食，這入面有蘋果、薯仔、青瓜、大蝦、蕃茄。太平館瑞士汁炒牛河河粉炒得很干，牛肉煮得剛剛好，但太多汁了，有點鹹。太平館瑞士雞翼 8隻 我最喜歡這個，一黎瑞士汁很好味，二黎雞翼煮得好滑好軟。而且，這個有“米之蓮”之稱。太平洋焗梳乎厘這個是店內最具特色的甜品。它很巨大、柔軟、滑口、不太甜等等。這一定要同人分享，它有你的臉那麼大。(P.S. 女生們，一定要同朋友一齊食這間，1個人食一定食唔曬！)

對於我呢啲個個星期六都要返工嘅人黎講，星期六係紅日，都係唔錯嘅一件事，變左可以連續休息兩日。聽日唔駛返工，就同老婆出銅鑼灣行下街。經過太平館，老婆話好耐無食呢間啲瑞士汁。難得佢有建議，今晚就食呢間啦!望望餐牌，既然係為咗瑞士汁黎，就點晒兩款瑞士汁嘅菜色。太平館瑞士汁炒牛河 $120 – 牛河熱辣辣上枱，已經傳出陣陣香氣。牛肉份量都幾多，食落肉質好腍。瑞士汁炒成嘅河粉，口感好滑。瑞士汁甜度適中，而且炒得夠鑊氣，好食。太平館瑞士雞翼 (8隻) $176 – 平均都成 $22/隻，但雞翼係全翼，所以好大隻。皮薄，用刀輕輕一切，已經可以好輕易切開。甜甜嘅瑞士汁醃到雞翼好入味，咬落肉質好嫩滑。

是日跟文迪來到銅鑼灣出席活動, 見還有點時間, 當然要找點吃, 想起也有好一段日子沒有吃過太平館的出品, 那不如就來吃個午餐吧. 接近兩點, 人客還不少, 不過剛好有個卡位讓我們坐, 是幾舒適的. 原來這裡是有特價午餐供應的, 如瑞士雞翼飯以及瑞士汁炒牛河都是一客$80, 已經包括餐包, 餐湯, 主菜以及飲品, 是相當抵吃的價位. 既然是這樣, 就每款招牌各點選一款.餐包: 是最經典的小圓包, 熱辣辣, 塗上牛油同吃, 自然是相當美味. 這種傳統豉油西餐廳的風味, 就是如此.忌廉湯: 7分, 份量十足, 熱度也對辦, 不算太杰, 送麵包一流. 其實如果細食的朋友, 喝完這碗湯應該已經飽了不少.太平館瑞士汁炒牛河 $80: 8分, 兩款主菜, 先來的是太平館瑞士汁炒牛河, 其實店子供應有兩款牛河, 分別是乾炒的以及瑞士汁炒的, 是日我們來個瑞士汁日, 兩款主菜也是瑞士汁做主角. 先講這客牛河, 炒得有穫氣, 河粉質感對辦, 配上瑞士汁同吃, 實是惹味. 至於牛肉, 沒有化學過的痕跡, 也算不俗.太平館瑞士雞翼飯 $80: 8分, 當然, 來到太平館, 怎少得吃一客瑞士雞翼, 早來真的跟文