酷廚 (已結業)

今日同男朋友睇戲，睇戲前食午餐。在網上訂了座位，環境寬敞舒服、設計靚靚有心思、整齊清潔，有自助區（餐具、醬汁等），到門口位置買食物，食物服務員會取到客人枱上。午餐餐牌有扒類、意大利粉、薄餅、漢堡、飯餐等。點了推介的泰式青咖哩燴雞配糙米紅米白米飯好惹味香辣，青咖哩唔會好辣好開胃，雞肉軟滑配有茄子、香菇、翠肉瓜等，飯又軟硬適中又夠熱！另外點了煙三文魚蜆肉忌廉扁意粉三文魚是熟了又香又健康，蜆肉好多隻唔咸，忌廉好香滑，扁意大利粉軟硬剛好，都好味小食拼盤男朋友喜歡香口的食物，這個小食拼盤有芝麻醬沙律，四款小食（雞翼、春卷、蔗蝦、蝦卷）點了飲品（凍檸茶去甜）加熱奶茶！

同老公到深水步買完野，決定步行到長沙灣食飯!聖誕行過d2 place，發現幾多小店，可惜附近無其他野睇，所以今次行完街先黎食飯!本身搵左間日本菜，但睇過餐牌好似選擇不多而且好貴咁就決定試呢間!可惜呢間都有點失望!首先決定食墨西哥粟米片、凱撒沙律同軟殼蟹漢堡!同店員落單，講要墨西哥粟米片，佢用平板落單，望住呆左一陣先話無粟米片，之後繼續話無米紙卷之類，心諗，餐牌選擇已經不多，無呢樣個樣，你係咪做生意架？之後我地重新諗過，維持軟殼蟹漢堡，另外點左小食拼盤!嘩，份量真係少得可憐，拼盤我無記錯$118,4款小食，但好迷你!每款兩件，有雞翼、春卷、蝴蝶蝦同蔗蝦，味道還可以但份量偏少!軟殼蟹漢堡，蟹香脆，包充滿住牛油味，確實美味，另外薯角香脆可口!整體味道可以，不過價值不便宜而且份量很少，晚飯後我地再食糖水先有飽的感覺!