湖南味館

營業中

休息中

以往喺大陸都有食過湖南菜，不嬲都鍾意食辣，今次就試吓大陸朋友推介嘅呢一間。味道相同正宗湖南菜都算好相似，我覺得香港人來講就辣咗少少（除非你本身食開辣）！我哋一共叫咗三個餸，一個剁椒魚頭、一個小炒王牛肉、一個手撕包菜。剁椒魚頭上面係有剁椒同埋泡椒，魚頭嚟講都算幾大歌，個魚雲都OK新鮮，如果佢魚肉嘅部份可以多多少少就更好啦。小炒王牛肉來講，黃牛肉嘅牛肉味就差少少啦，但係味道來講都算唔錯。手撕包菜火候好好，但係就炒得濕咗少少，但同大陸食開嘅手撕包菜來講都算係九成九似。如果有大陸朋友喺度，都可以帶佢哋嚟食下嘅，全場都差唔多坐滿，大約八成都係大陸同胞我諗咁樣都係算正宗嘅！