南小館Plus (已結業)

襯住限聚令還未收緊，同親友短聚都要嘅～ 中菜上海菜都係老人家鐘意食嘅，大家都唔想飲茶所以決定食上海菜！希慎廣場好多餐廳，記得南小館都幾好味所以再黎食 ！疫情下門外探熱就可以就座，餐廳內座位開揚而且寬敞，冇膠板相隔，我嘅坐位喺餐廳偏中間嘅位置，可能餐廳大嘅關係店員比較忙碌！食物上桌快！🍜老重慶擔擔麵 $48 : 湯頭好濃郁，麵幼細煮得剛好！麻辣味均勻配碎肉同花生碎好味！小籠大滿貫 $78 ： 5種唔同口味嘅小籠包，賣相一流，皮薄餡多！招牌生煎包 $48: 我最鐘意呢度嘅生煎包，包底部煎脆，包裡面仲有熱辣辣嘅湯汁！薺菜肉絲炒年糕 $78 ： 薺菜肉絲同年糕份量適中，年糕偏淋身 雞絲粉皮 $48 ： 太多麻醬！如果鐘意食醬嘅就啱哂！4個人埋單$400 真係快靚正之選！

話說港島有咩好野食？ 朋友call我上希慎食距隻豬🐷 啊～～ 係距介紹既一隻震騰騰豬仔🐽🐖 呢度叫南小館plus, 裝修開揚舒服，簡約得來有品味。坐低飲杯蕎麥茶，清香回甘。特色✨ 核桃包(只售28元!🤩🤩) -賣相特別，入邊有練奶，核桃粒，口感軟硬兼備，新菜色勁抵食！陳皮蝦🦐 -陳皮切條有d似九製陳皮，咸香，外邊炸到脆一脆，可以連殼一齊食，仲有冰糖甜味。小籠大滿貫 🥟-試左綠色，湯汁爆滿，肉質鮮滑，無得彈。❤️ 香辣干鍋雜菌🍄 -少少辣，多多惹味！ 最入味係菇，索曬d 味道精華！ 😍櫻桃🍒鵝肝 -低溫煮鵝肝做成一粒櫻桃狀，賣相十分精美！smooth and creamy, 配桑子食清一清喉嚨。家常炒麵 - 特別之處係用红麴粉，健康飲食👍🏻，好彩又無特別味道(多數驚健康野有草青味)。 芝芝桃桃 -Style類近著名飲品店，不同的是桃肉爽口，新鮮。✨✨✨重頭戲！！！✨✨✨眼訓豬🐷 椰汁奶凍 (HK $28 only) -超級可愛～～～ 震騰騰～～～(無錯，依隻就係朋友介紹隻豬仔 )雖然內心糾結左好耐，唔忍心食，但係味道真係好好！🤣🤣🤣 清甜又滿足☺️🤪😋

新式上海菜以前一向都喜歡吃南小館中菜的頭三位選擇都會是它😎依家它重新裝修 更搞搞新意思值得讚賞冰鎮咕嚕肉 🐷其中一碟據有噱頭的新菜式 同我最喜歡的用乾冰製造出煙霧的感覺味道仲惹味 酸酸甜甜 皮是脆脆的 令我食唔停口😋 招牌老壇酸菜魚🐟魚肉嫩滑 無腥味 唔太辣 開胃醒神 小龍大滿貫五隻色代表唔種口味由黑色右邊數起的 黑松露 蟹粉 原味 麻辣 帶子鮮肉 皮薄 又有創意 香辣干鍋蝦 🍤鑊氣十足 蝦肉入味紫淮山小炒紫色嘅淮山你又見過未呢？🤔健康營養指數爆燈 !!仲有萵筍 木耳 蓮藕搞到我都想自學整黎番屋企食甜品篇 🍰荷塘月色 鯉魚年糕又係用乾冰帶出效果啲魚 煙煙韌韌 口感好得意😛士多啤梨🍓焦糖 芒果🥭布甸都好好味🤩🤩好滑 飲品方面🥤仲推出左好多新嘅手搖飲品芝芝葡萄🍇 芝芝士多啤梨等大家要去到睇果排係出咩另外一提南小館重新推出左下午茶套餐下午3:15行到攰嘅話 可以黎試吓🥳

係希慎頂層原來有好好味既上海菜呀，其中尼3道菜令我最印象深刻小籠大滿貫🍲有5個口味5個唔同顏色，口味好創新，入面都有好多汁😋😋，我就覺得黑松露個款最好味冰鎮咕嚕肉🐷好特別，將煮好左熱辣辣既咕嚕肉放係冰上面，又暖又凍，口感好驚喜🤩🤩仲會有煙噴出嚟，好有仙氣招牌老壇酸菜魚🐟d魚唔腥又冇骨，酸菜味道啱啱好，亦都唔會太辣，怕辣既人都可以食到，最底有紫色既粗薯粉，口感煙韌👍🏻👍🏻另一款番茄魚都好好味，湯底好濃郁

銅鑼灣希慎嘅南小館Plus 最近推出左新派嘅上海菜呀！😋 話明係上海菜一定要試吓佢哋嘅🥟小籠大滿貫同埋🐟招牌老壇酸菜魚！幾道菜同甜品都有用到乾冰 好似冰鎮咕嚕肉咁 冰火交加咁好正 仲有得影相呃like添😍 小籠包每隻都係唔同顏色唔同味道嘅 可以試到傳統嘅上海菜又有啲新意咁 全部菜都好有gimmick又好味～ 不過其實最有驚喜嘅就係佢哋嘅芝士茶🧀😍😍 估唔到個奶蓋仲好飲過其他台式飲品鋪嘅 遲啲行街經過嘅話 一定一定會外買一杯😂