八沢 (筲箕灣東大街)

營業中

休息中

係時候係個list到摷返啲倉底貨出黎(′ʘ⌄ʘ‵)黎到筲箕灣 除左東大街 我都唔知仲可以係邊度食嘢整體係好食既只係覺得份量可以慷慨啲因為食完我地仲有位去食雞蛋仔 (⊙ꇴ⊙)還是我大食！？🔻黑松露忌廉海鮮烏冬🔺香噴噴～忍唔住試啖湯，忌廉香濃奶味十足！！口感順滑，濃而不膩勁抵讚👍🏻不自覺飲左幾啖湯，黑松露夠霸道，少少已經叫人齒頰留香🤤三文魚份量算多唔會過老，保持到鮮嫩，兩粒帆立貝都好食，烏冬聽聞係手打，難怪滑嘟嘟，彈牙得黎唔會好似讚岐烏冬咁有口感，呢個煙韌度我鍾意！邪惡配搭無得輸❤️🔺小桶生薑玉子鯛魚腩飯🔻飯桶上以為勁熱，又唔係喎🤣食落口陣陣薑絲味，幾驚喜幾鍾意！鯛魚腩唔腥而且幾肥美，面頭醬汁好足夠，甜甜地同鰻魚燒汁好似，唔知以為食緊鰻魚飯😋不得不讚下堆玉子，半熟狀態有啲蛋汁，撈飯一流，的確加分不少😝💵用QRcode落單，版本簡單清晰👍🏻服務都好殷勤有禮🇯🇵店舖空間唔大，燈光微暗，無論內部裝潢或門外都偏向日式風格⏳假日午餐無限時🗺銅鑼灣、杏花邨、將軍澳都有分店

筲箕灣東大街係美食嘅集中地，全條街都係食肆，經過見到一間特別吸睛的日本餐廳【八沢】，門外裝飾裝飾擺設很有特色，室內環境頗有情調，燈光微暗，地方不大，但座位寬敞舒適，落單是用手機掃瞄單據的QR CODE，方便又快捷。餐牌選擇很多，我比較相信數據，所以選擇了連續五年銷量第一位的《黑松露忌廉海鮮烏冬》$88，朋友點了小桶山薑玉子鯛魚腩飯$98，點了一款小食，明太子雞翼(3隻)$45，沒有加一服務費，人均消費$115，仲奉送自家製熱飲，真係抵食又好食！黑松露忌廉海鮮烏冬$88，忌廉味道超濃，烏冬入味但保持彈牙口感，沒有被湯浸腍，帶子超大隻，三文魚和黑松露份量也十分慷慨，聞說這道菜式昰店主自家創作，有創意兼有誠意，值得推薦！小桶生薑玉子鯛魚腩飯$98，鯛魚好鮮味，又腍又滑，配埋醬汁甜甜地，好好味。明太子雞翼$45，又香又惹味，少少辣，仲要無骨啖啖肉，！跟餐奉送自家製熱飲，充滿荔枝香味，甜度適中，有驚喜！餐廳整體質素都很好，交通又方便，上餐快，食品質素高，服務幾好，價錢合理。