牧羊少年咖啡館 (Fashion Walk)

營業中

休息中

牧羊少年🐑🐏係一間人氣連鎖Cafe，關業多年，都仍然非常有人氣，每次去都係要排長龍，相信好多人都已經去過，今次再次去睇下水準有冇變🍑小食拼盤🍟🍗拼盤裡面小食種類好多，有德國香草腸同煙辣腸，兩款香腸，仲有法國雞翼，八爪魚丸，唐揚一口炸雞，同海鹽薯條。每一款小食都炸得好香脆，仲要熱辣辣，幾推薦，但我就比較鍾意之前嘅薯角多啲，希望會出番🍑蝦頭油鳳尾蝦香辣肉碎意大利粉🦐佢面有肉碎，蘑菇同鳳尾蝦，蝦大大隻幾爽口，而意粉食落去微微辣，但整體上都係偏油，似辣椒油炒意粉多啲，而且冇乜味，所以麻麻地🍑千島香芒牛油果雞肉薄餅🥭🐔🍕Pizza餅底食落去有啲似酥皮嘅感覺，而上面有芒果，牛油果，同雞肉，芒果食落去甜甜地，配埋千島醬好夾，裡面亦都加左芝士，芝士會拉絲，好邪惡，幾推薦🍑日落巴黎🧇窩夫總共有四塊，份量都幾多，而且都整得好脆，幾好食，而隔離配左香蕉，忌廉，朱古力醬同雪糕，雪糕有兩款可以揀，喺雲呢拿同朱古力兩隻味，但只可以揀一隻味，唔可以再雙拼，對於咩都想試下既我，就覺得有啲可惜🍑題外話：試過幾次，都覺得質素都算保持到，但店員態度真係需要改善，問多幾句就好唔耐煩，要我用電話自己落單，問多少少就西口西面

第一次幫襯，朋友介紹，星期六2點去攞飛，大約等20分鐘就可入坐，用餐時間90分鐘，我地叫了兩杯飲品，見人哋隔離枱叫咗話幾好味所以我哋有嗌左黎試一試，水蜜桃乳酪和特濃可可朱古力，味道都算不錯，朱古力味好濃郁，水蜜桃就一般，下次可以選擇其他試試，另外叫了金沙大蝦意粉，金沙濃郁掛麵，大蝦都算多，不過食物上到枱後就比較快凍，凍左食就麻麻地，差唔多食完意大利粉，小食拼盤先嚟到，等得比較耐，反而小食拼盤有驚喜，個人喜歡炸雞翼，超級好食又大隻，另外肉腸有兩隻味道，一款辣另外一款唔辣，春卷就麻麻哋，墨魚丸幾有咬感，下一次可以再叫過嚟食。