佳佳甜品

營業中

休息中

米芝蓮指南街頭推介小食—佳佳甜品好似好勁就去試吓，去到好多人排隊嚇親我，其實都係啲傳統中式甜品無諗過會有咁多人排隊，可能佢係米芝蓮推介所以吸引啲人來食！我等咗大概半個鐘到就入到去啦！環境地方都乾淨，人流太多需要搭枱點咗出名嘅芝麻糊 + 芝麻湯圓仲有寧波薑汁湯圓，薑味好濃夠重夠辣，見到湯底比較濃，都知足料！係比出面普通一般甜品舖好食，但如果每次都要等咁耐先至食到，我唔會願意等！😂

呢晚同朋友食完飯之後 就去咗位於佐敦呢間米芝蓮必比登榜上有名嘅港式糖水店 店員親切 店內環境舒服 枱同枱之間唔會好逼 碗同餐具都好傳統☺️ 🥣紅豆沙 拼 糯米麥米粥(凍) 💰25最多配料嘅一款 兩款雙拼但都唔洗加錢👍🏻蓮子紅豆花生麥米 口感豐富 🥣白果薏米腐竹(凍) 💰27薏米口感幾彈牙 但份量唔多 比較稀同偏甜 🥣鵪鶉蛋燉雪耳(凍) 💰25可能因為食咗濃味嘅湯圓先 所以呢個比較淡冇乜味 感覺似係飲緊甜嘅糖水 🥣核桃糊(熱) 💰28幾香滑 但食多幾啖就會滯咗 (可能因為我哋上一餐食完仲未消化🤭) 🥣寧波薑汁湯圓(熱) 💰25薑汁好重薑味 辣辣哋食落好舒服 一碗有八粒芝麻餡湯圓 皮薄軟腍😋

我忽然間發現我自己，每次去到「佐敦」「寧波街」光顧中式甜品店「佳佳甜品」的時候，都是指定了享用幾款甜品，包括擁有辣味「薑汁」湯底的「寧波薑汁湯圓」，以及味道非常甜的「芝麻糊」在內。今次我再次光顧「佳佳甜品」，結果還是又選擇了享用「寧波薑汁湯圓」和「芝麻糊」，除此之外，今次選擇享用的糖水甜品，跟上次有點不同。因為我今次選擇了享用「核桃露」，上次我光顧「佳佳甜品」的時候，則選擇了享用「杏仁露」。「杏仁露」味道雖然也很甜，但是始終在所難免從「杏仁」裡面，食到「杏仁」獨有的氣味。相反地「核桃露」就沒有「杏仁露」裡有氣味，相反地，「核桃露」實際製成品裡面的甜味比起「杏仁露」，更加是有過之而無不及。至於「芝麻糊」實際製成品裡面的甜味，給我感覺就更加強烈。我每試食一啖「芝麻糊」，都從「芝麻糊」裡面，食到非常濃厚的「芝麻」香味以及甜味。而且我發現自己其實頗為喜歡「佳佳甜品」廚房磨出來的甜品「核桃露」和「芝麻糊」，實際口感都被「佳佳甜品」廚房磨到變得非常滑，沒有食到明顯的碎粒。至於「寧波薑汁湯圓」就更加是我一向的至愛，就連「湯圓」裡面餡料，我也指定要吃擁有濃厚甜味的「芝麻」。我每次享用「佳佳甜品」的「湯

食完晚飯，當然係要去食糖水喇，在佐敦附近，講起食中式糖水，相信最出名都應該係呢間啦，佳佳甜品，連續三年攞咗米芝蓮推介食肆，每次經過都大排長龍，今日食完飯行過去，當然都唔例外啦，由街頭排到街尾，我同朋友排咗大約10分鐘就有位了。我每次嚟食都係食呢個，1️⃣白果腐竹薏米糖水（$22）- 佢唔算太甜而且有陣陣腐竹香味，白果嘅份量亦唔小，我個人來講超級鍾意。而朋友，就點左2️⃣芝麻糊（$22）- 識落芝麻糊相當細滑，應該係生磨黑芝麻，唔係開粉。好味😋另外，還點了一個3️⃣寧波薑汁湯圓（$22）- 湯圓內係滿滿嘅黑芝麻，非常之香，湯圓皮十分煙韌。總括而言，佳佳甜品嘅所有糖水都唔會太甜，非常合付健康原則。👍🏻

相信大家對位於佐敦既佳佳甜品一啲都唔陌生，係佢咁多樣糖水當中我最鐘意食佢個薑汁湯丸。首先係佢個薑汁湯，碗糖水一黎到已經好香薑味，但係一飲落去就勁辣！薑汁濃厚，又辣又香係好正！（女生當養生飲都岩，可驅寒）😉 其次就係湯丸，真皮薄餡靚👍🏻皮好煙韌，芝麻餡好香，甜得黎係清唔會好膩。HK$20一碗黎講CP值高。一試就愛上變成賣飛佛😋不過值得一提既係，如果夜晚6點前去就唔洗排隊，有次夜晚9點幾去都要排4-5個宇..

從小到大，除了媽媽精心炮製的腐竹蛋西米糖水以外，我對別的中式糖水也不太感興趣。這天晚上，跟寶寶在油麻地吃過晚飯後，回想起寶寶的朋友極力推介過這家中式甜品價廉物美，於是我們就來吃甜點了！舖子看起來通明乾淨，空間不算小，有兩層，桌子一般是供5-6人坐的，因此我們兩個人來，是一定要搭枱啦～看見對面啊姨正在津津有味的吃薑汁湯圓，我也點了這個。很便宜喔，才20元！薑汁很濃郁很暖胃，裡面還有小薑粒，冬天吃一定非常暖和。芝麻湯丸外皮很黏靱，口感很好，就是裡面的芝麻餡料有點不夠多，不夠滿足🙈 可$20的水平來說，我覺得是很值的。寶寶就點了杏仁露寶寶說這杏仁露香滑濃郁，挺真材實料的。最後結帳，才$42。比我在尖沙咀吃個午飯還要便宜

每次行經佐敦總會掛住佳佳甜品店，無論任何天氣同時節去佳佳食個靚靚糖水滋潤一下。中式傳統甜水，博大精深很多醫療用途 。例如紅豆沙可補血， 綠豆沙可以清熱潤肺， 冰糖雪耳燉木瓜可以滋陰美容， 芝麻糊可以調理腸道，等等。。。。嚟到佳佳甜品梗係要食寧波薑汁湯圓 薑汁味濃而不辣， 湯圓皮薄芝麻蓉香 不太甜同膩的感覺也沒有。 所有嘅糖水都好足材料，味道同水準都保持得好好。 新鋪環境坐得舒適， 衛生環境不錯，而且亦不會刻意都趕人走。

聽聞是間有米芝蓮的糖水店，雖然食之前唔知，食下有幾好先。兩款糖水都十分香，芝麻同杏仁細滑，但有一個問題，就是有點稀的感覺，可能小弟食慣“杰”的，所以雖然味道幾好但口感麻麻。當然這是小弟個人喜好問題啦。超重薑味的湯圓，喜歡薑的朋友一定喜歡，冬天食絕對是驅寒的首選，而且一口湯圓剛剛好，但是，小弟唔喜歡薑汁湯圓，但這是朋友們一人一粒，所以無所謂啦。人多，有米芝蓮，唔一定適合個人口味，所以搵食是十分主觀，好食與否也是一樣。

感冒咳嗽持續逾月,期間必需戒凍品戒甜戒生果,只是愈不能吃愈想吃,當情況開始好轉,即時以佳佳勁薑蕃薯糖水為甜胃開齋。因米豬蓮而遭加租要搬至新店地址的佳佳甜品,基本上由早至晚也是客似雲來,幸好無論單獨前來或有伴同行,在此找個座位也不算太困難。一踏進店裡,中式甜品店特有的甜甜氣味已教人胃口大開,雖然店員大都忙著送餐或寫單,不過仍以有禮態度對待,誰會想到吃碗糖水也有一句"請慢用!"來招呼??為其而來的勁薑蕃薯糖水($18),橙色蕃薯早已煲至碎開,無筋無渣的蕃薯口感鬆化,蕃薯香也相當夠重,可算是靚蕃薯也。混濁得看不透的薑湯飄來陣陣薑香,先來一口未感覺到其強度,轉瞬喉頭慢慢地熱起來,勁薑果然不是浪得虛名!!因咳嗽不舒適的喉嚨因而也舒服好多!! 另一次重臨改選另一款薑味甜品--寧波薑汁湯圓($18),在藍色古式碗裡的湯圓像七星伴月很有圖型,小湯圓個子小小的,軟糯外皮薄而不破,入口滑溜不已,黑芝麻餡做得幼滑充滿芝麻香,甜度也相當適中。同是薑湯卻不及蕃薯糖水般有勁道,相對沒那麼辣勁的薑湯其實已比一般甜品店夠薑得多,吃罷之後喉頭也同樣的舒適。吃過兩款薑味糖水後只能說句:佳佳,你真係好薑!

從網上看到慕名而來的~第一次試~可能是剛剛搬了新舖，人手唔係太夠，有地下同上層，都算幾多位，我地坐左樓上~~等左陣就有人上黎統一落單，可見人手多缺~ 最後仲外帶左盒生湯圓回去