初見

營業中

休息中

Omicron最終都係嚟咗香港🤡但係飯都係要食嘅。當日12點左右到達，餐廳無咩客，不過服務講真真係好一般。之前已經做定功課，因為唔係咁想食牛，就揀咗季節海鮮鍋配龍蝦湯。聽個名同menu張相令人有好大期望，食物嚟到嘅賣相都好好。不過食落龍蝦湯比較淡，但海鮮種類多份量都多，有三文魚、蝦、青口、魷魚同蜆等等，新鮮程度都可以。其實整體味道比起賣相略為遜色，不過用湯撈飯我非常中意😂追加嘅南瓜湯同刺身幾好，南瓜味淡淡，我不嬲唔太中意南瓜都可以接受，刺身有三文魚、真鯛同帶子，當中以三文魚嘅味道最好，其它就尚可。不過呢個追加只係$35，唔可以有太多要求。整體滿意😀

📍 初見📍 荃灣 • 海壩街22號華達樓地下F號舖-はじめまして hajimemashite!初次見面，初次來到《初見》，初次品嚐他們好吃又實惠的料理😊讓我也不禁想起跟這晚的同伴初見時的美好時刻🤪-位於荃灣海壩街的《初見》，主打日本菜，也有提供西日fusion食物，例如 { 北海道帶子黑松露意大利飯 } 、 { 火炙海膽帶子黑松露意大利飯 }開業至今儲得不少人的愛，更打入了「OpenRice優秀開飯熱店大賞2021」！🔥-餐廳空間不算很大，這晚就坐滿了食客，而店外也站著數組等候入座的客人{ 吉列牛 } 是這裡的熱門菜式，每桌都有點鍋物／吉列牛，煮食的味道蠻大的🍲🍳採用自助下單，而網上系統也有不同菜式的照片，非常方便跟容易使用～-初見邪惡炸薯條 ($45)這裡的小吃選擇很多，而且很多都很吸引，真的好想把他們全都點來XD可惜我們只有兩個人，還要吃主菜呢～所以只點了這個最邪惡的炸薯條😈炸薯條沾上鹹蛋黃醬，每一條都帶有濃濃的鹹蛋黃香味😍薯條是粗薯，外層炸得不算十分香脆，內裡有薯蓉那軟軟的感覺🥔份量超級大，應該有3-4人份量，CP值超高

過去一周真的天氣寒冷，因此來到本來預約的日本餐廳初見，都一改點魚生或壽司的習慣位置：位於海壩街尾近香車街，從愉景新城走路約5分鐘環境：日式裝潢，店面較少座位卻不少服務：上菜迅速，主動收拾空碟食物：一人火鍋份量適中，食材新鮮季節海鮮鍋配龍蝦湯 $88（轉餐＋$35）海鮮種類及份量均多，當日有時令的海蝦、三文魚、硯、沙白、青口及魷魚，加上鍋內的蔬菜，十分豐盛及新鮮而龍蝦湯底非常鮮甜，本人也喝了兩碗湯呢安格斯牛肉鍋 $88（轉餐＋$35）安格斯牛肉片份量十足，而湯底是麵豉湯，配上大量蔬菜，如冬菇、豆腐、生菜及日式魚蛋等，既豐富亦能帶出牛肉的肉香，非常讓人滿足刺身小碟圖片乃兩份轉餐的刺身份量，各有三文魚兩片、吞拿魚一片及帶子一片，均很新鮮如不要刺身，可另選沙律麵豉湯很香濃的日式麵豉湯，十分暖肚南瓜湯打的很幼滑的南瓜湯，鮮甜易入口可樂火鍋必配，加餐配的罐裝可樂柚子蜜柚子蜜很香亦潤，冬日之選還沒進店前都沒想過會吃火鍋，而這次的體驗相當不錯，絕對物超所值呢

疫情稍為放緩，我同男朋友好似放監咁，搵到呢間平民美食， 一黎俾佢店裏面坐滿晒人吸引，二來覺得裝修好靚，一於入去試吓。入到去，因為店舖樓底好高，加上有一幅直身植物裝飾牆，我以為自己去咗Hotel ICON。真係一個好靚嘅打卡位！我同男朋友，叫咗一個季節海鮮鍋配龍蝦湯、火炙海膽帶子黑松露意大利飯、邪惡炸薯條，和炸香草北海道南瓜餅。其中一個主菜仲轉左餐，多咗一碟小刺身同麵豉湯。首先係，你冇諗過一個海鮮鍋都只係$88 ，仲要有齊海蝦、冰蝦肉、青口、蜆肉、帶子和三文魚柳。火鍋配料本身已經有蔬菜同鳴門卷，吸晒龍蝦湯嘅香味，好香！我男友就想佢再咸啲，就自己再加咗豉油，點知又好發揮到個海鮮鮮味，佢真係廚神！不過食開海鮮鮮味同清淡嘅朋友就直接食鋪頭嘅湯底調味就好了。然後喺個意大利飯真係好驚喜，好濃郁嘅黑松露味道，應該再加左芝士。海膽燒左之後多咗一份炙燒味道，反而令海膽冇咁膩口。我覺得呢個配搭好好，但食咗半個就已經覺得好飽。另外值得推介嘅係個南瓜餅，好滑同埋南瓜同香草嘅味好夾，炸得來又覺得係蔬菜所以冇咁邪惡。幾值得試！下次嚟一定要食佢個吉列牛！