意廊

營業中

休息中

出色美味的酒店意菜 - 意廊想試這間位於沙田麗豪酒店地下的意廊已久，網上評價全讚住了沙田咁耐也無緣一試，難得友人是麗豪會員，全單有75折，終有機會試吓。環境舒適，有室內亦有室外向城門河的位，四人套餐$1,180包自助前菜沙律小食拼盤、意粉、主菜、甜品及啡茶，四個人根本無可能食得哂，我想絕對夠六個人享用。小食拼盤份量絕不少，炸魚柳、炸蟹餅、又有燒骨仲有雞翼，岩岩炸起美味白酒青口闊條麵，醬汁香濃麵條煙韌細緻，好四式芝士Pizza既香又脆36安士肉眼牛柳巨型得不得了，8成熟，如生多少少會更多肉汁更正。不得不提佢個自助沙律吧，選擇極多用料新鮮清新，岩哂我呢尐愛吃菜的人；老實講吃完小食拼盤我地四人已半飽，最後打包兩大袋回家，明天慳番！每人點多杯酒，75折後埋單$300個頭，美味抵吃，叫多兩個朋友一齊share更抵。呢度有樣野唔好就係點完菜，都未取完沙律15分鐘已全部食物出哂，來吃記住叫待應要逐樣上啊！

沙田食肆人滿之患多時，麗豪酒店內的餐廳是少數例外之一。酒店內的中餐泰菜早已品嚐，今回輪到意菜意廊。貴為酒店餐廳，內裡的舒適整潔度都不用擔心，簡單的西式咖啡室裝潢，配上一個半開放式的廚房，可邊進餐邊欣賞廚師們焗製薄餅。一行人四大一小，為免麻煩簡單點了一個四人套餐，可免費享用沙律吧，另含餐湯、小食、主菜主食三款、甜品及咖啡茶。自助沙律吧不算太大，有數款雜菜及約十款沙律配菜醬料提供，另有少量火腿鴨胸等供應。各食材普遍新鮮，可滿足基本所需。若餐廳能考慮追加一些海鮮冷盤當然會更吸引。四人份量的小食拼盤，內有黑椒蜜糖雞翼、香脆蟹肉餅、傳統炸手指魚配他他醬及香烤豬肋骨。黑椒蜜糖雞翼黑椒味雖淡但蜜糖味甜美突出幾好食。香脆蟹肉餅炸得略老火，蟹香不強。傳統炸手指魚配他他醬炸漿外皮雖脆身但略厚，手指魚肉都算白滑。香烤豬肋骨入味腍身調味不俗。是日餐湯薯仔湯，質感稍身，滑度食味皆普普通通。主食意式煙肉白汁意粉，餸料份量不多，煙肉香口而不算肥，意粉富嚼勁，白汁濃稠份量剛好，芝士給力亦見滿意。巴馬火腿牛油果薄餅，巴馬火腿鹹香度不算很突出，配上大量沙律菜用以調和其中口味及予以一份清爽口感。薄餅以芝士蕃茄醬調味，蕃茄濃

同朋友慶祝生日，去呢度食貪佢靜靜地坐得舒服😁叫左兩個set dinner (一個意粉一個飯)，包salad bar 、湯同飲品，另叫左個小食拼盤同pizza, 份量好足，我地五個人都夠食！味道不錯、除拼盤太熱氣外，食得不多，其余都屬中上水準

經常搭車經過見到環境好靚一直想去試,咁啱朋友生日就book左位~因為我想比驚喜朋友所以book位果陣同左餐廳講我會有蛋糕希望到時可以靜悄悄攞個蛋糕出黎,同埋request坐窗邊位~接聽果位先生都好好人唔厭我多要求態度十分好! 我地散叫左蒜蓉飽$29, 黑松露菌雞肉蘑菇意大利飯$148, 香草焗田螺$98, 小食拼盤$138, 煙三文魚闊條麵$148 , fruit punch$5x 原先以為酒店既餐廳應該份量好少.所以3個女仔唔算大食都叫得幾狼死(仲有個一磅CAKE).點知上菜份量大到嚇親.最後都食淨. 試左幾樣野食全部都出乎意料咁好味!! 價錢中上.但咁既份量、味道、服務、環境絕對值得再去!!  **特別一提個黑松露菌雞肉蘑菇意大利飯個汁既味真係好正!

南瓜很甜很好味，汁也夠多！肉醬很多，蕃茄醬味很濃，不錯！正宗薄底pizza, 脆脆的！ 後者有大大粒和牛粒，pepperoni sauage 跟火腿，好肉者之選！很多很多墨汁，吃時最好不要說話！ 飯有咬口，但魷魚沒什麼味道，一般！炸大蝦，炸魷魚，雞翼，還有薯角！ 大蝦很好味！size 細得很，燶燶的，而且一點都不流心，不好吃！