嘉寶漢堡 (和益中心)

營業中

休息中

相信有睇開討論區既都會聽過嘉寶漢堡🤣呢間大名鼎鼎嘅餐廳果然人山人滿，6:30已經有外賣/堂食單，好彩落完order後有位客人離開，可以坐低享受熱辣辣嘅食物🍔大部分餐廳都係提供豬、牛、雞，而呢度竟然有羊，所以即刻叫咗個孜然香辣羊堡($40)同凍檸茶($17)😛如果有選擇困難症，可以試下蝦牛堡😆當食物準備好，(多數foodcourt會用嘅)機仔就會響，提示你出去攞，我覺得幾適用喺嘉寶，因為客人比較多，咁就唔洗驚等完餐又冇曬位👍🏻麵包兩面都有烘過嘅痕跡，未食已經聞到好香羊味😋雖然話係香辣，不過主要都係茄汁，只有蜻蜓點水嘅刺激🥫最驚喜係有炒洋蔥絲、接近焦糖化嗰種，我生平最鍾意(沒有之一)有炒洋蔥嘅漢堡包，所以佢完全係我杯茶😂雖然食落冇聞起嚟咁重羊味，不過漢堡扒唔會膻/太多孜然粉，羊肉愛好者應該會滿意，因為食完好耐仲會聞到浸味🤣

◦•●◉✿✿◉●•◦ 唔知大家食burger係咪通常都係揀牛/雞為主呢? 今次👵🏻👴🏻就想介紹呢2種肉類以外嘅選擇比大家😛 ⁡👉🏻日式芥辣菠蘿蝦堡🍤試過呢個蝦堡之後就返唔到轉頭 每次都會叫🤣超厚嘅蝦餅 而且好彈牙 另加一片菠蘿🍍 配埋特調日式芥辣醬好惹味🤤⁡👉🏻孜然香辣羊堡👵🏻👴🏻覺得大部分burger店比較少會有羊堡就算有嘅羊堡都會有少少羊羶味🥲嘉寶嘅羊堡都算比較少羊羶味一入口無比孜然味搶走羊味 羊扒煎得好出色😋推薦大家一試！⁡套餐可以揀炸燒賣 都唔錯💛⁡😋: 𝟠/𝟙𝟘

由尖沙咀舊鋪搬到寶勒巷，店鋪大左 位置都多左～但lunch時間都係長期滿坐 唯有外賣嘉寶有多款Burger選擇，仲可以加$16轉套餐(包飲品同小食)⭐️⭐️⭐️⭐️⭐️鍾意食羊既朋友可以叫孜然香辣羊堡($44)！🤤成個包都好juicy，唔乾身個汁仲辣辣地 同個羊好夾 會愈食愈開胃小食除左薯條 ， 仲有炸燒賣揀～都有8粒嫁 份量一啲都唔少如果唔夠仲可以加$10追加小食 推薦香脆栗米片雞塊 (3件)外層係平時早餐栗米片，炸到超脆🤤

😋 黑松露芝士牛堡黑松露汁爆曬出黎,濃郁嘅醬汁味真係隔住張相都聞到!!牛肉漢堡勁JUICY!!!油脂感唔會好重,加埋芝士黑松露汁嘅配搭埋,真係超夾,味蕾夠晒衝擊!!麵包一樣焗得好香,其他品牌嘅漢堡都一定唔會將呢個港式漢堡比下去呀!!😋 孜然香辣羊堡羊肉一Ｄ都唔會羶，而且加上店家特制嘅香辣洋蔥醬，用酸酸甜甜嘅微辣味，吊起咗羊肉獨特嘅肉香！！！生菜蕃茄令味道再多一重層次。略嫌羊肉肉質未夠厚實，但味道方面就加晒分！！！‼️好味指數 8/10‼️推介指數 8/10😋 蕃薯條平時好少食番薯條，尤其係食快餐嘅時候，所以突登試下，結果喜出望外。外層炸得啱啱好，唔會覺得好熱氣!而且咬入去，食得出蕃薯本身嘅甘甜，蕃薯甜加上油炸香味，唔駛好似薯條咁點醬汁，已經好食到一條接一條！‼️好味指數 9/10‼️推介指數 9/10😘 炸燒賣外層炸得香晒脆口，入面亦唔會炸得太乾身，仲幾有咬口，唔錯！‼️好食指數 7/10‼️推介指數 7/10🍽 嘉寶漢堡 Kabo Burger📌 尖沙咀寶勒巷9-11號和益中心地下（港鐵尖沙咀/尖東站 N2 出口, 步行約3分鐘）⏰ 星期一至日12:00 - 22:30