木子園 (已結業)

有時週末想去飲茶🫖，最近發現呢間中環餐廳有做點心放題！❣️餐廳環境好舒服，又有sofa位，食嘢之餘可以慢慢傾計❣️點心任食有成16款，真係可以樣樣都食d唔睇價錢，仲有即場切北京填鴨❣️除即蒸點心款以外，其他都是外面攞個人推介以下點心：🔸任食北京填鴨- 現場即切，皮脆肉質唔錯，都幾難得放題可以食填鴨🔸除左即叫即蒸點心外，好多款都係出去攞，有鳳爪、紫薯包、流心包等任食！亦有冷盤如醉雞、齋、青瓜雲耳、小饅頭。個人推介齋，味道唔錯。🔸燒賣蝦餃即叫即蒸，蝦餃皮薄，入面都幾多蝦肉。另外燒賣都香口🔸紅油抄手辣得惹味 🔸流心包真係有流心同蛋黃香，麵包軟熟另外仲有主食同甜品，主食有心思！🐑孜然羊肋排- 滿滿孜然粉，外皮脆香肉質幾嫩，都有油脂香🫛乾煸四季豆- 炒得乾身惹味，豆爽口鍾意食點心嘅，絕對可以去！

回港的朋友想食中菜，據聞這家館子不錯，遂與友同試。餐廳雅致整潔，氛圍舒適寫意，予人開揚的感覺。開茶後，店員同時送上餐前小食花生豆乾青瓜粒，先開一開胃口。兩個套餐的前菜都是四喜烤麩和紹興酒糟醉雞。烤麩夠入味，有嚼勁，卻又不靭；醉雞酒香尚存，雞肉細嫩，是一道恰宜的前菜。套餐一是咕嚕肉與雞湯小雲吞。豬肉塊頭大，肉質腍滑，裹着酸酸甜甜的咕嚕汁跟爽甜的菠蘿同食，醒神醒胃。雞湯小雲吞的雞湯醇厚芳香，好像雞的精華都煮了入去！雲吞的皮薄而滑，細細粒容易食，份量剛剛好。套餐二是孜然羊肋骨和四川擔擔麵。三件羊肋骨肉質軟綿，孜然的味道完全滲了進去，非凡的惹味！而四川擔擔麵的湯有頗濃的花生醬味，沒有辣味，喝下順喉。麵條較粗，軟硬度恰好，細細碗可以秒速清碗。我們另外要了客蟹肉粟米羹。粟米羹本身的鹹甜味拿捏得很好，不覺落了很多生粉芡，加了蟹肉簡直錦上添花！朋友都給了讚！

今日嚟到上環一間新開嘅餐廳，餐廳嘅佈置好時尚尤其門口位置亦都好適合影相，服務亦貼心職員有禮，值得推介紅海蜇頭 海蜇頭肉質又厚又爽口，配埋青瓜口感爽脆蒜泥白肉 唔似平時米線舖個啲，呢度用左炸蒜食嘅時候比較香口，用五花腩卷住青瓜絲入口唔會有肥膩感蘿蔔絲酥餅 一層層酥脆嘅酥皮配埋爽甜蘿蔔絲，值得推介蒸花素餃 皮厚薄適中，餡料味道清新，熱焫焫唔錯小籠包 雖然皮薄但夾起一滴湯都唔會漏，入口滿滿嘅肉汁爆晒出嚟孜然羊肋排 賣相已經垂涎三尺，香味撲鼻，肉質軟嫩 juicy上海粗炒  麵質有嚼勁，整體不會好油膩