巢私厨川菜 (裝修中)

餐廳裝修較一般川菜館特別，精緻有情調， 牆邊掛滿一些精緻擺設，杯碟也別具特色。冷盤《陳醋肴肉》$118～肴肉晶瑩剔透 ，配上啫喱似的陳醋，入口即融，口感特別！《秘製酸菜鱸魚》$388 ～必食這裏的招牌菜酸菜魚，舖了紅彤彤的紅辣椒， 感覺刺激 , 配上精美盛盆，更具特別。 紅紅的辣椒辣味十足, 鱸魚魚肉嫩滑，鮮味無比！惹味小食《巢辣子雞》$188 ~ 雞肉嫩滑無比，辣味適中，鬆化香口，令人難以抗拒， 不宵一刻，已給我們吃過清光。 《椒鹽排骨》$168～排骨肉腍入味，香脆得來又好留到肉汁，令人回味！《秘製土豆燒茄子》$88～茄子香軟鬆綿，濃郁香惹，別具風味！至愛甜品《高力流心香芋》$102～外皮鬆脆，內有流心香芋，沾上糖粉，甜度隨意，每一口都充滿脆嫩滋味!

講起川菜，好似真係無喺香港食過😆😆同同事行完銅鑼灣，想食下辣野，於是就上左去巢私廚川菜館到試下😇就係俾樓下個餐牌吸引左上去🥺裝修都幾靚喎，古式古香😍餐具都幾有心思🥰✨陳醋菠菜 $88估唔到佢係咁得意😄啲菜好入味呀，陳醋好香，食呢個好開胃😙✨水煮牛肉 $168想食水煮牛肉好耐啦😍😍今次叫左中辣💪🏼牛肉好嫩滑⋯初初食覺得唔夠辣😂點知愈食愈麻，愈食愈辣，好過癮😄😄😄✨兩江藤椒腰花 $148豬腰都幾難整得好食㗎，一黎好難洗，二黎陣味好難除，好彩食落都好爽口，無怪味，而且又係另一種麻辣，撈下飯食超正😆😆✨巢辣子雞 $188呢個超正！勁香口，一定要叫！啲雞入面唔乾身，外皮夠脆又入味，好好味！🥰最後再送生果，食完個人清爽番晒

太耐無黎食飯喇，工作忙到一個點！上年就好流行雞煲，今年好似流行食川菜辣野，我近年都開始鍾意食辣野，見開多左好多呢類型既餐廳，但就唔係間間真功夫。今日就去食一間我覺得幾實力派既川菜：巢私厨川菜館。佢地既餐牌好靚，不過就無影喇因爲太大本。呢度最出名係食小龍蝦，不過我海鮮敏感，所以只可以叫其他野食啦。首先叫左個陳醋菠菜。佢地菜式都好講究賣相，搞到我唔搞夾散佢！食落酸酸地，超開胃，諗起都流口水。跟住啲主菜開始黎喇，首先係水煮牛肉，超多辣椒係面，中辣黎講我覺得岩岩好，最重點係夠麻！明明唔係好辣，但愈食愈大汗，呢個感覺好正！牛肉好滑口，夠淋夠入味，入面仲有生菜、金菇等呢類會索辣既野，加多碗白飯撈汁，包你食到停唔到口。跟住到兩江藤椒腰花。豬腰夠爽口，啲汁又係無得頂。跟住呢個巢辣子雞又係好惹味，雞外脆內滑，亦都夠入味，加埋啲類似蛋散既脆口野，送啤酒個下簡直係無得頂！食到最尾送生果，一人一件，我覺得唔hea，bite size又夠新鮮。價錢方面兩個人食左七百幾蚊，服務質素好好，會建議菜式，亦不時幫你加茶倒啤酒，環境非常闊落，所以係物超所值。