捌壹壹 (奶路臣街)

營業中

休息中

網上外賣平台叫了夫妻肺片+川北涼粉，盛惠$89+$62，打開發現夫妻肺片份量超少，似平日買涼麵加餸的份量，而不是單點一客例牌。睇返餐廳堂食係收$69一客夫妻肺片，網上外賣平台外賣足足貴了$20，俾既份量亦不合理。味道係唔錯，但咁既性價比好難有下次。

必食冷鍋酸菜魚 $188 幾多魚又夠滑，不過有少少骨，要小心食。味道都幾酸，中辣都可以接受，配料除左大量酸菜仲有芽菜，金菇，寬粉等食完之後可以再散叫食材打邊爐，萵筍片 $38以及蟹籽丸 $39，正常火鍋配料。手撕包菜 $65 幾好味，菜幾爽口。 尖椒皮蛋 $38有啲貴，譚仔好食啲又抵食啲！川北涼粉 $38呢個啲粉有點腍得濟，不過幾好食。幾款小食同小菜都係辣，惹味又過癮，不過叫杯凍飲更加爽，荔枝沙冰 菠蘿沙冰 $35 消暑又解辣！人氣食店都幾多人等位，店員都好趕翻枱，用餐時間一到就一分鐘內催兩次，大佬阿，咁飲埋杯野，抹個嘴，戴個口罩都要少少時間既，見到個客都預備緊離開又唔駛趕客卦...

川菜越嚟越盛行 一定唔少得酸菜魚😍 特別推介冷鍋酸菜魚 同 黑糖糍粑👍🏼👍🏼 下午茶由$38起，行過旺角可以一試😚.🐟冷鍋酸菜魚 $188: 魚肉完全冇骨，而且非常嫩滑😋 入面仲有寛粉、金菇、酸菜🥰 兩個人食好飽，仲可以加其他打邊爐食材架☺️.🌶川北涼粉 $38: 口感好滑，凍凍地好解辣😋 粗度比出面較幼!.🐄夫妻肺片 $58: 揀咗小辣剛剛好，有牛𦟌、牛肚、牛舌👍🏼 全部都新鮮爽口😊.🍢黑糖糍粑(小) $28: 糍粑好Q彈😇 沾少少黑糖醬做甜品好滿足😊.🥤荔枝沙冰 $35: 食完辣野飲番杯沙冰好爽🌟🥤烏龍茶 $15

已經幫襯過捌壹壹好幾次喇！平時多數會買佢地既酸菜魚返屋企同屋企人慢慢食（魚又滑食落又惹味！真係好正嫁！） 。不過今次大家都想試試其他野，所以就叫左以下呢d食物喇：1）無骨口水雞（一隻）一打開個蓋，可以用香氣四溢黎形容，淨係聞到都已經流晒口水，完全配得起「口水雞」呢個名！食落亦非常惹味，又香又辣又麻。雞肉真係冇骨，咬落啖啖肉，而且雞肉好嫩滑，食落冇雪味，真係雞有雞味！2）少爺炒飯驚喜十足，份量大大份亦足料。炒功唔錯，飯粒炒到粒粒分明，而且食落好夠鑊氣！3）尖椒皮蛋外表晶凝通透，鮮橙色既皮蛋黃非常吸睛！食落非常惹味，好食到停唔到口。隻皮蛋仲要係溏心添呀！係色、香、味俱全既菜式！4）川北涼粉醒胃又好味既菜式，涼粉好爽口，配埋芫茜、花生同麻辣醬汁黎食簡直冇得輸！好消暑呀！5）手撕包菜食落好有鑊氣，包菜爽脆清甜，調味恰到好處，冇諗過食菜都可以咁滿足，正！總括黎講，佢地既食物質素真係冇乜點可以挑剔，屋企人都好滿意，食物都清光光，應該好快又會再幫襯佢地喇！順帶一提，而家惠顧晚市主菜餐牌仲有八折優惠呀！

捌壹壹 旺角❗️選擇多抵食川菜❗️好耐冇食川菜，晚市見到OpenRice訂座有八折優惠，網上評價又唔錯，味道都唔錯，的確幾抵食！‼️以下列出嘅價錢係原價未打折‼️必食冷鍋酸菜魚 $168川菜餐廳當然唔少得酸菜魚啦，除此之外佢哋仲有水煮牛肉、雞煲等等選擇，甚至有鮑魚花膠雞煲揀添🤩🤩🤩。第一次嚟揀咗佢哋嘅招牌冷鍋酸菜魚🐟魚嘅份量非常之多，而且真係好滑好滑，配上大量嘅鹹酸菜、芽菜、金菇同埋少量寬粉，味道酸酸鹹鹹，都幾好食👍🏻不過啲酸菜都幾鹹，就咁食就有啲難接受🙈不過其實成個酸菜魚都係熱嘅，唔知點解叫冷鍋呢。唔夠飽嘅話仲可以將呢個煲變成火鍋，有多種配料選擇，都幾抵食！味道: 4.1/5性價比: 4.3/5蔥爆牛肉🐮$98貌似普通，但的確幾有鑊氣，特別係啲蔥真係非常之香🥰牛肉份量多又滑，雖然有少少似茶餐廳嘅菜式，但的確幾惹味👍🏻。味道: 4.1/5性價比: 4/5尖椒皮蛋🍳$38晶凝通透橙黃色🥰味道係幾好，酸酸辣辣。而且皮蛋中間係流心，不過呢一個皮蛋白係爽口啫喱口感嗰種，我就冇咁鍾意。味道: 3.8/5性價比: 4/5 川北涼粉🍜$38川北涼粉係四川菜嘅特色麵食，晶凝通透爽口得來又有少少煙韌，不過一款就

朋友係要見下的~又是約老友見面的時間~又是最方便的旺角~ 剛好大家想食中菜~ 在openrice搵下見中旅社附近有呢間~其實811店名是代表咩意思??在門口見環境OK就直接入去, 餐牌可以點小菜, 可以食火鍋~ 小菜辣度也可自由選擇牛肚好正!!乾身爽口的, 平時食的牛肚都是比較淋身, 原來干撈也不錯! 涼麵麵質算幾好食! 偏硬身少少~ 手撕雞份量不算多, 但夠嫩滑金湯鮮椒魚我感覺也是有點像酸菜魚~ 湯上多了鮮椒的辣味~ 魚片夠大份量夠多 , 嫩滑, 魚骨只有少許經常點干煸四季豆食, 這個我覺得算中上水準, 四季豆不會炸得太乾/太淋, 肉碎份量多, 連白飯食一流海蜇下是紅油, 越食越辣, 越過癒特別推薦黑糖茲粑, 25蚊,份量超多, 夠晒抵食!!荔枝沙冰的匙是櫻花紋~ 勁靚平時一支都收30蚊, 依家2支的份量, 加上不停轉色的燈, 都是32蚊. 抵晒!! P.S. 原來入面有一隻鯊魚橡皮糖~好正川北涼粉要小心夾, 太暴力會斷~ 不過越食越辣 ><真心講811 價錢唔算貴, 食物質素好, 推薦下先~