王家沙 (已結業)

去旺角新世紀揾食，食得太多西餐，韓餐，日本餐，忽然好想食上海菜，決定去王家沙。餐廳好大，位子又舒適，晤擔心沒位呀。首先食，冷盤三絲粉皮，有火腿，青瓜，雞絲，但麻醬落得太重手，味道被蓋住了。擔擔面，湯底有粒粒花生香，太濃郁。面條好食，不會因湯泡軟而淋爛了，有辣和不辣可供選擇。話梅排骨，好好味，份量又多，甜甜酸酸好開胃。家鄉炒年糕勁中意食上海年糕的我，啱哂我味，片片年糕伴肉絲及韮黃及菇絲。蟹粉小籠包皮薄餡料多，湯汁好易爆出，濃郁的蟹黃及肉汁精華。王家沙牛肉餅外表酥餅香脆，口感紮實，包裹許多洋蔥絲伴牛肉，美味。

多年前試過已經愛上王家沙嘅蟹粉小籠包～～今次嚟到旺角分店，水準依然幾好。8點半到，唔需要等位，太好啦。先食「蟹粉小籠包」，咁多年依然都我最愛，必食嘅～～皮又薄，又勁多汁，最重要啲肉係好香蟹粉味，真係食多幾籠都得呀～上海話梅骨，肉都幾彈牙，最重要啲汁係好正，甜甜酸酸，全部汁好平均咁沾上去，真係太美味～～記得試埋粒話梅～～真係好酸甜～正呀甜粢飯～～我以前食咸的，係勁正，糯米勁好咬感，入面啲肉鬆好好味。但呢個甜就一般了，入面太少了。下次都係食返咸～～炒年糕，都可以，每一塊都會有味，炒得好平均，不過味道就般，好似出食到嘅差不多。～～～擔擔麵，唔會好濃，啲湯底係幾正，不過我叫左唔辣，朋友話擔擔麵微辣先好味～～所以大家要試辣呀～～～價錢唔貴蟹粉小籠包都係$55下次我會叫兩籠

今晚我們去咗旺角新世紀廣場嘅「王家沙」食晚飯！我們叫咗瑤柱賽螃蟹、韭黃炒鱔糊、鮮菜肉包、京蔥爆羊肉「配薄餅」、家鄉炒年糕、菠蘿咕嚕肉、上海粗炒、咸肉津白、龍井茶皇BB鴿、高力豆沙球、豆沙窩餅同桂花酒釀珍珠丸子！瑤柱賽螃蟹嘅蛋白都算嫩滑，但味道比較淡！韭黃炒鱔糊，鱔嘅肉質好嫩滑彈牙，醬汁相當惹味，可惜份量就比較少！鮮菜肉包嘅包質都幾鬆軟！家鄉炒年糕嘅年糕都幾煙韌彈牙！上海粗炒嘅麵質都幾爽口，醬汁嘅味道好濃郁！咸肉津白嘅味道比較清淡，津白亦腍咗少少！龍井茶皇BB鴿嘅皮唔算太脆，肉質都算嫩滑！高力豆沙球係即叫即做，外脆內軟，口感好軟綿綿，豆沙亦好香甜！係本人嘅必食推介！豆沙窩餅嘅外層好香脆，唔會好油膩，豆沙亦好香甜軟滑！桂花酒釀珍珠丸子嘅珍珠丸子好煙韌彈牙！