Milu Thai มิลู่ไทย (百樂中心)

營業中

休息中

泰菜食得多，超浮誇的火山排骨第一次食，感覺係幾震撼。餐廳環境唔錯，色彩鮮艷的壁畫充滿朝氣。座位闊敞，好多大卡位。美食選擇多，價錢唔貴，份量都幾多，味道唔錯，約埋三五知己來食就最合適。火山排骨 $228排骨比想像中大，賣相有點像阿凡達電影中的哈利路亞山奇峰峻嶺山景。部位用上豬頸骨，肉質炆到軟腍鬆化，要放下儀態用手撕食才過方便。由於骨佔部份比較多，實際肉唔算好多，二人食份量剛好。淋上酸辣汁惹味開胃，都有好肉味，的確好食。咖哩三重奏 $218難得紅黃青三種咖喱出現同一時空，一次過食係幾過癮。每款咖哩都好香滑濃郁，有西蘭花椰菜花墊底而且好入味。紅咖哩味道酸辣，有大蝦、青口、魷魚。黃咖哩味道鹹辣，有扇貝、炸龍脷柳。青咖哩味道香甜帶點椰香，有香脆的炸軟殻蟹。配埋蒜香牛油多士，可以食盡所有咖哩汁，食完相當滿足。泰式蛋包炒金邊粉 $118外層蛋網三隻大蝦，金邊粉炒得乾身有鑊氣，條條分明，放耐點亦唔會痴身，味道酸甜口感彈牙，唔錯。小食拼盤 $188拼盤包羅各款小食，有魚餅、香脆的春卷、厚實彈牙的蝦餅、惹味的香葉雞和香脆蝦片，各有特色。珍多冰 $36椰奶味香甜，珍多彈牙，唔錯。青檸梳打 $34清爽口味，正

同朋友坐低輕鬆食個午餐 食物 : 小食拼盤 $188 ~ 有蝦餅、魚餅、春卷、香葉雞和有量炸蝦片, 味道正常，份量足夠大頭蝦冬蔭公湯 $128 ~ 味道不錯, 酸酸辣辣, 還有兩隻大頭蝦 馬拉盞拉雜菜 $88 ~ 味道香濃有鑊氣 泰式蛋包炒金邊粉 $118 ~ 味道正常普通 飲品 : 凍青檸茶 $34 ~ 味道一般 乳酸梳打 $34 ~ 味道幾好 環境 : 店內全是木式裝修, 座位舒適 服務 : 職員有禮貌 價錢 : HK$649/2人 (加一服務費)

情人節當然要食餐好某人對泰菜情有獨鍾～今年特登搵左依間風評唔錯既泰國菜撐枱腳本身係比火山排骨同火焰燒雞吸引左嚟，但後嚟見到實物有啲多唯有等下次人多啲一齊食再叫拼盤真係岩晒我依啲三心兩意既人一次過滿足晒我咁多個願望～蝦餅魚餅陣牙又香口香葉包雞夠晒惹味，仲有淡淡葉香蝦片脆卜卜深得我心燒魷魚夠地道有係泰國食既味道～爽脆既魷魚圈加埋酸酸辣辣既醬汁真係開胃又好味一個鍋可以食晒紅黃青三款咖哩唔需要取捨既感覺太完美啦～紅咖哩濃郁惹味、黃咖哩椰奶味香、青咖哩味道清新配埋各類新鮮海鮮一齊食無得輸咖哩三重奏仲有另外附上蒜蓉包粒提供，可以沾咖哩一齊食，吸晒咖哩既麵包粒好香好好味～真係神來之筆粉金邊粉都唔錯，麵身有咬口夠乾爽，又唔會炒到一舊舊，味道夠正宗食泰國菜飲個椰青水就夠晒地道清甜又解膩，飲完仲可以刮椰肉食

🏝樹熊成日都話想食泰國菜，要揀間有派頭嘅泰國菜，《Milu Thai》都真係出晒名。‪📌銅鑼灣百樂中心‬成幢都係嘢食，平時繁忙時段要排隊🚶🏻上去，等𨋢都排到出街。📌又到聖誕！各個食肆都有掛上聖誕裝飾，門口就擺咗聖誕老人，想捐入去《Milu Thai》食野呀。😂📌《Milu Thai》就位於2樓， ‪星期一晚上8:30‬上到去，都全場爆🈵，咪話唔誇張。📌所有泰國菜式都有，小食🍢、沙律🥗、咖喱🥘、烤魚🐠、金邊粉🍜、炒飯🍚、甜品同飲品，乜都有齊真係樣樣都想試吓。火山排骨，$228黎《Milu Thai》一定要試佢嘅招牌菜火山排骨啦！呢個招牌菜睇嚟都冇人唔識，因為真係佢嘅重點推介。聽個名有幾震撼，碟菜式就有幾震撼！一上枱，真係火山爆發咁嘅款☄️！由五六塊大排豬肋骨推砌成的火山排骨真係成座山咁高，排骨上面淋滿泰式青辣椒醬，就好似山上面嘅青草咁，呢個名真係改得好貼切。豬肋骨🍖本身烹調過，連啲骨頭都好夠味，喺肋骨之間長的肉，肥肉位唔多，所以好淋，每一嚿肉都好嫩滑，青辣椒本身都幾辣🌶，醬汁撈埋魚露同埋青檸味道，酸酸甜甜，成件事好開胃。職員好貼心地送上濕紙巾同埋手套，可以揸住成嚿排骨🦴，慢慢噀慢慢咬，十足

銅鑼灣耀華街百樂中心一直是美食集中地，電梯大堂經常大排長龍。2樓有間正宗泰國餐廳Milu Thai ，餐廳座位濶落舒適，經常爆滿。這間餐廳食物份量驚人，眼見很多食客和我一樣，食唔晒要打包。火焰燒雞$208上枱時店員會在客人面前點火燃燒，火光烈燄即時包圍着雞身，極具視覺震撼力。原隻燒雞超大隻厚肉，比想像中更加份量十足，比較適合幾個人一起享用。外皮燒得香脆，帶有甜甜的蜜糖燒汁味，難得的是燒雞不鞋口，皮脆肉嫩，泰式香料醃得夠入味，沒有絲毫雪味，尤其是雞脾位夠啖啖肉，燒烤期間把油份迫出，變得肉汁豐富，肉質嫩滑。小食拼盤（蝦餅、魚餅、春卷、香葉雞）$188小食拼盤份量巨型，一盤就已集齊四款小食：蝦餅、魚餅、春卷、香葉雞，一次過嚐遍多個款式。蝦餅魚餅外皮炸得金黃脆卜卜，泰式春卷外皮輕薄脆口，內餡的蔬菜絲中爽雜著QQ粉絲，口感富層次。香葉包雞擁有獨特的清香味，將斑蘭葉包裹雞件炸透後，淡淡葉香滲入雞肉裏，外乾脆而有肉汁。泰式串燒（半打）豬牛雞各兩條。 $108串燒拼盤豬牛雞各兩串，每串都是啖啖肉。燒得表面帶焦香，肉質滑嫩不鞋口，點些沙嗲醬更加惹味開胃。生菜肉碎包$108泰國菜講究食味的配合與平衡，複雜

銅鑼灣樓上泰菜，慕名而來食餐廳招牌巨大化火山排骨🤭建議多人嚟share，因為份量真係好大，啱晒一家大細或者一班朋友聚餐。入到去環境昏暗，冇乜裝修，而且裏面卡位比較狹窄，坐得唔太舒服，少少食茶記感覺。不過食物質素高，可以補救😜😜火山排骨 $228 性價比高嘅排骨，成座塔高嘅造型，相當有驚喜因為排骨本身辣，所以怕辣人士可以分汁上，自己點汁。但我覺得辣嘅好食啲，佢嗰種辣好惹味，係會停留喺口腔一段長時間‼️小食拼盤 $188集蝦餅、魚餅、春卷、香葉雞於一身嘅拼盤。全部都好食，但魚餅有陣香料味，未必個個人鍾意。青檸酸辣明爐烏頭 $208呢個非常重酸辣味，好開胃。面頭沈滿粉絲，索晒湯更加辣，加上魚身嫩滑，係嗜辣人士嘅福音😝菠蘿海鮮炒飯 $108亦都係一間比較出色嘅炒飯，好香黃咖喱味，海鮮嘅份量唔少。總結，呢間係銅鑼灣合理價錢泰菜，泰國主廚味道有保證，如果對環境有追求或者唔食得辣嘅人，就可以唔使試啦🤣

呢排ig係咁比呢碟火山排骨洗版，咁岩約左2個大食量既朋友食飯，今晚就可以會一會佢😆🐷火山排骨 $228Omg!! 店員把排骨捧上枱面果陣真係好震撼😂就算有晒心理準備都好大衝擊❗️我諗4-5個人share食都冇問題，有3大條排骨屹立碟中砌成火山形狀，中間亦有細舊少少係排骨係底，店員好細心會比埋膠手套我地拎起食，用手食零舍好食😆其實都幾啖啖肉，肉質煮得軟嫩同入味，加上泰式酸辣汁令到勁加開胃😆🥚泰式蛋包金邊粉 $118金黃色既蛋皮包住色彩繽紛既金邊粉，呢款屬於偏向甜甜酸酸果款，係我既最愛😆有大蝦、豆腐乾、芽菜等等配料，炒得都幾乾身👍🏻🐟鹽燒鰂魚 $178呢條魚有驚喜💖泰式香料佈滿魚身中，令到成條魚好香，有少少微辣同酸甜既味道，而且肉汁鮮嫩多汁，口感好好！🐏泰式青咖喱燒羊架 $148超惹味既一道菜式😝羊架本身已經有調味，肉質都幾柔軟，未點咖喱汁已經味道濃郁，再沾上青咖喱帶少少微辣同椰香，如果有碗白飯應該食幾碗🤣小食拼盤 $188有蝦餅、魚餅、春卷、香葉雞同蝦片🐥所有小食都好香口惹味，用黎送酒或者嘆返個椰青既最佳配搭💯泰式串燒（6串） $108今次揀左雞🐥豬🐷各3串，串串都好厚肉好大串，雞肉豬肉都

🇹🇭 #銅鑼灣 #MiluThai同朋友慶祝生日，揀咗銅鑼灣呢間坐得舒服又好味嘅泰國菜🥰 呢度啲枱好夠大張，而且食物都超大碟，好抵食㗎😆🌋 火山排骨 （$228）超震撼嘅排骨！ 有成3-4條，每條都超大條、好多肉！啲肉軟腍好味，戴餐廳提無嘅膠手套再用手撕啲肉落嚟好方便～ 泰式嘅酸辣調味好正🤤 好似泰式生蝦嗰種，越食越辣㗎😚🍤 小食拼盤 （$188）小食拼盤有香葉雞、魚餅、蝦餅、春卷同蝦片🤩 仲配有酸辣醬同甜醬任君選擇😋 蝦餅真係大推！佢超級飽滿，仲有好多真蝦喺入面㗎😋 魚餅本身都辣辣哋、春卷係塞滿蔬菜嘅炸素春卷、雞肉就超級香😚！🍝 泰式蛋包炒金邊粉 （$118）估唔到金邊粉都會有三隻大蝦🤩 金邊粉超足料，入面有好多大大塊嘅魚片塊！😛 乾濕度都啱啱好，調味都有三種可以自己加入😋🥬 馬拉盞通菜 （$88）馬拉盞係我嘅all day favourite 😚 辣辣哋又超香，又唔會好似飛天通菜咁辣，啱啱好❣️🍹 乳酸梳打 （$34）🍋 青檸梳打 （$34）🍯 熱柚子蜜 （$30）飲品解辣啱啱好😆

朋友話好想食泰國野就揀左呢間試，特別係見佢有個火山排骨好正咁😌。舖頭都幾大，入面有啲卡位多人坐都唔逼👍🏻。🔅火山排骨 ($198)呢個差唔多枱枱都叫🤣，所以又跟下機。擺盤好壯觀，真係成座山咁😳。店員會俾埋濕紙巾同手套方便用手食好貼心👍🏻。肉質都幾嫩，好香泰式香料味，偏酸辣，朋友唔食得辣既覺得好麻又辣🤣。有成4~5條骨，份量多到2個人係食唔晒🙈。🔅泰式串燒(半打) ($88)串燒叫晒豬、牛同雞各2串，3款都唔錯，啲肉唔韌，雞同豬都夠滑，咬開都唔會痴牙。$15左右一串其實都算抵👍🏻。🔅泰式蛋包炒金邊粉 ($108)金邊粉炒得好煙韌，鍾意辣既可以自己撈少少辣椒粉同花生碎就惹味好多😍。🔅小食拼盤 ($168)拼盤有蝦餅、魚餅、春卷、香葉雞同少少蝦片，簡直係邪惡拼盤😈。最鍾意蝦餅，蝦肉好彈牙又炸得脆，蝦片都係新鮮炸起仲好脆👍🏻。🔅泰式奶茶 ($32)食泰國野點可以唔飲泰式奶茶😎，甜甜地平衡番啲辣味✨。🔅柚子蜜(熱) ($28)朋友有少少冷親病病地所以叫左杯熱柚子蜜，見佢好快飲晒成杯應該都唔錯🤣。💬食物款式都係好地道泰國菜，沙律、小食、串燒、主菜、海鮮等等都有，覺得幾適合一大班人黎試👍🏻！

𓈒𓏸𓐍 ⚑⚐ Milu Thai มิลู่ไทย𓇢 火山排骨 ①⑨⑧𓇢 小食拼盤 ①⑥⑧ （炸蝦餅 炸魚餅 香葉包雞 泰式春卷）𓇢 大頭蝦冬蔭功湯 ①①⑧𓇢 泰式鳳爪沙律 ⑦②𓇢 青檸梳打 ②⑧𓇢椰青 ④⑧𖠚 𓈒𓏸𓐍 廚房內傳一串串的泰文轉過頭就有期待已久既火山排骨出現超 澎 湃！酸辣和蒜香 是經典泰式風味 肉也煮得很軟是要穿手套把用 撕開像雞脾一樣吃的小食拼盤一次過滿足幾種味道蝦餅彈牙 春卷香卷 香葉包雞非常入味冬蔭功湯椰汁味濃 一口接一口鳳爪沙律略嫌不夠入味 但鳳爪的量是放滿了盤子跟外面只有三四隻配一整盤蔬菜完全不同再喝一口椰青和青檸梳打 超爽！𓈒𓏸𓐍

突然想食泰菜， 諗起之前去過MILU THAI呢間餐廳今日就決定去食個lunch啦12點幾上到去， 人流未算多睇完menu叫左幾樣野食加野飲: 小食拼盤， 馬拉盞通菜， 泰式蛋包炒金邊粉， 泰式奶茶小食拼盤 $168個份量都唔少， 有蝦餅， 魚餅， 春卷， 香葉雞雖然係熱氣之選， 但勝左咩都有最好味就係香葉雞細細舊幾嫩口， 食落好香香葉味又唔乾其他小食合格既馬拉盞通菜 $78叫左碟通菜， 佢有幾款炒法可以揀泰菜當然要叫馬拉盞有少少辣，味道ok，正常發揮泰式蛋包炒金邊粉 $108炒金邊粉亦都係泰菜必定會order既呢個金邊粉賣相都幾好， 上面仲有２隻炸蝦不過個粉略嫌有啲唔夠熱泰式奶茶 $32呢杯飲落好似甜度爭啲反而茶味偏重左佢應該可以落多少少煉奶因為印象中泰式奶茶應該係比較甜今次我地冇叫到大家都post & 打卡既火山排骨2個人黎講真係食唔到太多野， 哈哈~ 

已經吃過很多次Milu Thai，是我心目中最推介的泰菜餐廳之一在銅鑼灣鬧市地段可謂是性價比非常高而且食物味道又高質！這次特地為了目前最hit的菜式而來😋😋★★★★★火山排骨 $178泰國曼谷拉差達火車夜市 網紅火熱菜式~！火山排骨無論視覺或味覺都令人有很大的衝擊感３大件排骨堆砌成一座巨型火山，又有點像莊觀的排骨教堂🤣一看就知道份量十足了，我們戴著手套狂拼了整個小時，還在吃🤣排骨肉質非常嫩滑，肉熬燉至軟稔鬆化，面層鋪上香蒜﹑香草﹑檸檬葉﹑青辣椒等多種香料以特製的泰式酸辣汁調味料理，肉質入味，酸酸辣辣的非常開胃，而且越吃越如火山爆發般辣得滋味😻筋肉位也十分軟嫩帶骨膠質，層次豐富滿口肉香，絕對值得再試😋★★★★★柚子鮮蝦沙律 $88柚子清甜爽脆多汁，不會過酸亦沒有柚子皮的苦澀味，處理得不錯鮮蝦份量不少，彈牙爽脆，搭配果仁更香口，酸酸甜甜開胃又清新★★★★★小食拼盤 $88拼盤有蝦餅﹑魚餅﹑春卷﹑香葉雞蝦餅夠脆，魚餅厚身香口春卷香脆餡料豐富，雞翅juicy香葉雞香味十足不會乾，整體良好★★★★★鹽燒鰂魚$138鰂魚以粗鹽包裹着來燒，熟度也控制得很好，而魚肚內藏着很多香茅和其他香料，肉質嫩滑少

朋友被IG既🌋火山排骨燒著左🔥開頭我都有啲驚，因為本身唔係好食得辣～餐廳好貼心，將辣汁同排骨分開上，咁就唔使一次過咁辣啦🤭👏🏻👏🏻WAAA!!真係好似座山咁高，排骨仲好大舊～排骨唔會好肥，但肉質唔會嚡口，都算嫩滑！朋友話辣汁辣得好過癮，鍾意食辣嘅朋友一定要試呢個秘製醬汁😝炒蜆大隻，黃咖喱惹味得黎唔辣！啱晒唔食得辣嘅我～配菜仲有洋蔥、紅椒、西芹等，真係想叫多個蒜蓉包點咖喱汁食😝小食拼盤有齊炸火山排骨、炸魚餅、春卷、炸雞，仲有炸蝦片😍一次過滿足晒你多個願望！炸蝦餅爽口、彈牙，炸魚餅有泰式香料味。春卷餡料豐富，炸雞香脆～食泰菜必點椰青，夠晒清涼解渴！朋友就點青檸梳打，大大杯都幾抵飲～

火山排骨 $178 泰國火車夜市既火山排骨，係香港都食到😍 份量多得好驚人呀😱 真心夠3-4人食，計番依個價錢真係算好抵 !! 依款豬脊骨既size好大，亦都好厚肉😋 肉質鮮嫩又juicy，一啲都唔會乾爭爭👍 最誇張係鋪係排骨上面既蔥同芫茜，鐘意香料既朋友仔一定不能錯過😳 浸住排骨既汁酸酸甜甜，越食越開胃🤭小食拼盤 $168依個小食拼盤有蝦餅、魚餅、春卷、香葉雞😉 啱曬我依啲鐘意食脆口野既人!! 特別推介香葉雞，就係圖中有香葉包住果幾件🤓 雞件除左充滿淡淡香葉清香，肉質仲好juicy🥰炭燒豬頸肉 $88食泰國菜必嗌炭燒豬頸肉🐷 豬頸肉肥瘦適中，配合埋自家調製既醬汁，真心高質👏蝦醬炒飯 $88一拎上枱已經聞到勁香既蝦醬味，重口野啱曬我😎 用泰國米炒飯真係無得輸，粒粒分明，口感又煙韌😋 撈埋蛋絲、肉鬆、蠟腸，秒速ko成碟飯😎蒜蓉炒椰菜苗 $88係好少見既椰菜苗呀😍 有時去食都未必次次有番貨，今次食到真開心🥳 椰菜苗口感好爽脆，口感一流!! 蒜蓉炒得好香口，撈飯一流🤩芒果糯米飯 $78甜品又點少得我最愛既芒果糯米飯🥭 諗番去泰國旅行日日食芒果糯米飯既美好時光，究竟幾時有得去旅行呀😭 食住依個