影片
更多
2020-06-21
198 瀏覽
適逢今日係父親節，又係一個星期日，本身諗住同男朋友撐枱腳，最後都係決定同佢屋企人食，於是我哋一行四人，就決定去呢個龍門一番試吓啦！見喺屋企樓下都開咗一段時間，之前又有試過佢個下午茶，果次覺得好正架！又平又抵食，個小籠包又唔錯，今次過黎試多次晚市！7:30去到攞飛，8點15分左右有得入座～我哋叫咗小籠包，胡椒餅，牛肉包，松子黃魚，椰菜回鍋肉，手撕雞冷麵同埋兩個酸辣湯。小籠包不錯👍🏻啱啱蒸起， 啲皮可以再薄啲不過餡幾好食😋湯汁都啱啱好 胡椒餅 就係炸饅頭入邊擺啲胡椒肉餡，胡椒味唔夠，但係口感酥脆，同埋成個味都幾好食，芝麻再多啲香啲會好啲。牛肉包 入邊啲牛肉完全係太少，同我第一次食一樣，上次過嚟係下午茶，諗住少啲都算。今次又係咁，相比起胡椒餅完全冇乜看頭，個包食咗一半就算😆佢啲牛肉太少 又冇胡椒餅咁香口！松子魚 係我最鍾意食嘅🙌🏻所以特登叫咗，啲粉比較厚，可能條魚太細都冇乜肉。個汁太甜唔夠酸，不過入邊啲魚肉算係滑，同埋冇乜骨！椰菜回鍋肉完全係超油膩 仲有好鹹！如果佢乾身啲會好啲囉。。。完全係油底！！我覺得唔好食不過男朋友屋企人覺得送飯OK⋯⋯手撕雞冷麵 完全係失敗之作！！佢嗰啲手撕雞又少，然
本身諗住同男朋友撐枱腳，最後都係決定同佢屋企人食，於是我哋一行四人，就決定去呢個龍門一番試吓啦！見喺屋企樓下都開咗一段時間，之前又有試過佢個下午茶，果次覺得好正架！又平又抵食，個小籠包又唔錯，今次過黎試多次晚市！
7:30去到攞飛，8點15分左右有得入座～
我哋叫咗小籠包，胡椒餅，牛肉包，松子黃魚，椰菜回鍋肉，手撕雞冷麵同埋兩個酸辣湯。
小籠包不錯👍🏻啱啱蒸起， 啲皮可以再薄啲不過餡幾好食😋湯汁都啱啱好
胡椒餅 就係炸饅頭入邊擺啲胡椒肉餡，胡椒味唔夠，但係口感酥脆，同埋成個味都幾好食，芝麻再多啲香啲會好啲。
牛肉包 入邊啲牛肉完全係太少，同我第一次食一樣，上次過嚟係下午茶，諗住少啲都算。今次又係咁，相比起胡椒餅完全冇乜看頭，個包食咗一半就算😆佢啲牛肉太少 又冇胡椒餅咁香口！
松子魚 係我最鍾意食嘅🙌🏻所以特登叫咗，啲粉比較厚，可能條魚太細都冇乜肉。個汁太甜唔夠酸，不過入邊啲魚肉算係滑，同埋冇乜骨！
椰菜回鍋肉完全係超油膩 仲有好鹹！
如果佢乾身啲會好啲囉。。。完全係油底！！我覺得唔好食不過男朋友屋企人覺得送飯OK⋯⋯
手撕雞冷麵 完全係失敗之作！！佢嗰啲手撕雞又少，然後送過嚟嘅時候係冇醬汁！本身以為佢漏咗個麻醬，特登問服務員攞，最後佢俾咗支辣椒仔我哋😂（？）超勁失望！完全覺得早知唔叫仲好！最後要擺落酸辣湯入邊當係湯麵食。。😭
酸辣湯不過不失啦，又唔夠酸又唔算太辣，勝在幾足料囉啲冬菇同埋肉絲！
松子黃魚
$198
6 瀏覽
0 讚好
0 留言
小籠包
$48
2 瀏覽
0 讚好
0 留言
椰菜回鍋肉
1 瀏覽
0 讚好
0 留言
胡椒餅
2 瀏覽
0 讚好
0 留言
張貼
