Ocio (已結業)

以前同同事食開旺角嗰間Ocio，得知佢最近喺葵芳新都會開咗分店，即刻過嚟試！平日晚上六點幾，仲算早所以唔係好多人，唔駛等就有位～不過去到七點幾就差唔多滿座啦～夜晚主要提供晚市套餐，價錢有$98至到$218不等，包咗餐湯、主食同埋餐飲，所以整體唔算貴～我哋加咗$39要一份水牛城雞翼，呢度做法同其他地方好唔一樣，醬同雞翼分開上，而雞翼炸到外皮勁脆，但係又唔會過油～另外，味道唔算好辣，啱晒怕辣但係又想食惹味嘅朋友我哋另外仲叫咗牛肉芝士漢堡配薯條，薯條炸得外脆內軟～而漢堡無論係麵包、肉醬、手打牛肉同蕃茄等，一律都非常高質，手打牛肉超juicy絕對必點!!我哋亦都叫咗all day breakfast，有薯條、蕃茄、香草雞扒、炒滑蛋、香腸、沙律同埋窩夫，超級豐富！炒蛋炒得好滑身，正呀！而窩夫蘸埋楓糖漿一齊食，個人即刻充滿正力量最後餐飲我哋叫咗凍檸水，糖漿係分開上，客人可以自己控制甜度，非常方便

一向睇開的中醫由九龍灣搬到葵芳，對我而言，路程的確遠了許多，但因為很有效用，所以真的要努力堅持.....老實說，我很少踏足這區，那正好讓我尋找美食向大家匯報。餐廳開方式門口，一眼就望到綠油油的牆身，還有那句 “Food is an important part of a balanced diet”，決意進入。環境光猛，裝潢時尚，靠牆有排長長梳化座配二至四人枱，中間亦有長枱，還有不少二至四人枱。每枱都放有兩份餐牌，一份dinner set和一本a la carte。單點菜式分別有主食、全日早餐、特色漢堡、沙律、小食、多款甜品和飲品。唔傷腦筋，就點一份dinner set吧!**********************是日餐湯 Soup 為忌廉薯仔煙肉湯，熱辣辣上枱，最岩今日的天氣。湯身濃稠，滿載綿綿的薯茸粒，加入鹹香的煙肉碎，味道不錯！最喜歡是加入的忌廉不多，喝起來不覺漏滯。**********************十六款主食中，選了奧斯特選全日早餐 Ocio All Day Breakfast ，貪佢食材豐富，大滿足！究竟這份全日早餐有什麼？逐一數數，包括有炒蛋、窩芙、蕃茄、煎雞扒