公館 (已搬遷) 新店位置

又到一大班人食生日飯的時間，選地點最好要包場，其次是免開瓶費，這裡可以包到廳，兩圍十分寬敞，開瓶費＄100 一次，轉杯再收一次都算合理。 這裡吃的也不算是上海菜，改良廣東加上海比較貼切。 先來六小碟 ： 茄子、黃瓜、豆腐、筍絲、海哲頭、鴨胸，茄子最出色，其他則一般。 吃完冷盤，來一個湯，個湯有冬菇、螺頭，好夠火候，可惜一人得一碗。 熱盤來了 ：威化鴿柳卷，新鮮炸起上枱，熱辣辣，唔油，用春卷皮包了鴿肉、冬菇、金華火腿，幾好食。 第二味 ，千島醬蝦球，這一定不是上海菜式，有少少微辣，感覺很fusion。 梅子玫瑰露豬手，豬手很腍且入味也很重酒味，但另一枱的朋友則覺得太甜。 酒糟雞，朋友們最喜歡這味，酒味不比那豬手重，雞肉嫩滑，要讚。粉皮蒸老虎斑，將魚起肉然後卷著粉皮和金菇，魚不大條，但屬於心機菜。最後來個紅糙米炒飯，炒得很好，很乾身，兩大盤，統統吃光。連糖水，每位＄430，不加一，雖然吃的都不是名貴食材，但是以食物，環境，服務水準而言，還是算物有所值的。 p.s.十一點一定要散場。

如果唔係有openrice既地圖，同友人一早到左，個門口其實都有少少難揾。環境：要行上條樓梯先可以撘lift。上到樓上見到門口既擺設有水流，第一個感覺就係＂係咪睇過風水呢＂。地方唔算細，可以間三圍大枱，都幾闊落。服務：扣分原因1)　自己帶左酒黎，其中有樽係雪涷左既香檳，所以就問姐姐攞個雪桶。佢既答案係：＂你地而家都飲架啦，唔使雪桶啦。＂解釋比佢知唔係一開就十分鐘內飲哂，要保涷，佢先話冇桶。2)　正當我攞起個相機黎影相時，佢叫我等佢擺哂d野上枱先好影（先黎六小碟）。yes, mom!3)　因為同桌食飯既人年紀比較大，同公館唔係好隔暗，所以姐姐講餸名我地好多時都聽唔到，問多幾句佢就唔係好開心咁既樣。我地都好明白成餐飯得佢一個人搞真係好吃力，不過我地都唔想咁煩既。味道：食乜冇得揀，set menu。訂左位唔好加人減人呀，姐姐話材料每朝新鮮買，份量唔會預多既。　家鄉麩匯：經典齋菜，烤麩好清好健康。　涼拌鴛鴦爽：綠色嗰d唔係青瓜而係翠玉瓜。所謂鴛鴦爽係海哲皮同翠玉瓜。食落同個名一樣，好爽好脆。　神仙茄子：所有人都覺得好特別既菜色。茄子唔油膩，上面舖左肉鬆同炸菜，個組合真係幾新穎。茄子本身係冇味既

公館, 是其中一所自己想試的私房菜餐廳. 是次難得壽星仔想於此搞生日局, 那有反對的理由! 加以是壽星仔的局, 又那有不到的道理!公館設有數間獨立廂房, 令每檯客人也可自成一角. 環境雅緻得來給人一種十分嬌媚的感覺. 佈置以嫩紅豔紫為主, 單是天花一盞紫色長羽扇吊燈, 巳教人如處煙花之地...環境再美, 食物不濟也是徒然. 公館的, 很有水準. 菜式不單有美侖美奐的賣相, 大部份的味道也相當不錯. 美境佳餚, 怎能不樂!前菜: 1) 芥醬青瓜 - 青瓜切得工整, 爽脆清甜, 配上混了芥茉的麻醬, 香中帶辛, 是道十分怡人的前菜. KC更笑說, 那個汁, 拿來撈麵必定好吃 ~2) 香妃牛扇 - 即汁煮牛舌, 單看其粉嫩微紅, 緊緻得仿如薄泛亮光的賣相, 巳教人生愛. 薄切的牛舌, 仍然鮮爽豐美, 口感沒厚切的豪情, 卻帶叫人不禁慢嚐輕嚼的細膩, 與公館嫵媚的氣色, 很配.3) 莧菜飄香 - 看上去以為是馬蘭頭, 原來是以莧菜仿造的. 加入了豆乾, 麻油, 鹽等去調味, 吃起來也還可以, 只是莧菜就是莧菜, 飄不了馬蘭頭那特有的清香, 亦因麻油下得不夠, 溢不出麻油的馥郁. 馬蘭頭堪稱南京