小方糖甜品 (龍崗道)

營業中

休息中

食完燒肉已晚上9時多，但完美嘅一餐一定要食甜品，坐朋友車片落九龍城，趕在堂食10點前為今晚劃上完美句號，呢間門外可泊車，問店員還可以接受堂食，不過一坐低就要落單店面不大，店內都是簡單西餐廳小方桌椅，桌面有點黏，糖水中西式都有！勁薑蕃薯芋圓糖水（$28）我係失望嘅，與圖片相比已失色，（抗疫原因用了外賣膠碗？）而且我最喜歡嘅芋圓可能太趕出菜，表面起泡又沒有煙韌感，蕃薯又唔夠甜糯（雖然無渣）湯丸是好味的，皮夠彈，芝麻餡又香，糖水的確夠薑（對我來講是偏甜）整體失望朋友食：宇治金時（$38）日式紅豆豆腐花（$33）齒頰留香（$50）可能今次太趕吧，平時食都保持水準！而朋友3款都話好食嘅店員有禮，明白自己在關店前半小時不夠時堂食！店家都盡力招呼！甜品句號

甜品好食,但係好普通,沒有什麼特別😅宇治金時個雪糕好有綠茶味， 香芒个個甜品好有芒果味，但係D冰就好快溶, 紅豆牛乳芋園 出嚟嘅製成品，同个图好大分別。整體來說D甜品沒有什麼特別,但係就比其他甜品舖便宜

九龍城出哂名好多好野食，糖水舖越開越多，每間都出盡心思想爭一席位，而小方糖，一向都係我嘅心水同時亦都係好多人嘅心水，因為次次黎，都要排好耐隊嫁。我本身係一個抹茶控😍 所以叫左份宇治金時，另加芋圓。個冰嘅抹茶味唔算話好濃，亦唔會過甜，不過球雪糕就好正，濃濃嘅茶味，我好滿意。紅豆煮得幾好，綿得黎唔會太爛，好味👍🏻 芋圓就普通，口感係ok嘅，但芋頭味唔夠。