FAMA (已結業)

跟住大埔人搵食，今日走到工廈既Cafe，一入餐廳可以先搵位，坐好、揀好食咩、就出返門口order， 少少快餐形式，之後食完都記住執返好張枱先走。但食物好食，環境舒適就夠晒😌單睇環境，因為係工廈入面，地方好大，唔洗好迫咁坐，等疫情過後，好合適一大班朋友聚會。而且重有漫畫、board game俾客人自己拎黎睇同玩，佢d漫畫有幽遊白書、漂流教室等等，好有回到童年🫢「富士山下西多士」係雪糕西多士，先講西多士，有返一定厚度，中間搽有花生醬，新鮮炸出黎熱辣辣好挺身，唔會淋咗，再加埋凍冰冰既雲呢拿雪糕，已經可以唔需要糖漿或者煉奶。「瑞士雞翼拼薯條」呢個就正常發揮，唯一就係好大份…足足8隻雞翼，煮得啱啱好，入味但又唔會煮到爛晒。「蒜香軟殼蟹意粉」意粉煮得啱啱好，有口感唔會太堅或太淋，應該係用橄欖油炒香，唔鍾意好汁既就啱，軟殼蟹有肉地，少少脆身！我個人最鍾意會係呢個意粉。另外叫左兩杯梳打，一個係荔枝爆珠，另一個係西柚，兩個黎講我會偏好荔枝，但我會走爆珠 >o<

—環境好耐之前見到人哋分享FAMA 已經好想試，加埋自己本身又係大埔友，難得得閒就約咗朋友仔去，嚟到幾驚喜係空間真係好大，餐桌擺位都幾多元化，有梳化配矮枱近窗邊有高嘅木枱，好闊而且照到日光好舒適，影相都靚啲﹗—特色喜歡你全日早餐我哋今次咩都叫啲，食全日早餐，炒蛋、蕃茄、南瓜薯餅，賣相同份量都整體唔錯，個人就覺得南瓜薯餅味道可以做得更好～ 富士山下西多士（ 小編推介﹗⭐）估唔到西多士係咁多樣入面最驚艷嘅﹗我平時都鍾意食肥仔嘢，但呢個冰火溝埋嘅口感，冰凍Creamy嘅雪糕配香口嘅厚西多，裡面仲幾重花生醬﹗超好食﹗我會畀110分﹗🥰🤩巴馬火腿10吋 Pizza 呢個Pizza 睇賣相就知道行超薄脆路線，佢真係做到唔會油，好薄，不過我自己鍾意酥軟少少嘅pizza，如果大家鍾意脆卜卜嘅口感就啱你﹗黑牛 （小編推介﹗）雖然佢嘅製作同材料都好簡單，就係朱古力雪糕加可樂，但平時市面上比較少見呢款飲品，而且呢到嘅朱古力雪糕都好食﹗泡沫咖啡泡沫咖啡有簡單拉花，味道中性唔會太澀，容易入口帶咖啡甘香，咖啡水平都可以﹗

難得長假期前，約到仔仔的好朋友一齊去玩，揾咗好耐，最終決定黎FAMA,又可以食下嘢，小朋友又有嘢玩，媽媽們就可以輕鬆咁傾下計。FAMA 係太和運動場附近，由火車站行過去大約10分鐘，十分方便易揾。上到去就見到幾個打卡位，最岩我地一齊影相留念。食物方面，所有食物都係即叫即製，十分好食。FAMA 入面提供好多桌上遊戲俾客人租借，仲有3部夾公仔機，小朋友見到就最開心，FAMA 有得食，又有得玩，仲可以夾到公仔先走，小朋友開心死。

夜晚嚟工業區搵食，係遠離塵囂嘅好渠道，但諗都冇諗過冇雷公咁遠嘅大埔工業區都有樓上餐廳，地方幾大，自助形式，仲有board game玩𠻹見呢度嘅人好多都嗌包點，大胃就嗌吓佢地嘅牛漢堡漢堡扒激厚，又夠juicy，芝士黐住菠蘿，剛好中和膩感全日早餐點呃like法？上面包咗咁多款嘢食，又三文魚又牛角包又黑松露炒蛋又番茄又盛，樣樣都幾足料吓㗎跟餐有麵包同羅宋湯送，麵包大大隻仲烘到暖笠笠，搽牛油即溶羅宋湯甜酸平衡，又夠暖胃見menu用Mirror啲歌詞介紹小食，睇嚟老細係鏡粉大胃揀咗西多士，拼雪糕真係唔常見而且超厚身，切落花生醬味湧出嚟佢地嘅梳打雖然色彩繽紛，又好IGable但其實一啲都唔死甜，拿捏得宜

位於大埔工廈入面嘅依間cafe環境好舒服，可以望到山景仲有啲小清新嘅室內佈置。cafe係採用自助形式，去到自己揀位再去收銀order同拎野食，好多學生上黎傾計溫書做野。見個名幾得意就嗌左依份富士山下西多士，結果係好驚喜！好耐冇食過咁好味嘅西多，外面炸得好香，入面夾左半流心嘅足料花生醬，再加上一大球雲呢拿雪糕同糖漿，好邪惡但啱晒鍾意食甜野嘅人～牛肉漢堡入面嘅黑松露炒蛋好香，同芝士好夾，成個包份量偏大，不過今次牛肉煎得有啲熟，咬落去比較實，唔係就perfect喇！