珍煮丹 (已結業)

台灣既珍煮丹😍備佢地既oreo飲品吸引左，見到上面舖滿oreo，飲品size啱啱好，而且珍珠好有咬口，最上層仲有奶蓋添啊😆 呢杯既甜度同冰度都係固定左既，大家留意反啦！覺得呢間既飲品係掃街必點啊！好符合小編口味之餘，平時冇乜人排隊，好快就有得拎，吾洗等。而且係佢地舖頭既top 3❗

呢間茶飲店由台北市士林區攤販起家，直至《2018百大口碑之星手搖飲料排行榜》中排行第8🏆標榜所有飲品不添加化學香料、色素，原料從台灣原廠直送，主打自家製黑糖同特調奶蓋 👍🏼💗奧利珍($40)底部嘅1/3係黑糖珍珠，特別研發出最適合咀嚼嘅0.85cm大小，咬落去微暖又煙韌，唔會過份甜膩。中間加入純度 4.3 嘅明治特濃鮮奶，口感順滑，奶味幾濃郁，同黑糖味好平衡🍼綿密濃稠嘅芝士奶蓋厚度夠，令奶香份外醇厚🧀面層再舖上一塊Oreo同滿滿嘅oreo碎，微吸收鮮奶嘅Oreo依然鬆脆，令成杯飲品提升去另一層次🍪💗十份芋芋鮮奶($36)啜落啖啖都有小芋圓同地瓜圓，食落煙韌Q彈，唔會淨係一舊粉團，而且好香芋頭同蕃薯味🍡每日現煮嘅手作芋泥用上大甲芋頭製成，所以特別綿密甘甜，而且芋蓉保留咗少少芋頭粒，令口感更豐富🍠配上日本鮮奶，飲落香醇順滑，不過奶香再濃郁少少就更好。由於揀咗半糖嘅關係所以會好甜🥛

葵廣有很多小店，衫褲鞋襪、玩具精品、飲品美食等等。係一個好吸引嘅地方！呢一間來自台北嘅飲品店，飲品配搭都幾吸引，決定試吓先我哋特登嗌左兩杯唔同風格嘅飲品：奧利珍 及 十份芋芋鮮奶飲落好有口感！因為我哋都好喜歡食Oreo，特別鍾意呢一個味道。首先Oreo味道好香，杯中有細碎嘅Oreo，亦都有原塊Oreo在上。另外奶好香滿，加埋黑糖珍珠，好好味！佢哋嘅黑糖味好香，喺店舖外邊都聞到。芋頭同埋鮮奶係絕配！芋頭份量好多，有芋泥，亦有芋頭粒粒，好香甜好好味。建議可以嗌微糖，咁樣可以品嚐到芋頭嘅原味同埋牛奶嘅香濃。總括來講，雖然喺葵廣裏，依間嘅飲品價格比較其他店舖可能貴d, 但係以佢嘅材料同埋味道，都係幾值得嘅, 佢地好有台灣嘅風味！希望下次可以再試吓餐牌上嘅唔同飲品啦！愛肉都好吸引，之後再試！