心夜來潮 (已易手) 新餐廳

又去荃灣探朋友兼飯聚, 雖知道呢區食店何其多, 比美旺角, 係唔知食咩好時途經呢間新式潮菜店, 我地不約而同大家對望了一眼就行入去, 點解咁老定? 事關早已係佢既旺角店開過餐!以印有店名既新式膠餐具侍客餐牌提供食物由小食, 海鮮類, 主菜, 炒飯/粉, 主要走平民化路線, 名貴既凍蟹, 螺片呢度唔會搵到!重口味友人率先點左呢碟香辣魚仔炒蟶子 ($84/2隻), 蟶子肉已預先起出, 一夾就食到, 好方便, 肉質爽甜, 但食到少少沙粒, 以大量洋䓤, 青紅椒配製而成既豉椒汁, 味道十分惹味, 用黎送啤酒就最岩數!食完D濃味野, 又係時候以呢個勝瓜鮮甜白蜆湯 ($88)沖淡一下味蕾, 材料包括勝瓜, 白蜆及粉絲, 白蜆數量仲多個勝瓜, 蜆肉雖細隻但食起黎無沙, 個湯底味道確實比較淡口, 與上一碟炒蟶子形成強烈對比!無需入長洲都有大魚蛋食, 仲要係超巨型, 呢粒巨型脆香手打魚蛋 ($34), 炸完後再切成片塊, 食落口感帶點煙韌, 點D酸辣醬汁食都唔錯再加埋呢碟家鄉路邊炒米粉 ($68), 以香菇, 蝦米, 洋䓤, 蛋皮絲, 肉粒一齊炒, 米粉口感食落幼滑, 炒得算乾身又唔算油膩, 材料雖簡單

總算揾到一間未被本地荼化的潮汕菜，味道較濃、款式多樣化，份量比較少、都係汕頭菜的特色。經朋友推介去了心夜來潮一聚，三坡坊確實難揾一行8人等了10分鐘可以入座，眼見餐牌內大部分餸都係30-40蚊，的確低食，所以不由自主地點了十多個小菜，味道確實做到汕頭菜的風味，值得一再推介最後每人百一蚊找數，低食到暈