辛安東元祖奶奶雞 (已結業)

疫情下堂食只做到九點，差唔多八點走到旺角街頭，想食雞但重慶雞煲要慢慢烚下烚下驚太趕食唔趕，就黎左白布街嘅奶奶雞。雖然所有壁畫都變晒白色，但都感受到佢嘅熱情💛💛💛首先一入門口就安排我地坐上層話冷氣會大啲坐得舒服啲 但上到去坐位對住風口位 有啲凍 同店員講 佢都好有禮貌咁安排我地坐另一面首先飯卷黎先 有芝士拉絲 同埋飯卷唔易散 整得幾好 唔好一夾就散到成枱都係💛💛到主角奶奶雞 💛💛💛我地叫左中辣 一開始食甜甜地 好香香料味 慢慢愈食就愈感受到個辣味 愈辣愈想食佢啲冬粉超入味 仲要好多配料：薯仔紅蘿蔔青瓜咩都有 半隻雞$158 好抵食 食到勁飽💛💛💛基本上二個人見到枱枱都係叫碟雞再加小食/大食啲叫個飯已經夠晒而家二人限聚令過左可以約多啲朋友試多幾款唔同嘅菜式！💛💛會返兜！如果疫情下每張枱可以提供酒精搓手液會更貼心

好耐無食韓國菜啦，見到網評唔錯，決定一試我們早左15分鐘到，職員非常好的提早安排我們入座。店內裝修好有韓國特色，個下真係覺得自己身在韓國不過掛住食，只影左招牌菜一張相我們叫左泡菜水母、安東元祖奶奶雞、辛辣年糕八爪魚炒麵、芝士拉絲卷、豚王生菜包、芒果泡沫當中，我最中意的係豚王生菜包豚肉好入味好juicy，襯埋生菜同配料，夾到不得了另外值得一讚的係芒果泡沫，芒果味濃，質感creamy 泡菜水母、芝士拉絲卷味道都不錯餐廳招牌菜 - 安東元祖奶奶雞，一黎到面前熱辣辣，香氣濃郁，材料亦豐富，色香俱全。不過，味道方面就差少少，個人覺得偏淡味，碟內的麵條感覺是後期才放進去，所以唔入味，反而感覺有少少與雞同配菜分開的感覺 當中較為失望的是辛辣年糕八爪魚炒麵，味道偏鹹，年糕較硬，有待改善整體來說，菜式特別，有韓國風味

講起韓國嘅燉雞，有兩間好出名嘅。今晚一於同媽媽試吓其中一間，叫做辛安東元祖奶奶雞。佢開咗喺內街一個比較隱蔽嘅位，所以搵得去食嘅人，我諗都真係幾熟韓國出名嘅菜。食燉雞，梗係要食佢最出名最經典嗰款啦。我哋兩個人就揀咗食半隻雞，而我同我阿媽出名為食，所以就忍唔住叫多咗個辛辣年糕八爪魚炒麵。個年糕八爪魚炒麵都幾濃味，啱晒啲好鍾意食韓國醬料嘅人。特別要提一提佢個麵唔係行嘅韓國公仔麵，係真係有彈性又煙韌嘅拉麵。加上八爪魚係成隻上，配埋炒年糕底撈埋個泡菜汁又有蒜香，真係好醒胃。到咗主菜啦，個燉雞配菜有薯仔，厚切青瓜，洋蔥，蘿蔔，當然就有如果你識食緊雞，一定最想食佢個燉雞底嘅薯粉。我哋叫咗半隻雞嘅份量，個汁濃得來，但仲食得到雞嘅味道。而最正就係，啲薯粉撈埋個汁食，真係好入味。我見隔離枱仲專登加錢變做火鍋，可以將個汁發揮得淋漓盡致。但因為我同我阿媽得兩個人，再叫火鍋就真係太大食啦，下次試啦。

中式雞煲就食得多啦，今次去咗食韓國嘅安東元組老奶奶雞，係必食招牌，半隻雞$158來講我覺得都幾貴㗎！上咗碟之後份量都唔係話好多，兩個人食都唔係太飽，我哋叫咗小辣味道，成碗都係偏重口味，即使佢配左粉絲都要另外再加啲白飯去配搭，先會令冇咁鹹。除咗份量少啲同埋重口味咗啲之外，雞嘅方面就唔錯啦！幾嫩滑彈牙，有雞油香味，切得都幾大件，唔會話燉煮完之後織曬水好老好鞋身，蔬菜都令到個味道清爽少少，佢仲可以加多$30轉火鍋，就同出邊食雞煲差唔多啦！我覺得呢一間鋪頭已雞係主打來講佢係可以encore，但就會想食吓其他味道同小菜，我覺得始終原味都係太鹹啦～

入到去完全無人理 明明1個客都無 員工淨係低頭玩電話or發呆幾香口 其實係普通煎餃底 不過一口同芝士我都鐘意芝士同餃子中間加左啲少少辣肉碎 增加味覺感受三個字可形容-"豉油雞"未食過既可以去街市買盒就ok了 鐘意幾辣自己加

見幾位朋友成日黎依間野到打卡，相信一定有啲原因令佢地一食再食，所以我都約左朋友黎睇下依間係何方神聖！初初唔識果時，聽個名以為係食雞煲，但後期睇到相先知原來係韓國既一道出名既菜名－奶奶雞店面有上下兩層，環境地方唔大，但無論係店外定店內，都掛滿依啲類似許願卡/感想卡，可以係間野到留下自己既足跡打開菜單紙，有一種似曾相識既感覺，設計有啲似港鐵鐵路站，而且依種點菜方式，記憶中食第二間韓國食肆都係咁呢～先點左兩杯野飲先，桃汁偏甜但味道唔假，但冇果肉，第二杯則係朋友嗌燒肉生菜包，揀既係豬肉，泡菜份量有點太多，生菜葉較細，好容易滴汁。但味道確係唔錯，食落唔會太辣，口感爽口，而且燒肉既味都好出，唔會遮晒，份量夠多都幾抵食野人韓牛，雖然價錢的確貴，但味道肉質絕對超值，韓牛肉只得兩成熟，就係外圍邊邊果個位，雖然望落紅紅好血腥，但食落毫無腥感，牛肉既肉好細嫩，肥瘦分佈得好均勻，其秘製醬汁令到牛肉更加鮮口入味，係味覺既一大享受，不過份量同價錢的確會令好多人卻步安東炒雜菜，主要以豆芽同雜菇為主，炒得好香口，而且多菜多汁，豆芽既爽口又入味，可以清清腸胃柚子雞翼，價錢偏貴，只得4隻雞翼，但味道煎得幾香，外層香脆帶柚