小曼谷泰國美食站

營業中

休息中

誰會想到隱藏在地下的泰菜 會有LIVE MUSIC主唱人的講話聲音更有像是從電台音樂節目走出來（好磁性🧲✨泰皇咖哩青口* $38$38 也真的太佛心了吧～還不是隨便兩三塊青口呢隨便兜一下 就一塊青口 而青口肉還不是小塊的說～（重點是他們的泰皇咖哩 真的很濃 小稠 也沒很辣（其他的小吃、炒飯 我們都偷偷用泰皇咖哩來配 都很撘🤫（當然也不要忘了點薄餅來配啦😋✨泰國熱爆火山骨* $38相信常去泰國🇹🇭的 對於火山骨也一定不陌生～吃一條大大的骨頭🦴旁邊的肉 可是自己有去過泰國吃 但好難啃到肉會滿臉都是 還偏辣😬要變到真正的泰妹 也真的不簡單呢～～不過在香港的小曼谷 就不要怕啦（自己還喝了一口火山骨的湯～小刺的辣其實不沾湯或不要咬到辣椒籽 就完全不用怕而且骨上肉真的好容易咬 可以直接把整條肉咬出來 啖啖肉肉們不是走軟嫩路線 反而有像媽媽👩煮湯的湯肉一樣 偏嚡但又易咬✨串燒拼盤B $136參考圖片 就感覺很單薄 沒個只有一小串可是來了以後就覺得 嗯。。。會不會吃不光🤣雞全翼笑死😆真的不止有燒雞翼 還有雞鎚～兩個肉都易咬 實在 不乾不柴～地道燒臘腸這有趣😂有像我們平日吃到的豬肉乾 但是更濕潤點的那種

去完金鐘睇鴨仔想食泰菜就諗起呢間之前同同事聚餐食過都唔錯～今次2個人 冇嗌到咁多野食不過啲野食都keep到水準 ～好味🤤叫咗4樣嘢食柚子沙律🥗清新少少微辣 開胃一流串燒中等肉質唔算好juicy 但醬汁唔錯冬蔭功湯2個人飲 ～每人飲到2碗左右仲有幾隻蝦🤩係飲到尾有少少咸 最後小曼谷炒飯好大碟～都幾多料食落乾爽有咬口不過真係大碟得濟食唔晒呀整體來講 食物中上價錢合理 但一大班人食會開心啲下次嚟開銅鑼灣想食泰菜都可以再食呢間～

講真泰國野，我食唔少，但「小曼谷泰國美食站」我諗係我食過咁多次我仍然仲有衝動繼續去，如果話每個人有心目中既飯堂，呢間必定係我其中一間，起碼果刻我想食泰國野，我都會諗起佢，可能係親切感？抑或食開有感情？我諗答案好簡單，就係好食囉。👇📌飯 類 - ▪️ 小 曼 谷 炒 飯 - $138▫️ 黎得呢到一定要嗌一個招牌「小曼谷炒飯」，其實佢係個蛋包飯黎，介開裡面一次過食到蟹柳、札肉、豬頸肉、蝦，非常足料。而蛋皮夠哂薄身，口感滑溜，飯身亦夠乾身，粒粒分明，幾好食。▪️ 小 曼 谷 海 南 雞 飯 - $118 ▫️ 另一道又係我最愛既「小曼谷海南雞飯」，雞肉上枱已經去哂骨，啖啖肉肉質嫩滑，岩哂我呢d懶鬼，點埋泰式辣醬，風味十足；雞油飯就咁聞非常香濃，仲有個雞湯有大量蔥花，清香入味。📌炒 河 類 -▪️ 香 葉 辣 椒 雞 肉 炒 河 - $108 ▫️ 最後叫多左個「香葉辣椒雞肉炒河」，一上枱新鮮滾熱辣，完全睇得出大廚功架，事關炒得非常乾身，雞肉亦夠滑溜，辣度岩岩好，份量又夠多，我同朋友差d食唔哂，呢個價錢絕對抵比。

約了朋友到銅鑼灣，我們隨意揀了這間餐廳，種類有好多基本泰國菜都有，而且幾抵食小曼谷炒飯入面有好多唔同嘅料本身仲以為佢個蛋剩係得上面有，點知包住成個飯！入面有蟹柳扎肉蝦蛋絲，味道不會好濃泰式豬頸肉份量好足夠，我哋五個人食一人都分到好多，雖然端上來不是太熱，個燒汁辣汁唔係好食到辣嘅人都食到。泰式蝦餅建議依個再多啲人先叫，一人食半件或者一件就好夠，蝦餅多彈牙，要飽肚嘅炸物都可以揀佢蒜蓉包上面真係好多蒜蓉，建議鍾意多蒜蓉嘅人先揀，建議趁熱食，放得耐了蒜蓉包會冧左黃咖喱雞佢個汁好多建議叫飯或者蒜蓉包或者餡餅，唔好浪費咗個汁，咖喱入邊已雞同薯仔為主，但份量都唔係好多

呢間唔少人推介既良心泰國菜🫶🏻閒日晚市七點到已經好爆，八點都可能要等一陣仔位😨入到去採用QR Code落單，方便快捷，另外要讚侍應同貌似老闆娘親切友善🫣▪️ 泰式炸蝦餅（7.5/10）💲87/3件 (小)炸粉唔會話好厚身，外皮炸到呈金黃色，入口香脆，而且蝦漿彈牙，配上泰式酸辣醬，再多啲醬就正😋▪️ 泰式鹹魚炒椰菜苗 （7.5/10）💲95本身見有鹹魚既關係，自身帶有鹹香，所以就揀左少鹹少油，感覺健康少少😌出到黎鹹度恰好，而且炒得夠嫩唔會過左火位▪️ 小曼谷炒飯（7.5/10）💲111一大塊既煎蛋包裹住足料炒飯，有切粒既蟹柳、札肉、豬頸肉同埋蝦，而且飯底炒得乾身粒粒分明，調味亦唔會過重🥘▪️ 椰皇沙冰 （8/10）💲39飲落好香濃，沙冰磨得幼細綿密，當中有頗多椰絲，同埋磨碎左既椰皇肉，增添唔少口感，甜度適中，整體清新解渴😚下次想試埋佢個芒果或者榴槤沙冰🔎 整體評分（7.5/10）

今次係外賣呢間人氣泰國菜開放堂食後嘅平日夜晚佢係爆滿 👏🏻另外不得不提佢嘅外賣包得好好所有湯類都額外加保鮮紙 好貼心 加分👍🏿五星蒜香炸雞 (半隻) $128 🙆🏿‍♀️呢個係餐廳嘅新菜式所以叫咗半隻嚟試吓估唔到都有3大嚿雞 再配一堆泰式蝦片一打開個已經好重蒜香味😌炸雞外脆內嫩 再點埋泰式辣醬 無得頂而蝦片塊塊都卜卜脆 推👍🏿冬蔭公湯 (S) $144 🙆🏿‍♀️大推呢個👍🏿👍🏿👍🏿 不得了！！！佢個冬陰公湯酸酸辣辣作為開胃既頭盤真係一流😍虎蝦夠晒大隻 再加上秀珍菇索晒冬陰功嘅精華就算飲到我地滿頭大汗都欲罷不能 會想繼續飲到尾🤤注意⚠️ 飲落其實都頗為辣 唔食得辣既朋友就量力而為啦😆小曼谷炒飯 $113 🙆🏿‍♀️佢用嘅係蛋包飯 睇得出用咁好多隻蛋好鬼厚 小妹超like食炒蛋 所以成件事好吸引入面嘅料包括蟹柳 扎肉 豬頸肉 蝦 同車厘茄好豐富 而且份量好多建議大家叫埋咖哩撈嚟食😋青咖哩豬頸肉 $110 🙆🏿‍♀️因為係外賣返屋企食嘅關係所以叫咗青咖喱🌶首先佢嘅汁好多 而且都夠辣 (比冬陰功冇咁辣)好鬼正 再撈埋啲飯食 無得頂！同埋有超多玉豆同豬頸肉條😍2樣都有啲掛汁豬肉沙嗲串燒 $24 💁🏿‍♀️

今日同朋友兩個人來吃小曼谷，6點鐘到開始食，一開始食果陣都唔算多人，點知走果陣全場爆滿~ 十分旺場。我地兩個人嗌左：冬蔭公湯 - 超濃郁、好夠味！夠辣，嘗辣者會鐘意！咖哩軟殼蟹加農夫包 - 兩個人食其實夠曬，好食，早知唔使加個炒飯～小曼谷炒飯 - 蛋包飯入面有蟹柳、豬頸肉、蝦，足料兼好大份，食到好飽～燒豬頸肉 - 啖啖爽肉，而且好大塊今次兩個人食真係嗌多左，攞個外賣盒pack返去慢慢食。味道十分不錯，兼且地點係正銅鑼灣世貿隔離咁方便，一定會再黎食～

🦪牛油蒜蓉燒扇貝$128好味指數：👍🏻👍🏻👍🏻👍🏻👍🏻 超大隻嘅扇貝，有超多牛油喺表面，配料仲有香脆嘅白飯魚仔。一咬落去扇貝嘅鮮味洶湧而出，口感非常大牙，加上香脆嘅魚仔帶出鮮味。🍲小曼谷炒飯$108好味指數：👍🏻👍🏻👍🏻👍🏻👍🏻 賣相非常吸引，用咗蛋包飯嘅形式呈現。炒飯嘅調味主要係咖喱味，材料會有蟹柳、豬肉、菜框和大蝦，呢啲嘅材料都令到炒飯非常有鮮味，配合左香濃嘅咖喱味，令人上癮。最重要係出面嘅蛋皮都超香，令小編呢啲雞蛋愛好者一試迷上。🍮椰汁西米糕拼泰式千層糕$49好味指數：👍🏻👍🏻👍🏻👍🏻👍🏻 千層糕嘅口感非常煙銀，亦都有好香濃嘅椰汁味。好鍾意椰汁甜品嘅朋友一定要試吓。🥥椰青$43 x2好味指數：👍🏻👍🏻👍🏻👍🏻👍🏻 椰青水超級清甜，非常解油膩，啱晒食完香濃菜式嘅你。而且椰青肉都非常嫩滑，用匙羹一刮就出嚟。🪑環境適合一至四人入座，大多數係卡位比較多。💓呢間鋪每次嚟到到有一個好重要嘅感受，就係佢店員嘅服務態度非常好👍🏻以下係餐牌俾大家參考一下：

小曼谷可算是九龍城泰國菜的代表之首，如今港九新界亦有小曼谷的蹤影，雖然不太確定小曼谷海鮮燒烤屋、小曼谷泰國美食及小曼谷泰國美食站之間的實際關係，但曾經去過不同小曼谷，始終覺得有一定保證。小曼谷泰國美食站是港島區唯一一間小曼谷，裝潢比較摩登型格，與本店顯然走不一樣的路線，而且應該更不時會有現場音樂表演。青咖哩豬頸肉 ($98)青咖哩以青辣椒炮製所以一般會比黃咖哩或紅咖哩辣度更高，香辣濃稠而且加入椰漿較為溫和醇厚，豬頸肉本身更預先經過燒製而非單純烚煮所以特別香口。辣椒膏炒海鮮 ($248)青口、炸虎蝦、蜆及魷魚炒得入味，肉質不算相當鮮美勝在包羅萬有。小曼谷炒飯 ($108)這款炒飯之前已經在其他分店吃過多次，薄薄一層煎蛋皮中包住富陣陣咖哩香，而且更有豬頸肉、扎肉、蝦及蟹柳相當豐富。極上燒安格斯西冷牛小排 ($238)牛小排同樣是每次必點的菜式之一，但水準有點飄忽不定，以往一般都肥美多汁，油脂豐富，不過這次略為過熟令肉質稍韌。椰皇沙冰 ($37)當初以為椰皇沙冰會以椰皇——椰青水製成，出乎意外地是椰汁沙冰，但椰香十足同樣合我心意。