燒肉一番 (已結業)

得一個人都想食燒肉？放工一個人都想食得好少少？呢間燒肉一番好適合燒肉控嘅你。入面環境好寬敞、乾淨及舒適，除了可以一大班朋友坐埋一齊燒肉之外，佢哋嘅價錢不用$100就有一個套餐，有燒肉，有飯，有前菜，有湯，滿足脾胃之餘又經濟實惠，亦好適合遲左收工自己一個人食飯嘅打工仔，好似我就應該會經常捧場啦 ! 約埋三五知己，叫多幾味亦都好化算， 叫多幾碟都唔會太大負擔。 同朋友2 人分別點了一個套餐及以優惠價追加燒肉，選擇真係好多，而且好抵食! 安格斯肉眼套餐$168包含前菜,麵豉湯及白飯，但想食得再滋味啲，可加 $8轉紫菜飯，超多紫菜及芝麻，勁香。而且好細心，還附上一把大剪刀，用來剪開成塊面咁大嘅安格斯肉眼。一路燒一路見到啲肉汁標哂出嚟， 香噴噴個爐都夠火，好快就燒熟，味道真係濃郁可口，而且無需要好費勁去咀嚼，安格斯牛肉味齒甲留香。食落真係同其他燒肉與眾不同，味道非常突出。 另外套餐可以優惠價追加一份燒肉, 要咗一份豚五花50g-$38， 份量唔會太多啱啱好 ，五花腩片肥瘦比例均勻，燒完之後油脂滴晒出來。牛肉三食套餐(可5選3)$168加了$15轉一番玉子飯, 除了有紫菜及芝麻，亦有大量木魚及温泉

朋友係宮琦駿迷，話有間燒肉店打卡一流，姐係燒肉迷當然跟著去！地方好乾淨光猛，一人二人或一組人黎烤都好舒服。牛板健套餐-牛板健100g, 大概8塊，肥瘦適中，牛味香濃-玉子飯有大量紫菜柴魚絲，玉子攪勻後更顯香滑-追加左牛五花50g, 呢款會偏肥，入口即溶牛舌芯-有5大條，每條都好厚切-芯位置更顯爽口，一啲都唔韌。牛味亦好出牛油扇貝-size 唔算好大隻但十分新鮮-牛油烤後溶化更使扇貝香口鮮甜王樣魷魚-見promote緊魷魚就點左，一上枱有就被驚艷到！-魷魚好厚肉肥美，烤後魷香味釋出好惹味-附有剪刀可以方便處理蟹籽沙律-份量大，蔬菜新鮮，解膩牛小排-追加左50g, 有5大塊，肥瘦比例屬於之前的牛板健同牛五花中間安格斯肉眼-150g, 好大塊！真材實料-非常厚肉，偏瘦，牛味非常濃郁Sapporo 極泡-第一次飲，一打開就爆泡，泡好綿密，撘燒肉一流！

今晚約咗媽咪去撐枱腳，去咗細佬同弟婦試過後都極力推介嘅燒肉店。燒肉店位於葵芳地鐵站附近，三分鐘就行到去，非常方便。細佬提我哋餐廳人流多，所以最好預早少少用App攞定位先，果然無錯，好快就座無虛席。入到去，環境有驚喜！餐廳好大，座位寬敞舒適，燈火通明，以木色為主色，帶有日系感覺，乾淨企理，抽風系統佳，唔會污煙漳氣。一睇餐牌，嘩！有少少嚇親，真係好抵食！我哋叫咗一個安格斯肉眼套餐$160（安格斯肉眼150克、白飯、麵豉湯、泡菜、朱古力和風雪糕）及散叫咗以下食品：扇貝2隻$68、虎蝦2本$28、雞脾菇4本$18及八爪魚仔5本$22。食物質素絕對對得住價錢，可以話係物超所值！安格斯肉眼扒肉質細嫩，油花及肉汁豐富，牛肉味濃郁，好味😋。扇貝都好有份量，非常大隻，水掌般大，品質新鮮，加入牛油及蒜蓉，大愛🤤！雞脾菇非常巨型厚身，最後我哋剪細粒，再放喺扇貝殼上面加入蒜蓉燒，製成品非常美味可口，好juicy！另外我哋亦叫咗少少熟食：吉列蠔2本$18、薯絲炸蝦2本$18、蟹籽沙律$25及芝麻和風雪糕$20。我同媽咪都特別欣賞蟹籽沙律，大大份，蟹籽份量多，蔬菜新鮮清甜，可以解膩。薯絲炸蝦都好好食，薯絲炸到脆卜

雖然已經訂好機票去日本，但近排天氣涷，總想食熱辣辣嘅燒肉，呢日陪朋友到葵芳買聖誕禮物，順便食價錢親民既動漫燒肉店 燒肉一番！餐廳入門就見到唔同既宮崎駿電影場景，有千與千尋，亦有經典嘅龍貓等巴士等打卡點，值得一提是餐廳的抽風做得唔錯，食完唔會成身油煙味，套餐最平幾十元有交易，啱晒牛魔王嚟開餐！✨安格斯肉眼套餐 150g ($168)來過燒肉一番幾次既朋友教路，燒肉全程要開最猛火，安格斯肉眼扒經高溫快速燒熟後，滿口肉汁，牛肉亦很嫩滑，質素唔錯！原來肉眼脂肪比西冷高出3倍，想食香軟牛扒，選肉眼！套餐仲包白飯，前菜，麵豉湯！✨牛肉三食套餐 300g ($168)牛肉三食套餐可任選3 款牛肉，今次選了牛五花，牛板腱。牛小排！🔸牛五花脂肪最豐富，入口肥而不膩，好香口！🔸牛板腱帶少少肉筋，肉味香濃！🔸牛小排肥瘦均勻，肉質夠嫩，燒熟沾上麻醬，燒肉汁食，讚！✨一口芝士 3 本 （$18）小食即點即炸，怕熱氣放左一陣先食，細細粒但包滿芝士，入口芝味香濃，仲可以拉絲！✨蟹籽沙律 （$25）食完燒肉，想食點沙律清腸胃，新鮮生菜加入大量麻醬，碗面再鋪滿蟹籽，清甜爽脆，正！✨忌廉蟹肉薯餅 2 件 （$18）都幾